شوفي خيتو ناني ...

انا ماتعجبني البنت اللي ترقص بهباله ليله عرسها .. لاني شفت وحده .. كل شوي تقوم من كرسي

الكوشه ماسكه وحده من اهلها وهاتك يارقص

الاتزان مطلوووووووووووووب...

انا ليله زواجي مرتبكه من الحظور ... لأني ومن طبعي ومن كنت في المدرسه اخاف وارتجف اذا كل

الانظار لي ... احسب حساب لكل خطوه اخطيها ..

كنت هاديه ... اللي يبتسم لي ابتسم له ... واللي تجيني عالكوشه وتبارك لي ابتسم لها عادي

بس مو حلوه العروسه تضحك وفاتحه فمها كأنه بير من كثر الضحك انا اسمي اللي كذا بنات ( رقله )

انا اللي خلاني مرتبكه زوجي لما دخل القاعه ... مع انه مافيه احد الا اهلي واهله ( هاذي عوايدنا ااذا

بيدخل المعرس مايكونو موجودين الا الاهل )المهم .. لما دخل هو مبسوط وانا ماني رايقه له تعبانه

حدي ...هو كل شوي يسولف ويجيب سالفه مادري منين وانا حاقرته لين دفني بيده وللحين

اتذكر وكانت هاللحظه مصوره وفيديو بعد هههههههههههههه...

ايه تذكرت شي بعد ... انا ماحب البنت اللي تخرخر دموع ليله زفافها ... ماعليه قلنا بيت جديد وحياه

جديده بس مني رايحه لمسلخ !!!

ازعلي بس مو كذا ...

كأني هذرت كثير

يعطيك الف عافيه عالموضوع الحلو ...

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "