والله يا أخوي الاخوة هنا أعطوك احتمالات كثيرة.. ويمكن يكون أي رأي فيهم هو الصواب..
أفضل شيء اعتقد هو المواجهة..
انت تقول انك طنشتها اسبوع وأيضا ما اتصلت.. يعني مش موضوع انها تثقل وتغلى ..
طرشلها مسج وقول لها فيه اللي تبيه..
واذا كان ردها انها بالعكس تبي تكمل الموضوع.. اتفق معاها انك تقعد معاها وتفهمها كل الأمور اللي مضايقاك..
الصراحة من أولها مهمة ولازم كل واحد يدرس طباع الثاني عدل..
بس لا تتسرررررررررررررررع أبدا ترى هو زواج..

الله يوفقك يارب ويسعدك ويهنيك..
وطمنا على أخبارك..

__________________

والله يا أختي الآراء والإحتمالات كان فيها الصحيح وكان فيها الخاطئ

خصوصاً بعد المواجهة اللي اقترحتيها انتي ...

وللاسف كانت مواجة بدون نتيجة لأن البنت لم تبدي تراجعها لأنها خايفة من اتصريح بالشي هذا

أو لأنها لا ترغب بإعادة شيء مما دفع لها ، لأنها قامت بالرد على الهدية بهدية لكي تغلق الباب في وجهي

وانا ما عندي مانع أرجع اللي جابوه وبدون أن أسترد هديتي ، لكن ما يتعلق بالزواج فلي الحق فيه شرعاً

قبل أن يكون منطقياً ...



الف شكر لتعقيبك ...

__________________

اعتقد هديتهالك في يوم الملكه ماتقصد البنت شي فيها...لان كل بنت تهدي زوجهافي يوم الملكه او اغلب

البنات كذا.

أختي الهدية ما كانت يوم الملكة بل كانت في الزيارة اللي رحت لهم فيها

عشان أشوف الوضع اللي حنا فيه ، بالعكس يوم الملكة ما جاني شي منها ...

جاني من أهلها ثالث يوم وعطتني اياها وحنا طالعين أول مره .

هذا للإيضاح فقط ...

ولك الشكر .

__________________