يا هلا أختي جمال الروح ....

من باب حسن الظن أنا مستبعد إنه في أحد قايل لها اثقلي

حتى إنه الوالدة سألتها في البداية عن هالشي وقالت لا وحلفت لها

أما عن كونها ما تبغى المكالمات قبل الزواج ، فهذا غير صحيح لأنه وبمبادرة من أهلها خلوها تكلمني

قبل الملكة أكثر من مره عن طريق جوال الأهل ، رغم اعتراضي في البداية لعدة أسباب

ووافقت في النهاية مراعاة للاسباب التي شرحوها لي .

وبعد الملكة خرجنا للعشاء مع بعض وكان معنا أخوها وأختها الصغيرة ،

يعني تقريبا كسرنا شي من الحاجز ، وفي هذي الطلعة كانت أولى الملاحظات

والتي لم أستطع حتى اليوم إيصالها لعدم وجود تواصل مستمر بيننا !

ما أنكر إني سميت هالإستفسار بأنها استهتار أو لا مبالاة مثل ما تفضلتي أختي

ولكن ايضا كل يوم أحط عذر لها .... وبدون نتيجة !

وبخصوص العمر ذكرت إنه بيننا 11 سنة يعني مستحيل تكون أقل من 20

شكرا لمرورك .

هلا بالجميع ....

لكل من قال يمكن الأهل ما يخلونها تكلمك ...

الأهل ماهم مانعين بتهم من مكالمتي بالعكس ولا ليه عطوني

رقمها من الاساس وقبل الملكة بعد ؟! أنا قلت إنهم شكلهم هم اللي جابرينها تكلمني وخصوصا بعد

فترات الغياب ، والحجة في هذا طبعاً إن الجوال استقبال وما يرسل بسبب فاتورة أو شحن أو ... إلخ

وأكيد صعب يتكرر نفس العذر لأنه مو معقول جوال ينفصل ثلاث مرات في الشهر ...

أيام الخطوبة كان العذر إن الجوال يعلق وخربان ومدري ايش ، رحت جبت

واحد جديد وارسلته لها مع الوالدة .... الآن وش العذر ؟!

قضية المكالمات موضوووع ثاني ، نتج عنه إنه لما شفت أشياء

ما تعجبني ولاني متعود عليها ، ماقدرت أوصلها لها بسبب إنعدام المكالمات من البداية

وهذا الشي اللي صار عادة عندها إنها ما ترد ,


أتمنى أكون وضحت لكم الصورة الآن بشكل أكبر .

الله ييسر أمرك
أنصحك بالإستخارة والغاية من الزواج الإستقرار والشعور بالأمانإذا حسيت إنك ما تشعر بكذا فك نفسك أحسن لك شكل الخطيبة سميعه لأحد أنا فكرت ما عندها جوال كنت بأقول لك طلع لها جوال بس عندها وما تتصل أكيد ما بتقصر عليها بالمصروف إذا طلبت شحن
أنا أعرف البنات ما يصدقوا خطيبهم يكلمهم
أنا شخصيا كنت والله ما أنام أقول يمكن يتصل طبعا ما كان عندي جوال فكنت أنتظر على تلفون البيت فما بالك في الوقت الحالي الناس الجوالات بيد الواحد ليل ونهار
إنت الأن في فترة دراسة لها طول فترة الملكة أكثر لتعرفها وحاول تستفسر ليش تعاملها كذا وإسأل أبوها بطريقة غير مباشرة عن منعها الحديث معاك وإذا الحال ما صلح أنا من رأيي أنفذ بجلدك الزواج من غير مشاعر وأحاسيس ما ينفع صحيح الثقل زين لكن المطلوب إنه ( يتمنعن وهن الراغبات ) تشعر إنها تبغاك مش مطنشاك
الله يوفقك تمهل لأنها عشرة تدوم مش عشرة يوم واستخير الله الله يوفقك بالي يستاهلك
آسفه للإطــــــــــــــــــــــــــالة

أختي العزيزة عطر المحبة

شكرا لك على ما تفضلتي به ، واسأل الله أن يهنيكي بزوجك ويهنئ زوجك بك ...

في البداية دعيني أعيد كلمة قلتها يمكن أكثر من سبع مرات في هالموضوع

( الأهل مو مانعين بنتهم من مكالمتي البنت هي اللي كانت مطنشة )

وهالحين أنا اللي صرت مطنش ...

طبعاً فترة الملكة اصلا كان مقرر لها حتى شهر ذي الحجة ، ولكن بعد هذه الأحداث

أنا مضطر لأبدأ مرحلة الحزم فإن رغبوا وإلا سيطلبون الطلاق بنفسهم ، لأنهم عارفين إنهم إذا ما عدلوا

بنتهم من الآن راح تتعدل بدفعها للميدان بشكل مفاجيء ومواجهة الأمر الواقع ( والمتعب ) في نفس الوقت

وهم بعد ذلك أحرار .

دمت بخير .

__________________