حتى انا ليت زوجتي رومنسيه


بس ع قولة ألأستاذه الموقرة بيتا الله يطول عمرها بعلمها

مع والله ان ماعندي ذيك الخبره ومانيب ذاك الزود... بس بتعلم انا وياها سوى

والله اني استفدت اشيا كثيره من عرض مشكلتي وماقصرو ألأخوان افادوني وازالو الغشاوة اللي في عيني وريحوني
وطمنو قلبي الله يطمن قلوبهم

الله يطول اعمارهم ويسعدهم ولايخلينا منهم

والله انهم سوو فيني جميل ومعروف

و في مثل على ما اضن يقول ماخاب من استشار

يعني لو ما اخذت شور هالناس الطيبه كان الحين انا في حاله الله يعلم فيها

يكفي اني حبيت زوجتي اكثر وزاد غلاتها في قلبي
الله لايحرمني منها

والسبب الاعضاء الطيبين المحترمين الله يسعدكم

ماسمعتي الحب من اول نظره
الا سمعت بها لكن انا بالسعوديية

والله انا ع نيتي واللي في قلبي اقوله وكنت فرحان ومبسوط توقعت هي نفس الشي

ماعليه اخوي الناس تختلف تحمل شوي هي نفس الشي لكن تحبك بخجل طبعي بالانثى


مش لازم نفس ألأسلوب بس ابغى احس بهالحب

والله فاهمتك تعاطفت معك في بداية الموضوع لكن النهاية انها تحبك وهذا المهم


اوووما خويي

يعني البلا فيني انا

لا حاشاك بس البنت تستحي ~ وش نسوي في الحياء ~
بس اللي اعرفه ان البنات يحبون احد يدلعهم ويسمعهم كلام حلووووو

ايه صح بس خفف منها تصير تمام
يلا بحاول اعاملها مثل خويي بشوف وش يصير
ههههههههههههه

فديتها هي وخجلها

ماقصرتي جنان اشكرك ...ريحتي بالي

اتمنى ان تحصن نفسك وتذكر الله على نفسك
وتقلل من ذكر مشاعرك تجاه خطيبتك في المنتدى العين حق 0 العين تدخل الرجل القبروالجمل القدر

__________________
دعاء المعجزات:حسبي الله سيؤتينا الله من فضله انى الى الله راغبه.
لوعلم الانسان كيف يدبر الله الامور لذابت القلوب من محبته عزوجل

اخوي ممكن اسالك كيف حبيتها يعني وش الشي الي هي سوته وخلتك تحبها بجنون...مع انك ذكرت انها مو بجميله وماارتحت في النظره الشرعيه وكنت تحاول انك تخطب غيرها بس كنت محرج من ابوها...يعني كيف كل هذا تحول لحب. وكيف استطاعت حبيبتك امتلاك قلبك.انا اسفه على السؤال..بس اجابتك راح تفيد البنات كثيرخاصة المقبلات على الزواج

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

ما أتوقع تكون تضايقت من موضوع اللهجة ... مافيها شي يزعل وردت عليك بضحكة

أجل انت بعد ما سبق لك خبرة بالغزل ما شاء الله تبارك الرحمن .. الطيبون للطيبات ربنا يبارك فيكم ويجمعكم على خير ..
اي تعلموا مع بعض وانت الرجل ف راح تكون أنت أجرأ منها وتقدر تعلمها حتى لو ما عندك خبرة ..

وان شاء الله بيتحسن شعورك تجاه سكوتها لأنك عرفت السبب وتأكدت أنه سكوتها مو جفا أو كره فيك .. بالعكس الحين تقدر تستمتع بخجلها لما تحرجها بكلامك وهي تسكت وتقدر تتخيل شلون صار وجهها بالألوان ..

قاعدة اتخيل موقفها لما قالت لك بطبخ لك ملوخية ... أكيد لما دخلت المطبخ ضربت راسها بكل جدارن المطبخ ما عدا جدار واحد لانه فيه شباك ههههههههه ... أكيد قعدت تلوم نفسها على الهبل وتقول لنفسها يعني ما عرفتي تقولي كلمة حلوة !!! ملوخيه عااااااااااد ؟؟؟ ما لقيتي غيرها ؟؟؟

نصيحة أخيرة .. اصبر عليها حتى وانت تعلمها .. يمكن ما تتجرأ تقول من أول مرة ... المسجات أسهل من الكلام العادي لما تكون خجلانه ويمكن يكون أهلها عندها وهي تكلمك فما تقدر تقول كل اللي بقلبها

الله يوفقكم ويعجل بزواجكم .. متى الزواج ؟

__________________

اعوذ بكلمات الله التامات من شر ماخلق

شكرا ع النصح

لا تتأسفي انا حاضر لاوضح كلشي وياليت حد يستفيد من تجربتي والله يكتب لنا الاجر
والله في البدايه البنت ماعجبتني في النظره الشرعيه مع ان ما امداني اشوفها 10 ثواني
بس شدتني ابتسامتها
بس قبل النظره امي وخواتي كانو طايرين بهالبنت اللي تقول حلوة واللي تقول لايقه عليك
واللي تقول شبه زوجة ابو شهاب واللي تقول شبه مدري مين
وانا طرت في العجه
فلما شفتها ... حسيته مقلب منهم ... بصراحه تحطمت
ولما رجعت البيت حشرتهم وقلت وييييين اللي تشبه زوجة ابو شهااااب يخرب بيت ابليسكم
قالو والله حلوة بس يمكن المكياج ... عاد انا ما احب المكياج ابد
اليوم الثاني ابو البنت اتصل علي عشان نملك
وانا صرفته بصراحه قلت بروح الشرقيه عشان وراي دوام ... وماكان وراي دوام ولا شي
زعلت على اخواتي وعلى امي بس مابينت لأمي اني زعلان لأني ما ابغى ازعلها
بس خاصمت اخواتي بقوه ... المهم غطست شهر استخرت اكثر من مره
وانا جالس افكر الأب طيب وطلع يعرف جدي ويعرف ابوي الله يرحمهم ويعرف اغلب العيله
لأن هم من نفس القبيله بس مش من العيله يعني نحمل نفس اللقب
وابو البنت محترم وغلبني بطيبته واسلوبه
والبنت فيها مواصفات حلوة بس المكيااااااااج عدوي اللدود ما اطيقه
عاد استشرت كم شخص في الموضوع ... كلهم قالو اتصل في ابو البنت وقول انه مافيه نصيب
ولاااااااا واحد قالي اقبل وان شاء الله تكون خير لك
فجأة ولا واحد جاب لي عروسه من العيله جمال وعلم .... شي يرفع الراس
انا اعرف امها ... ملكة جمال .... كلم ام البنت قدامي ... واعطت قبول مبدأي
لما عرفت امي قلبت الدنيا فوق تحت ولما شفتها عصبت قلت ولا يهمك بسوي اللي تبغين
وفعلا كلمت ابو البنت قلت له اعشان الفحص وبعد النتايج ماطلعت سوينا الملكه
وقت وقبل الملكه خلاص انا استسلمت للأمر الواقع وعرفت ان البنت الله كاتبها لي وانها نصيبي من الدنيا
وعصبية امي يمكن سبب لأعجل بالملكه وخلاص جهزت نفسي للحب العظيم المنتظر
فراحت الحيره والقلق اللي كانو فيني ... يمكن كنت محتاج احد يصحيني من الغفوة اللي كنت فيها
وامي الله يطول عمرها قامت بالمطلوب
جااااا وقت الملكه .....كنت واقف استناها ... واقبلت تمشي تقل محدن معاها
لما شفتها هالمره كانت متغيره 180 درجه عن أول
مثلا: نحفت ...شكلها سوت ريجيم ..... صبغت شعرها .... عملت تقويم لابسه ابيض في ابيض كانها ملاك من السما
بعدها خلااااااص دخلت قلبي وتربعت فيه لانها ماسوت كذا الا عشاني
هي مش بشعه ... جميله ... بس مش مثل زوجة ابو شهاب الحق حق
وفيها صفات حلوة تغطي ع الجمال ... انوثه دلال ادب حياء بشهادة ألأعضاء ست بيت
طباخه ماهره اجتماعيه راعية واجب تفهم في ألأصول والعادات دين من بيت طيب وعيله طيبه
وش وده الرجال غير هالمواصفات
والحين انا اشوفها قمر ومايملي عيني غيرها .... تخسى زوجة بوشهاب تسوى ظفر حبيبتي
الله يكرمها عنها
وبس هذي قصة الحب العضيم المنتظر

والله يوفقنا واياكم

ابشرك ألأمور زانت وطلعت ضالم البنت...ألأعتراف بالحق فضيله

اليوم قالت لي كلمه ندمت على ضلمي لها
كلمه عرفت انها تحبني اضعاف حبي لها
طلع حبي لها ولاشي
لأن دار بينا حوار الصبح تفاهمت معها على كل ألأمور

وكلمتها ذوبت الجليد والحيرة اللي كانت فيني

وفعلا تحليلك لشخصيتها في محله انتي وبعض ألأعضاء

هي فعلا خجوله::

وابوها وامها مايحبون يشوفونها تكلم بحكم انها البنت الوحيده الان وهي القائمه بشؤون البيت

وهي احترام لهم وعشان ترضيهم ماتاخذ جوالها معها
وكل اعذارها منطقيه ومقبوله .... واحسست اني ضالم بقوووووه



شكرا لنصايحك وارشاداتك استفدت منها كثير

وشكر لوقفتكم معي

من لايشكر الناس لايشكر الله


الف الف شكر الله يطول عمرك ويخليك لعين ترجيك

ماقصرتي

قرات موضوعك مع الردود من الصفحه الاولى ل الصفحه 12
تمنيت انه اكون خجوله متلها والله انا وبايام الخطبة ماكنت اخجل زوجي كان خجول وانا اعلمه كان بريء جدا .. بالشقلوب الحمدلله ...
وبالنسبه لموضوعك...
وشفت انه خطيبتك ما يعيبها اشي بالمرة وانما هي خجوله وتستحي تظهر مشاعرها لك امام اهلها لما تكلمها ...
ويمكن بتخاف تبين انها مهتمه زيادة بالجوال معك حتى اهلها ما يحكو عنها (يمكن هيك بتفكر ) ويمكن انه عيب بنظرها امام اهلها ....
وانت ماشاء الله عندك كم هائل من العاطفه والحب وبدك تفرغه بهالبنت من كلام وحوارت معسوله وهيه مسكينه
عمرها ماسمعت كلام حلو مثل هيك واكيد مابتعرف ترد عليك متل اسلوبك ... ولاتنسى انها مبتدئة ومادخلت دنيا وبتتعلم منك ان شاء الله ...
لكن ابشرك انه حيكون ردها بعواطفها عن طريق افعالها اكثر من الكلام والايام بتثبت ...
ولاتنسى انه كل بنت تحب هالامور لكن وضع خطيبتك عشان جو اهلها ما بيسمحلها تكون معك زي ما انت بتحب ...
والله يوفقك انت وياها ..

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).