اقتباس:
المشاركة الأصلية كتبت بواسطة ليه الغرور؟
اخوي ممكن اسالك كيف حبيتها يعني وش الشي الي هي سوته وخلتك تحبها بجنون...مع انك ذكرت انها مو بجميله وماارتحت في النظره الشرعيه وكنت تحاول انك تخطب غيرها بس كنت محرج من ابوها...يعني كيف كل هذا تحول لحب. وكيف استطاعت حبيبتك امتلاك قلبك.انا اسفه على السؤال..بس اجابتك راح تفيد البنات كثيرخاصة المقبلات على الزواج
|
لا تتأسفي انا حاضر لاوضح كلشي وياليت حد يستفيد من تجربتي والله يكتب لنا الاجر
والله في البدايه البنت ماعجبتني في النظره الشرعيه مع ان ما امداني اشوفها 10 ثواني
بس شدتني ابتسامتها
بس قبل النظره امي وخواتي كانو طايرين بهالبنت اللي تقول حلوة واللي تقول لايقه عليك
واللي تقول شبه زوجة ابو شهاب واللي تقول شبه مدري مين
وانا طرت في العجه
فلما شفتها ... حسيته مقلب منهم ... بصراحه تحطمت
ولما رجعت البيت حشرتهم وقلت وييييين اللي تشبه زوجة ابو شهااااب يخرب بيت ابليسكم
قالو والله حلوة بس يمكن المكياج ... عاد انا ما احب المكياج ابد
اليوم الثاني ابو البنت اتصل علي عشان نملك
وانا صرفته بصراحه
قلت بروح الشرقيه عشان وراي دوام ... وماكان وراي دوام ولا شي
زعلت على اخواتي وعلى امي بس مابينت لأمي اني زعلان لأني ما ابغى ازعلها
بس خاصمت اخواتي بقوه ... المهم غطست شهر استخرت اكثر من مره
وانا جالس افكر الأب طيب وطلع يعرف جدي ويعرف ابوي الله يرحمهم ويعرف اغلب العيله
لأن هم من نفس القبيله بس مش من العيله يعني نحمل نفس اللقب
وابو البنت محترم وغلبني بطيبته واسلوبه
والبنت فيها مواصفات حلوة بس المكيااااااااج عدوي اللدود ما اطيقه
عاد استشرت كم شخص في الموضوع ... كلهم قالو اتصل في ابو البنت وقول انه مافيه نصيب
ولاااااااا واحد قالي اقبل وان شاء الله تكون خير لك
فجأة ولا واحد جاب لي عروسه من العيله جمال وعلم .... شي يرفع الراس
انا اعرف امها ... ملكة جمال .... كلم ام البنت قدامي ... واعطت قبول مبدأي
لما عرفت امي قلبت الدنيا فوق تحت ولما شفتها عصبت قلت ولا يهمك بسوي اللي تبغين
وفعلا كلمت ابو البنت قلت له اعشان الفحص وبعد النتايج ماطلعت سوينا الملكه
وقت وقبل الملكه خلاص انا استسلمت للأمر الواقع وعرفت ان البنت الله كاتبها لي وانها نصيبي من الدنيا
وعصبية امي يمكن سبب لأعجل بالملكه وخلاص جهزت نفسي للحب العظيم المنتظر
فراحت الحيره والقلق اللي كانو فيني ... يمكن كنت محتاج احد يصحيني من الغفوة اللي كنت فيها
وامي الله يطول عمرها قامت بالمطلوب
جااااا وقت الملكه .....كنت واقف استناها ... واقبلت تمشي تقل محدن معاها
لما شفتها هالمره كانت متغيره 180 درجه عن أول
مثلا: نحفت ...شكلها سوت ريجيم ..... صبغت شعرها .... عملت تقويم لابسه ابيض في ابيض كانها ملاك من السما
بعدها خلااااااص دخلت قلبي وتربعت فيه لانها ماسوت كذا الا عشاني
هي مش بشعه ... جميله ... بس مش مثل زوجة ابو شهاب
الحق حق
وفيها صفات حلوة تغطي ع الجمال ... انوثه دلال ادب حياء بشهادة ألأعضاء ست بيت
طباخه ماهره اجتماعيه راعية واجب تفهم في ألأصول والعادات دين من بيت طيب وعيله طيبه
وش وده الرجال غير هالمواصفات
والحين انا اشوفها قمر ومايملي عيني غيرها .... تخسى زوجة بوشهاب تسوى ظفر حبيبتي
الله يكرمها عنها
وبس هذي قصة الحب العضيم المنتظر
والله يوفقنا واياكم
27-10-2011, 05:40 AM
ضوابط المشاركة
العرض المتطور