بسم الله والصلاة والسلام على رسول الله


لا أدري من أين ابدأ ولا كيف !

مشكلتي أني تملكت وبعد الملكة بدأت تظهر لي بعض العادات والتصرفات

التي لا ترضيني والتي لم أنشأ وأتربى عليها ....

وللاسف لم أتمكن أن أوصل لها هذه الأمور لعدم تمكني من التواصل هاتفياً معها

لأنها ببساطة ومثل أغلب البنات لا ترد على الإتصالات وإذا اتصلت ( بعد ثلاث أربع ايام )

لا تكون المكالمة طويلة لأنها ما تتصل من تلفونها وأحيانا تتصل وهي في الطريق لمشوار معين

وشوي تقول أنا وصلت يلا مع السلامة ! ووييين إلين يصير بيننا مكالمة ثانية ونفس الموال ...

أمها وابوها منفصلين وعايشة مع أهل ابوها ، اللي وكما يبدو لي إنهم مقسين البنت على أمها

صحيح إنها تزورها وتواصلها لكن ما أعتقد إنه كثير وإنه فيه صلة قوية بينهم ....

اتصلت مره بعد الملكة على الأم اسلم عليها ووجدت كل ترحيب وتقدير ونصائح ، وإنه لو عندي أي استفسار

او ملاحظة أو رأي في شي إني أبلغها وهي توصلها لبنتها بطريقتها الخاصة ، فرحت للأمر هذا ولكن لم

ابادر به لعدم رغبتي في فتح مجال وباب للتدخلات الاسرية في أي مشكلة تواجهنا كأي زوجين ...

وقررت إنه أي شي يكون بيني وبين زوجتي فقط وحنا نحل مشاكلنا بنفسنا ....

ولكن للاسف أنا ماني قادر أتواصل معاها بسبب عدم ردها على الإتصالات .... لدرجة إني مره سمعت إنها

مرضت ودقيت عليها ولا ردت أرسلت رسالة ( سلامات طمنيني عليكي ) حتى ما كلفت خاطرها تقول الله

يسلمك رغم مرور أسبوع .... غيرت وقت اتصالاتي مافيه فايدة !

دورت أكثر من عذر وحطيت عدة احتمالات حتى إن أسوأها كان إنه إما تكون بطلت في الزواج أو إنه

جايتها عين عملاً بقول النبي صلى الله عليه وسلم ( التمس لاخيك سبعين عذراً )

وضح استيائي من الوضع قدام الوالدة وقدام خالتي ولكن لم أظهر أي شي ....

حاولت الإتصال بوالدتها أكثر من مرة وفي أوقات مختلفة ما ترد ، هنا شعرت بأنه أهل البنت طالبين من الأم

إنها ما تتدخل وإنها تبتعد عن حياة البنت ( وصدقوني شعوري أبدا ما يغلط ) وأحس إن هذه الأم مغلوب على

أمرها ... لم أعد أسطيع الكتمان وانعكس هالشي على عملي فصرت كل يوم أروح متأخر لأني ما أقدر

أنام في الليل من التفكير ، وما أنام إلا من شدة التعب بسبب التفكير ....

لا أعرف الكذب وبدأ الإستياء يبين علي يوم بعد يوم إلى أن لوحظ الأمر علي ( وحجرتلي خالتي عندنا في

البيت ) وعرفت السالفة وكلمت أمها بعد عدة محاولات ، وشرحت لها الموضوع ...

طبعا الأم استنكرت وخجلت من تصرفات بنتها واعتذرت عنها ، وقالت بنتي صغيرة وغشيمة وما تشيل جوالها

معاها دايما ( ومن هالأعذار ) حتى أنا أحياناً أدق عليها ما ترد علي وترجع تتصل إلا ثاني يوم

( زلة لسان من الأم طبعاً ) - مسكينة هذي الأم واضح إنها عانت الأمرين أثناء زواجها وبعد الإنفصال !

المهم ، لنا ثلاث أسابيع متملكين ولا قدرت أكلمها غير تقريباً خمس مرات وكلها لدقائق معدودة ....

آخر مكالمة قبل اسبوع وهي في طرقها لحفل مدعوة فيه ... وقلت لها لما ترجعي وتشوفي نفسك

نشيطة وما فيكي نوم كلميني ( أبغاكي ) ومر أسبوع ولا اتصال ولا رسالة ولا شي !

قبل كم يوم دقت البنت على أمي وكأغلب المرات من جوال أهلها _ ( سأستخدم كلمة أهل لحاجة في

نفسي عشان ما أحدد جوال مين بالضبط ) وكيف حالكم طيبين وحشتونا ، قالت أمي طيب ليش ما

تردي على اللي واحشينك ؟! وتعذرت هالمرة بالإختبارات رغم إنه باقي اسبوع ! - ( طيب قبل حجة

الإختبارات وينك ؟! ) المهم أمي ما طولت معها بس اللي عرفته إنه امي طلبت منها إنها تتصل علي أنا بعد

عشر دقايق ، قالت لها طيب وليومكم ما دقت !

بعد مكالمتها مع الوالدة حسيت إن البنت هذي مجبورة على الإتصالات لأنها إما تدق من جوال أهلها وهذا

الغالب ، و لما تدق من جوالها تدق قدامهم وهم معها وتخليني أكلم الجميع بعد طلبي ذلك طبعاً .

لا أخفيكم أني بديت أبرد من ناحية البنت هذي ....

واحترت أسميها لا مبالاة أو إنها ما ودها بالزواج وحست نفسها استعجلت ، ولا إنها مجبورة ، ولا إن الأهل ما

هيؤوها للزواج ولا هي مطنشه وتبي تزهقني إلين ما أنا أطلب الإنفصال عشان ما يرجعلي

شي من اللي دفعته ولا وش ؟! احترت وتعبت من التفكير ، حتى الموضوع ماكنت عارف كيف أكتبه لكم هنا !

أمور كثيرة حسستني بأني اخطأت في الإختيار وانها ليست الزوجة المناسبة لي علماً أن فارق

السن تقريبا 11 سنة ...

تصرفات لا منطقية مع عدم القدرة على ايصال حالة عدم الرضى بسبب تجاهل اتصالاتي

وعدم المبادرة منها !

في انتظار آراءكم

المشاركة الأصلية كتبت بواسطة البرنسيسه~N وعليكم السلآم جربت تستخير ؟؟ أنصحك بالإستخآره مرتين وثلآث لحد مآتتعدل النفسية.. أكيد طبعا استخرت ولا كيف خطبت وتملكت ؟ وهذا زوآج مآهي لعبه علشآن تقول أخطيت بإختيارها ولاأدري... لو إنت شايفها مو مناسبه كزوجه وست بيت مآفي شي يجبرك عليهآ!! لأنه مو لعبة طرحت هالموضوع عشان لا استعجل في القرار ... بس هو احساس واستنتاج ، لأني أبي أتكلم معاها وأعرف أسباب هالتصرفات قبل ما أتخذ أي قرار وعشان أخلي مسؤوليتي قدام رب العلمين قبل كل شي إني بحثت ودورت واستشرت وسالت عن الأسباب . كلم أهلهآ بخصوص موضوع بنتهم وخلك جدي حآول توصلهم بأن البنت تتجاهلك كليآ لا مكالمات ولا بيننا رسايل ولآ حتى تناقشنا بخصوص الزواج ووضعه .. ولآ أدري هل هي مجبوره علي ولآ إيش السبب اللي يجعلها تتجاهلني... وإن شآءالله تتفهم عليك وتأكد النقآش مفيد جدآ للي مثل وضعك وصلهم الخبر و سمعوني نصايح أنا ما أحتاجها لاني سويتها من قبل ما يقولون عليها كالتعبير عن الحب والتقدير وغيره .... وقلت لهم : ( أنا قادر أصيدها حتى اقولها اللي نصحتوني فيه ؟ خلوني أوصل لها اول ! ) البرنسيسه~N

المشاركة الأصلية كتبت بواسطة جمااال الروح طيب لايكون في أحد ناصحها وقايل لها اثقلي عليه ولاتردين على اتصالاته وخليه يلاحقك يعني تتغلى!!!!!!!!!!!! وممكن انها ماتبغى المكالمات قبل الزواج!!!!!! الا اذا كانت صغيره يكون هذا تطنيش واستهتار منها؟؟؟ كم عمرها؟؟؟؟؟

المشاركة الأصلية كتبت بواسطة عطر المحبة25 الله ييسر أمرك أنصحك بالإستخارة والغاية من الزواج الإستقرار والشعور بالأمانإذا حسيت إنك ما تشعر بكذا فك نفسك أحسن لك شكل الخطيبة سميعه لأحد أنا فكرت ما عندها جوال كنت بأقول لك طلع لها جوال بس عندها وما تتصل أكيد ما بتقصر عليها بالمصروف إذا طلبت شحن أنا أعرف البنات ما يصدقوا خطيبهم يكلمهم أنا شخصيا كنت والله ما أنام أقول يمكن يتصل طبعا ما كان عندي جوال فكنت أنتظر على تلفون البيت فما بالك في الوقت الحالي الناس الجوالات بيد الواحد ليل ونهار إنت الأن في فترة دراسة لها طول فترة الملكة أكثر لتعرفها وحاول تستفسر ليش تعاملها كذا وإسأل أبوها بطريقة غير مباشرة عن منعها الحديث معاك وإذا الحال ما صلح أنا من رأيي أنفذ بجلدك الزواج من غير مشاعر وأحاسيس ما ينفع صحيح الثقل زين لكن المطلوب إنه ( يتمنعن وهن الراغبات ) تشعر إنها تبغاك مش مطنشاك الله يوفقك تمهل لأنها عشرة تدوم مش عشرة يوم واستخير الله الله يوفقك بالي يستاهلك آسفه للإطــــــــــــــــــــــــــالة

رَبِّ هَبْ لِي حُكْمًا وَأَلْحِقْنِي بِالصَّالِحِينَ(*)وَاجْعَلْ لِي لِسَانَ صِدْقٍ فِي الآَخِرِينَ(*)وَاجْعَلْنِي مِنْ وَرَثَةِ جَنَّةِ النَّعِيمِ(*)

المشاركة الأصلية كتبت بواسطة شاطئ المحبة ربما تحب خطيبتك أن تشاهدك ملهوفا عليها .. وتتباهى أمام زميلاتها بأنها استطاعت أن تشدك وتأسر قلبك وتجعلك كالخاتم .. الخ أقول ربما تحمل هذا الفكر .. لكن عاملها بالمثل .. وتجاهلها بالكلية .. ثم انظر كيف يكون الموقف .. وفقك الله ..