آخر المستجدات

اتصلت ومار دت


رجعت اتصلت ثاني وماردت


بعدين بعثت مسج قالت اسفة كنت بعيده عن الجوال

رديت بمسج وقلت لا مش مشكله بس اليوم انا تعبان ومريض حلقي يعورني وراسي وفيني كحه حبيت اسمع صوتك ياروحي


ردت سلامتك ياروحي

رديت وقلت الله يسلم قلبك يا حياتي اشتقت لك يا احلى زوجه العلاجات مانفعت لي يومين وانا اتعالج وآخذ من هالأدويه
وماجابت نتيجه لو انك عندي ياعمري كان طبت لأنك بجنبي


ردت ماتشوف شر حبيبي ان شا الله ماتشوف الا العافيه ..انت بالدوام

رديت لا مانيب بالشغل لو ان بالشغل كان انا الحين ميت تعباااان مرررره

ردت : تيب حبيبي استمر بالأدويه ولاتقاطعها ان شاء الله تتشافى


رديت : ما احب ألأدوية طعمها مرررررر .. حبيبتي وش فيك زعلانه مني

ردت : لا ليه ازعل انت ماسويت لي شي


رديت : طيب حبيبتي الادويه مجابت نتيجه شرايك تسمعيني صوتك وتسمعيني احلى كلام من احلى حبيبه


ردت: الله يشفيك حبيبي وتقوم بالسلامه


رديت : بس ماتكفي زيديييييني


ردت :مافي احسن من ادعي لك

رديت:بس كلام الحب منك هو علاجي ..كذا قالي الدكتور

انتظرت ترد

انتظرت


انتظرررررررت





قلت اتصل



اتصلت



وماردت






بعدها ب10 دقايق ارسلت مسج تقول فيه: اسفه حبيبي نمت





بس خلاص

والله ياااخووي انها تستحي منك وكلااامها وربي عسل في عسل في سكر وقشطه...
الله يخليها لك ياارب ششفت كيف اهتمت منك ووصتك على نفسك يووم درت انك تعبااااااان...
بالتوووفييق......

بس لو خلتني اسمع صوووووووتها

والله اني احبها رغم جفاها وتحجر مشاعرها

ع قولتهم القط يحب خناقه

الحين البنت ما تناديك إلا حبيبي وتقول عنها ما تحبك وتفتح مواضيع تشتكي !!!!
قم .. يالله قم من وجهي <<< امزح لا تتضايق

البنت بريييييييييييييييئة ... هذا هو السبب فقط لا غير .. ما تعودت على كلام الحب وطرق الغزل ... انت أستاذها علمها ... وللا تبغاها تكون متعلمة خالصة وتجيك بخبرة ؟؟؟ احمد ربك أنها بدون خبرة ومافي واحد قبلك علمها

ههههههههه اصرفها من بنك المحبة والعرفان

شوف ... لا تستعجل رزقك .. كل ما فيها انه هذي الأمور تمر عليها اول مرة .. حتى لو خواتها متزوجين مو شرط يروحوا يقولوا لأختهم اللي بعد ما تزوجت عن علاقتهم بأزواجهم واللي يدور بينهم .. انا من الناس مثلا اللي لا يمكن انقل اللي يصير بيني وبين زوجي من كلام مودة حتى لو كان أقرب الناس .. اعتبره عيب . يمكن هي تربت بنفس الطريقة

اخرتها تتعلم منك ما دام انت حساس ورومانسي تقدر انت تعلمها بطريقة غير مباشرة ..
مثلا .. انت الحين مريض .. تتصل تقول لها الحمد لله انا اللي مريض مو انتي .. لو لا سمح الله انتي اللي مريضة بقعد جنبك واحط راسك وووووو .. وانت وخبرتك عاد .. تقول لها اللي ودك تسمعه منها .
بعد اسبوع اسبوعين أو تنتظر المرة الجاية لما تمرض وتشتكي لها مرضك وشوف وقتها هي وش راح تقول لك ... اراهنك انها بتكون تعلمت منك وبتقول لك كلام قريب من اللي انت قلته لها أول مرة

وهكذا يا ولدي خطوة خطوة .. دادي دادي وتتعلم منك

__________________