يا هلا أختي

المستجدات لا شي للاسف ...

اتصلت عليها أمس وما ردت لكن رجعت اتصلت بعدها بخمس دقايق من تلفون البيت

وفصل ورجعت اتصلت أنا على تلفونها ، وبعد السؤال عن الأحوال وكافة الأمور ...

سألتها عن نفسيتها وانطباعها بعد الخمس أيام اللي قضيتها معها الأسبوع الماضي

وقالت عادي كويسه زي ما أنا ... طبعاً اجابة سطحية ما ناخذ منها شي ... !

قلت لها وينك مالك حس ؟ صارلي اسبوع راجع من عندكم ، وكل يوم أقول بكره

بتتصلين فيني وتسألي ... سكتت ولا ردت بكلمة يعني ما عندها عذر بس كذا غياب لمجرد الغياب !


قلت لها حنا لسه على البر ، محد يجبر أحد بشي ، لو لسه حاسه انك متردده أو حاسه نفسك

استعجلتي ومحرجه من أحد قوليلي وأنا أتصرف وأعرف كيف أتكلم ...

الوقت هذا محسوب من عمرنا قالت اي والله - ( يعني موافقتني الرأي ) - وحنا لسه على البر

والأيام تجري ، فلو قلنا مثلا الزواج بعد شهرين ، فجأة ما نلاقي إلا الشهرين انقضت وجا الموعد وحنا مو مستعدين !

ترا محد يقدر يجبرك أو يجبرني بشي قالت عارفة ... وسألتني عن انطباعي وقلت لها أنا عليكي ودي أعرف

انتي على ايش رسيتي قالت موافقة قلت طيب والأشياء اللي طلبت منك تغييرها وقلتيلي شوي شوي

سويتي شي بدأتي في أول خطوة ؟ ، ضحكت وسكتت ... ( منتهى البرود رغم كل شي ) !

تطرقت لأمها ، وقالت إنها بتروح لها ويمكن تقعد عندها يومين ، قلت لها تمنيت إني أكون معك

ونروح نسلم عليها بدل ما ينقال عني إني ما أسأل ولا أسلم ، قالت لا أمي ما تقول كذا

( من باب المدح طبعاً ) - ولا أنا عارف إنها هي اللي ما تبغالي طريق على أمها ، من عمايلها

هي وأهل أبوها في هالأم المسكينة ، ولا وش المانع اني أزورها أو كلمها ؟!

طبعاً أنا كنت مخطط إني أكون عندهم في رمضان ، لكن قلت لها اني ألغيت هالفكرة لأن زواج أختي

خامس العيد ولمحت لها بأنها ما شاء الله ما تقعد معنا طول الوقت مع زوجها على التلفون

وإنها خلاص بتبدأ تأثث بيتها الأسبوع الجاي ... يمكن تحس !


لكن ما حسيت اني طلعت بشي من هالمكالمة ، ونويت أطنشها فترة طويلة أستغلها

في تكبير الموضوع لأني عارف إنها ماراح تسأل وبكذا يكون لي مدخل مع الأهل للوصول إلى

قرار الإنفصال واسترداد كل شيء ما عدا الهدايا ، لأني أربأ بنفسي عن الرجوع في هديتي .


هذا كل شي وفي انتظار فرج رب العلمين



ممتن كثيراً لحرصك ومتابعتك أختي جمال الروح

__________________

الله يفرجها عليك ..

__________________
اول مايسال العبد في قبره عن صلاته ..فهل اعددنا جوابا لهذا السؤال؟

ماشاءالله لاقوة الا بالله أنت شخص بالك طوووووووويل

الله يكون بعونك ويصلحها وييسرلك أمرك وباذن الله عن قريب تجي تخبرنا بالاخبار السااااره يارب

__________________
ربي لا أعلم بما تحمله لي الأيام لكن ثقتي بأنك معي تكفيني ~

الله يعينك .. هذي معاناة تامة معها .. انسحب يا اخوي وشوف حياتك .. لكن كون حكيم بانسحابك حتى تسترد اللي دفعته

ربنا يوفقك لكل خير ..

بجد البنت تصرفاتها غريبة ..
الله يفرجها عليكم

__________________
ي رب رضاك و الجنة

الله يكون بعونك
الصراحة تصرفاتها غريبة وايد
ما املك الا الدعاء لك بالفرج
ربي ينولك اللي ببالك ويوفقك ويفرجها عليك

__________________
اللهم اني اعوذ بك من زوال نعمتك
وتحول عافيتك .. وفُجأةِ نقمتك
وجميع سخطك

أخي

تصرفات زوجتك غريبه .. صحيح .. ولكنها متوقعه من حالتها الإجتماعيه

صدقني.. زوجتك لينه هينه..ولكن بقربها منك انت فقط..

عدم مبادلتك الحب والإحترام مع انه في بداية زواجها.. امرغريب..لكن صدقني..من كلامك عن طبيعة اهلها

انهم مايقعدون بالبيت و24 ساعه طالعين ومناسبات ..البنت لاهيه بدنياها ..وماحست يوم انها تحتاج رجل

عشان كذا تصرفاتها معك بالامبالاة.. البنت اذا مافضت وقعدت لحالها وقامت تفكر بمستقبلها ترى ماتهتم

بس صدقني ..خير بيكون بعد الزواج..

والله يعينك ويوفقك..ويكتب لك الخير ويصلح لك زوجتك

أضيف الى ردي السابق اخي واقول

هل انت تحبها ..؟؟ هل هي جميله او جذابه أو ان ملامحها أسرتك؟

بالطبع يوجد بها صفات حسنه.. هل هي تعجبك

بغض النظر .. عن تصرفاتها السيئه مثل تعاملها لأمها وتطنيشها لك.. !!

مامدى تدينها.. ؟

اهلها هل هم على قولتهم "حسافه"..!!

اذا كانت اغلب اجاباتك بنعم .. لا تخف الأمور بعد الزواج ستكون خيرا ..

أهلين أختي همس ...

صدقيني عمر الحقيقة ما تزعل ، وانتي ما قلتي غير الحقيقة

واحيي فيكِ الإستنتاج والتحليل الصحيح لشخصيتها وكأنك تعرفينها ...

فعلا دلوعة وماهي قد المسؤولية ، وتبي تكون هي المسيطرة

إعجاباً بشخصية عمتها ( اللي قالت عنها قوية شخصية واللي فراسها يصير وما يهمها أحد )

هذا غير شخصية أهل أبوها اللي ربوها من صغرها ، وإن كنت استطعت كسب هذه الشخصية

واحتوائها ، واصبحت من باب الإحترام لي تتعامل معي بمثالية راقية .

ما أخفيكي إني مقيد وإني ماني عارف أتصرف لأن اللي خطبنا منه وحل وربط وسأل عني ( حرمة )

وهي اللي نسقت وجمعت الرجال يوم الخطوبة الرسمية ويوم الملكة ...

أخوها صغير في أول ثانوي ، وابوها مثل ما كان موجود وزين إنه حضر الملكة وما حضر أي شي قبلها

وكان مرسل وكالة بتزويجها لولا أن هداه الله ورجع للبلد ، والحمد لله معد رجع سافر ...

وأنا ما قدامي غير الأهل اللي كان على يديهم كل شي واللي بكل صراحة حاس إنهم محرجين

مني من تصرفات بنتهم رغم السيطرة التامة على كلشي في البيت عندهم ...

ولولاهم بعد الله كان البيت هذا الله يعلم بحالة ...

مبادرتي بطلب الإنفصال معناه تنازلي عن كل شي ، وحتى لو رجعلي النصف فتراه ما يسويلي شي

لا جيت أشوف غيرها ، ولهذا أنا حاس نفسي متقيد وناشب نشبة عند الله خبرها ! .




كل التقدير لشخصك الكريم .

__________________

جزاكما الله كل خير أخواتي ...

فعلاً عمري ما شفت طولة البال فيني بالشكل هذا ، وهذا حق علي بالمناسبة ووصية وصاني إياها

عمها يوم الخطوبة الرسمية ، وإن شاء الله أكون نفذت الوصية لكي لا ألام بعدها على شيء !

ما أخفيكم إنه عمري ما شفت نفسي طويل بال بالشكل هذا ...

ولكن حتماً أن الأمور ستنقلب إذا وصلت حدي ، وهذا ما أنتظره وما أخشاه في نفس الوقت

لأني بقدر ما فيني من طيبة فيني لعانه ، وهذا ما يسمى بشر الحليم إذا غضب

أعاذنا الله وإياكم من الغضب ومسبباته ونتائجه .



لكما جزيل الشكر والإمتنان .

( تصبحون على خير )

__________________