أنا حسيت إنها خايفة تكلمك ؟
يمكن أهلها يمنعوها تكلمك من جوالها و تخاف إنها تعمل شئ من وراهم ؟؟؟؟؟؟
الدليل إنها تكلمك يوم تكون خارجة مشوار لمكان و ما تقدر تطول بالمكالمة معاك لإنه ماتبغاهم يسألوها تكلمي مين ؟؟؟؟

عليكم السلام ورحمة الله وبركاته

استغفر الله واتوب اليه

ليش انتم يشباب دايم مندفعين

ياخي يمكن انه من عاداتهم ان البنت ما تكلم خطيبها ولا يشوفها الا ليلة الزواج وهذا عادي او ان البنت حييه وخجول

وانت لا يلعب فيك الشيطان انه ما تبيك او او

وتقعد تضيع مستقبلك علشان مجرد مكالمه من خطيبتك وهذي الامور عاديه تبون تزوجون وتملون من بعضكم

فيه ناس عاداتهم البنت اذا تملكت حتى اهله ما يشوفونها ولا فيه شوفه شرعيه او مكلمات بعد الملكه

ليله زواج ياخذ العريس عروسته ويمشي الى عش الزوجيه وناجحه زواجاتهم في هذي الطريقه ما شاء الله

انت ما عليك الا اصبر وتبكير في زواجكم حياه سعيد بذن الله

__________________

أهلين أخت مجروحة ...

أكيد فيه اشياء وضحت لك من خلال الردود ....

كانت بمثابة الرد على تعقيبك ...

للعلم الأهل بادروا بموضوع المكالمات من قبل الملكة مو بعدها

بس أنا كنت مقل وماخذها بحدود إلين نملك وبعدها ناخذ راحتنا ...

الأمر تغير بالنسبة لي الآن ، أرغب في مكالمة واحدة أحط فيها حد لكل شي

وأقول اللي أبيه واللي ما ابيه ، كنت مأجل هالأمور لبعدين عشان أجيبها شوي شوي مع الايام والتقرب

لكن لما شفت الأمور ماشية بهالطريقة حقتها قلت لأ لازم تعرف من الآن طالما إننا ما قدرنا نتقرب لبعض

حتى الآن ومع مضي شهر ( تخيلي شهر متملكين ما تقدمنا خطوة لقدام ) ! أنا بس صابر إلين تنتهي

الإختبارات ، مع إني اليوم كنت بحجز على الاسبوع الجاي بس مدري ليه متردد وخايف أحجز ...

في بالي كرت العائلة ودي أسويه بس ماني عارف كيف وحنا في الوضع هذا ؟! وفي نفس الوقت التأخير فيه

غرامة حسب ما سمعت ، حاس نفسي مقيد ولا أدري وش اسوي ، أخاف اسافر واضرب مشوار

وأحوس ألف حوسة عشان أجتمع فيها واتكلم ، محتار لأني اتصالات قاطعها برضو

من باب التطنيش وبرضو عشان اختبارات ....

باقي يومين ننتظر فيها وش ربي كاتب ، وربي أهون علي تقول ما ابي وكل واحد يروح بطريق

ولا أقعد كذا في شيل وحط .


يعطيك العافية على مرورك ولا تحرمينا من تواصلك .

ولا شي من اللي تفضلتي به صحيح

لأنه أحيانا تدق علي من جوالها قدامهم في السيارة

أو من جوال الأهل ويكلموني معها ...

أنا شاك إنها مجبورة أو استعجلت .... ليش قدامهم بس ؟!

في البداية كنت أبغى المكالمات عشان نتعرف على بعض وأفهم هالشخصية وهي كمان

تفهمني عشان محد يتعب بكرة فينا ...

لكن الآن الأمر بالنسبة لي مختلف ودي أوصل أشياء كنت مأجلها لبعدين ....لكن لما شفت اسلوب

الإستهتار هذا قلت لازم كله من البداية بنعرف وفي نفس الوقت أشد على حكاية الإتصالات

لانه هي اللي منعت التقارب بيننا ، وبتخلي الحديث عن الأمور اللي كنت مأجلها صعب

لأنه ما كان بيننا تقارب من البداية ، فمو من المنطق غنك وحده توك داخل حياتها تبدأ على طول

هذا ابيه وهذا ما ابيه ، هذا يعجبني وذاك ما يعجبني ....

لكن بعد طريقة التعامل هذي مجبر اصقعها في وجهها من البداية عشان لا نتعمق أكثر

ونعقد الأمور مستقبلاً ونمطط في زواج يمكن ما يتم ...

أول ما كنت قادر أصيدها ... وهالحين جات الإختبارات ، والوضع أبداً مو مريحني

راسي بينفجر من التفكير ، متى هالإختبارات تخلص بس ؟!

شكراً لمرورك .