أختي ليه الغرور ...

اختصرتي الكثير بقولك ( إنه موضوع الإسترداد يتوقف على الأهل وذوقهم ) وهذا الأمل وحسن الظن فيهم

لانهم عارفين إن بنتهم هي سبب كل شي وهي اللي أحرجتنا وأحرجتهم ودخلت الأمور في بعض بتصرفاتها

انا لما قالوا لي عن فسخ خطوبة عمها ( اللي اصغر مني بسنتين ) إنه الفسخ كان من ابنهم ...

وكلموهم أهل البنت عشان كانوا بيرجعون اللي جابه لهم - طبعاً مو كثير - ( تبسي ومبخرة ودبل وشي زي كذا )

لكن رفضت أمه و قالت هذي هدية مني للبنت ...

طبعاً الله أعلم هل هو تلميح لي لأترك كل شي أم إشارة بأنهم سيرجعون وأنهم مو في حاجة ؟!


ألف شكر على على مرورك الراقي أختي ....

دمتي بخير .

__________________

اعتقد ان من عاداتهم ارجاع المهركامل والهدايافي حال الانفصال قبل حفل الزواج...والدليل حكاية عم البنت

...انا والله اتمنى ان ربي يصخرهالك وتغيرتصرفاتها ومايتم الانفصال ويتم كل شي على خير..

لكن تأتي الرياح بما لاتشتهي السفن

والله تكاليف حفل الزواج تهد من غير البيت والتاثيث

وتجهيزنفسك...وتصرفات البنت

ماتبشربالخير...خصوصاانهابكت في اليوم الي كنت مسافرلهم فيه حرام تخسر والنتيجه عدم توافق وعدم

اقتناع وفرق كبيربين الشي الي تبنيه وانت مقتنع والشي الي ينبني من غيراقتناع تام

اتخذقرارك وشوف مصلحتك وين..حتى استرجاع المهر اقبل باالنص واخسرنص افضل من خسران الكثير

وفي الاخيرالتوافق معدوم

أهلين أختي روح الطير ...

حادثة عم البنت كان الإرجاع فيها من قبل أهل البنت اللي كانوا خاطبينها له
وأمه ( جدة البنت ) اللي رفضت وقالت هذي هدية مني للبنت ( لأنها وكما قالت لي حبتها ) ...

وعموماً حنا كلنا من نفس المنطقة ( الغربية ) والإرجاع يعتمد على الأهل مافي شي ثابت عند أحد عن أحد ثاني .

سالفة بكا البنت يوم ما كنت رايح لهم ما أدري وش قصدك فيها لكن أتوقع إنه في شي صاير بينها وبين أهلها بخصوصي وهو السبب ...

المهم ، إنه حصل اليوم موقف ما كان في الحسبان ولا توقعته ...

اللي حصل إن البنت أخيراً وبعد أسبوع من آخر مكالمة واسبوعين من رجوعي من عندهم اتصلت أخيراً ...

طبعاً كنت في العمل والإتصال كان في وقت المفروض إنها فيه تكون في سابع نومه الساعه 11 تقريباً ...

عموماً أنا ما رديت ولا رجعت دقيت عليها وطنشت ، بعدها تقريباً على الساعه اثنين رجعت دقت وبرضوا ما رديت عليها ...

طبعاً البعض لامني إني ما رديت و طلبوا مني إني ارجع أتصل ، والبعض أيد موقفي وهم قلة ...

انا أتوقع لو رجعت دقيت إني ما راح أستفيد شي ، راح تتكلم عادي ولا كأنه صاير منها شي ،

وهذا راح يغيضني ويمكن أتكلم كلام يوجع صراحة ، ولو ما رجعت دقيت بيصير الموقف ضدي و بصير انا اللي ما أبيها في نظرهم ويمسكونها علي قدام الشرع ولا يرجع لي شي !

سبب عدم ردي إني ما ابيها تتعود على إنه كل ما سوت شي تجيني وأستقبلها عادي ولا كأنه صاير شي

وافكر أرجع أدق وأشوف وش عندها مع إني ما أتوقع إنه يجي من ورا اتصالها سالفة ...

بل إني لا أستبعد إن الإتصالين كانت بضغط من الأهل !



أكرر شكري لمتابعتك وتفاعلك .

دمتِ بخير .

__________________