أخي شيخ المدينة .. بارك الله فيك على كلماتك الجميلة لا حرمك الله الأجر .. إلا أني أخالفك في كلامك ..

فالرجل يعاني من برود حاد جدا من زوجته يصل إلى حد التجاهل والتطنيش وعدم إلقاء أي اهتمام له .. وكما تفضلت أخي الكريم فطريق الحرام موجود وواسع .. فلماذا يتزوج امرأة لا تعفه عن الحرام .. بل هي لم تحاول أن تلفت نظرها إليه وهي في بداية خطوبتها فكيف بعد الزواج !! .. خصوصا إن كان هناك حمل وولادة ووووو !!! .. إن كان قد عافها من قبل الزواج فكيف سيتحملها بعد الزواج !

أخي الكريم .. كثير من الناس يستخير الله تعالى ثم يتزوج ويعيش في بادئ الأمر حياة سعيدة هنية .. ثم بعد سنة وإذ بنا نسمع أنهم قد اختارو الطلاق لعدم التفاهم فيما بينهما .. فهل هذا يعني أن الله لم ييسر له الطريق القويم !! .. لا أخي الكريم .. لعل الله أراد لأخينا أن يرى هذا النوع من النساء لحكمة هو يعملها .. ولذا شرع الله الطلاق لأنه حل لكثير من المشاكل لا يحلها سواه .. مع أنه أبغض الحلال عند الله جل في علاه .. لذا لا نستطيع أن نلوم أخانا بل ونوصيه بأن يحاول أن يسترد ما دفعه بالحسنى عن طريق إدخال بعض المعارف بالموضوع وجعلهم يتحدثون مع أهل الفتاة ووو .. حتى يعوض ما فاته بإذن الله .. لأن ما يحصل ليس طبيعيا أبدا .. يا أخي كلنا ملكنا من قبل .. وعشنا المشاعر من أول لحظة .. أخونا حتى الآن ما تهنى بمسج !! .. هو بشر يا أخي .. كيف يعيش مع طرف آخر لا يعطيه أدنى اهتمام ولا شعور بالمسئولية ووو !! .. المسألة لها أبعاد نفسية واجتماعية وعاطفية وجنسية ولا نستطيع أن نسوق وجهة النظر الدينية بغض النظر عن الأبعاد الأخرى ! .. مع أنه حاول بشتى الطرق حتى يجد له مخرجا وعذرا أمام الله عز وجل ..

أخي الكريم صاحب الموضوع .. ذكرت في أحد ردودك أنه في يوم سفرك إليهم بكت الفتاة .. فهل علمت سبب بكائها ؟؟ .. ألا يمكن أن يكون هذا خوفا من مقابلتك ! .. وألا يمكن أن تكون تصرفاتها نابعة من خوف + شك .. لأنك كما ذكرت أنك حين خرجت معها وتحدثتم عن نقطة "نسيتها" .. سألت أخوها هل هذا الكلام صحيح !! ..

بارك الله فيك

يا هلا أختي ...

طبعاً هذا الحاصل حالياً سكوت من طرفي وسكوت من طرفهم

والهدوء يهز أركاني والله !

ودي أخلص وانتهي من هالكابوس بأي طريقة ، فالعمر يجري ، ووقوع البلاء أهون من انتظاره !

لا حنا اللي استمرينا ولا حنا اللي انفصلنا وشفت نصيبي مع غيرها ...

طبعاً أنا فعلاً مشغول وقاعد أدور على بيت أكبر دورين مفصولة لي وللوالده

وهي حجتي برضو حتى مع أبوي اللي ما يدري عن شي ( لأنه برضو منفصل عن والدتي )

وسكت عشان ما أبي اي شوشرة واستفسارات زايدة في موضوع ما ودي أتكلم فيه ...

عموماً أنا رجل صريح جداً ولا أتوقع إني راح أتعذر بشي قدام أهلها لو كلموني وراح أقول إنه سبب عدم ردي

هو عدم تقديم البنت لأي بادرة من بوادر التغير ، بالعكس تبي تغيب وترجع متى ما بغت وطاب خاطرها ولا كانه شي !

وانا أصلاً كنت قايلهم إني ما راح أحدد موعد زواج إلين تتضح الأمور وتلتزم بالاشياء اللي قلت لها

إنه مو عاجبتني لا في التصرفات ولا في العادات ....

وربك يكتب اللي فيه الخير

__________________

شكراً لك أختي روح ...

ورغم كل شي أنا برضو ضحية خاصة إني على مشارف الواحد والثلاثين من العمر !


لكن حسبنا الله ونعم الوكيل .

__________________

للأسف أختي ( خطيرة ) ....

انحرمت من أجمل أيام العمر

لكن الحمد لله على كل حال .

__________________

للأسف الأمور اللي زي كذا ما تبان في البداية ...

ما لاحظت شي إلا بعد ما ملكت عليها !

وانا أختلف مع من يقول إن فترة الملكة والخطوبة هي المقياس

وحتى لو ما صار شي من اللي مرينا فيه برضو صعب الحكم

قبل اول سنة زواج لأنه غالباً في فترة الخطوبة كل واحد

بيحاول يقدم وظهر أفضل ما عنده لأنهم لسا ما أخذوا على بعض وبيكون فيه شوية تحفظات ورسميات

وما حصل معي من من اختلاف لما قلته ( وهو قليل ما يصير ) كان سببه صغر سنها وعدم ادراكها الواسع

لأنها لا تستطيع مسك نفسها عن كل ما يستهويها ....

والحمد لله على ذلك وإنها بانت من البداية وقبل لا نتوهق على قولتك وهقة أكبر من هاللي حنا فيها !



تشرفت بمرورك .

__________________

للأسف إنها بنت البلد وعايشة فيها لكن سبحان من خلق ابراهيم عليه السلام من ظهر كافر !

بالرغم من أن البلد أو المنشأ ماهو مقياس ، هي على التربية فقط !

و لو كانت من أقاربي وفيها هالطباع ، بنكون عارفين انا وأهلي لأنها بنتنا ولا راح أخطبهاً أصلاً ....

لكن المصيبة في شي زي البطيخة ما تدري كيف من جوة !


أكرر شكري على تواصلك الميمون .

__________________

يا هلا أختي ...


لا مسج ولا شي خليهم بارحتهم اللي عندي قلته ، انا معد فيني حيل خلاص

ومردهم بيجون إن شاء الله ( بس يارب ما يطولون )



شكراً لمرورك

__________________

أختي نبض ...

ماهي مسألة ثقل مثل ما تفضلتي

وش تتوقعين مني اسوي وانا متضايق ؟!

أرحب واهلي وانا قاعد أعاني ؟!

آكل الكف وابتسم ؟!

تروح وتغيب ولما أجي أشوف وينها تتجاهل اتصالي ومتى ما اهتوت وطاب خاطرها تجي

ولا كأني قاعد أحترق وافكر ليل ونهار ؟!

ولا لمن أوصي على شي أصدم برفض بحجة ما تعودت ولا أنا ابي كذا ؟!

أوصف بالغموض وتشك فيني إني اتعاطى وياليتها اكتفت بسؤالي ...

إلا فوقها تقول لأهلها ولمن يردون عليها ، تشهّد علي قدام اخوها والمصيبة إنه أصغر منها ؟!

الشي اللي ما يجي من طيب خاطر ومن النفس ماله طعم ولا فايدة

لمتى أنا بجلس صابر ومتحمل والتمس أعذار واعطي فرص ؟!

وفي الأخير ما أوصل لنتيجة بسبب عقلية طفولية ماهي راضية تتقبل وتدرك حجم الأمر

إيش أسوي أكثر من كل هذا عشان أحببها فيني على قولتك ؟!

أنا قدمت كل ما عندي ، ومعد في يدي شي أكثر من كذا !

كل هذا راح يتطور ويصير مشاكل بين العيلتين بسببها ، وهذا اللي كنت ولا زلت أبغى أتجنبه

وابغى زي ما دخلنا بالمعروف نطلع بالمعروف ، وندعي إن الله يرزق كل واحد فينا باللي أفضل

لكن بالوضع هذا والتعليقة هذي ما أعتقد بيصير الشي هذا ...

أتمنى تكوني تفهمتي موقفي ، والله يعطيك العافيةعلى المرور الكريم .

__________________

للاسف كل شي سويته ...

صربت وتحملت ومافي اي نتيجة

صدقيني راح تكابر وتتصرف ولا كانها مسوية شي

لأنها فقط تبحث عن التنازلات لها وحدها ...


شكراً لمرورك الكريم.

__________________

حابه اقولك شي .. وجعتلي قلبي والله

الله يعينك

انا كنت اعاني من نفس المشكله
البروود وكانه معلقه ..
بس في موضوعك انت بقولك بصراحه \\ انفصل ,,,, ماهي نصفك الثااااني

انت منت ملزم تجامل ابدا

لك حقوق مثل ماهي لها حقوق وبنات خلق الله واجد ,,انا ما ابغى احرضك عليها لان الزمن دوار وبكره يجيني الدور

بس انا بقولك كذا من باب انك طووووولت على غير فايده ,,, ياخي نحنا ننتظر ونصبر عن الحرام عشان نذوق طعم الحلال وهم كذا يسووا ليه طيب ..؟؟ اكره شي البروود وعدم احترام الي قدامك
هذا الشي يطعن بصراحه

بس وانا اختك لا تترك هذا الدعاء (( اللهم اجرني في مصيبتي واخلف لي خيرا منها ))

بالله طمنا وان شاء الله الحال يتعدل وباذن الله ماننساك من الدعاء