|
العروس ليلة زفافها بين التكشير ووطق الرقبه (سوالف حريم)
البارح كنت في جمعه نسائيه
والحوار اللي يدور كان ياحليلها فلانه (هذي وحده ماصارلها اسبوعين متزوجه) يوم دخلت القاعه زافينها تبي تنفجر من البكا بس ماسكه نفسها !! مو مثل علانه (هاذي متزوجه صارلها سنه متزوجه ) وللحين يسولفون فيها ++صج حريم المهم علانه هاذي لما زفوها كانت تتبسم وتتمايع وتطق رقبه ++قويه هاذي!! حرام وحده مستانسه بعرسها !! يمكن خانها التعبير:d وسوت حركات يستهجنها المجتمع !!! نرجع للي تبي تنفجر من البكا ..!!! في صباحيتها الابتسامه من الاذن للاذن !! ليش يعني !! والدموع اللي البارح وين!! ولا هو تمثيل ( اقصد التكشير المبالغ فيه)!!! عشان لايقولون عنها رقله!! من سوالف الحريم هاذي .. طرا علي سؤال هل يجب على العروس التكشير ليلة زفافها للمحافظه على وقارها وخوفا من انتقادات النسوه!!!!:21: في النهايه كلها سوالف حريم!!!!! |
هههههههههههههههههههههههههههههههههههههههههههه
فعلا عقد الخليجين بعد يوم فرحها لازم تضحك |
خواتي ثنتين تزوجوا الله يوفقهم ويرزقهم، الاكبر فيهم كان قبل ست سنوات، والثانيه قبل شهرين.
الاولى: طول اليوم تسولف وتضحك وعادي، ولكن لما جات الزفه ودخلت مع ابوي والمعرس واخواني كانت في اتعس حاله وحالتها حاله، انا بكل صدق والله ضحكت عليها وعلى شكلها، وللحين تتذكر الموقف تقولي قبل كم يوم وحنا نسولف عن ايام الزواج انها كانت مستحيه منا حنا اخوانها و ابوي با الذات ههههه . والله من قل السنع. اما الثالنيه لا ماشاء الله عليها، قلت لها كم كلمه وعطيتها كم درس ، وعطيتها رابط ها الموقع والحين هي تقرا كلامي، ماشاء الله عليها كانت رزينه شوي ، بس للأسف قلت لها ابتسمي اول ما تشوفين زوجك ولكن ما ابتسمت الا بغت تطيح. على اي حال انا رايي ان المفروض الشخص بيوم زواجه يفلها ويعيش يومه. شخصياً انا امي وخواتي يقولون لي انت ما تستحي ،،ليش؟؟ ما ادري. الله يوفقنا ويوفقكم. |
اللي تضحك اقل مايقال عنها موصاحيه !!! :d
هذا قل مايقال ..!! اكيد نظرتهم غلط على اساس ان كل شي عيب ..!! يعني الوحده تبتسم بخجل .. اوكي بس مو لدرجه العبوس والبكاء!! يسلمم مرورك ليــــال |
^^^^
يعني حتى اليوم الموعود تبقى الفرحة مستهجنة !!!! اومال تفرح امته لما تشيل مسؤوليات الزواج !! هل التعبير عن الفرحة امام الاخرين حتى بالحلال قلة أدب :( |
طبيعي اي بنت متربية في بيئه محافظة مليئة بالوقار والحشمة تكون هذه هي ردة فعلها الطبيعية خاصة مع ظهورها علانية وهي بجانب زوجها على هذا الكم الكبير من النساء واللاتي عيونهن اشبه بالصواريخ الموجهـة على كل شبر ونقطة من كيان العروس .
اهم شيء ان لا يستمر هذا العبوس بعد الزواج |
طيب اذا صارت من كثر الفرحه قامت ترقص قدام المعازيم ولاكانها عروس بصراحه عني مااحب هذا الاسلوب افرحي اوكي بس رقص قدام خلق الله لا لاني مره شفت وحده ترقص وكأنهم يقولون ماصدقت على الله تزوجت |
ناااااااااااانى خلى اللى يقول يقول حش حريم والله احنا الستات اقسى على بعض من الرجال علينا مالها تضحك وللا ترقص فرحانه اه ما صدقت تزوجت وايش فيها لو فضلت يقولوا عنست ولو اتجوزت يقولوا ما صدقت هتموت من الفرحه لا اله الا الله بجد اللى يمشى ورا كلام الناس ما يعيش فاكره قصة جحا وحماره؟ اهو اللى طالب رضا الناس هيبقى زى جحا تمام عيشى يومك واحمدى ربك عالفرحه غيرنا مش لاقى حتى ابتسامه ويا نساء الارض بجد رفقا ببعضكم نسوان دماغها فاضى وطاقق بجد |
والله من جد الحين دايم البنت تحلم بيوم زواجها وانه راح يصير فيه كيت وكيت .... لما يصير صدق اقوم اكشر علشان حضرات الناس يقولون عني ماشاء الله تستحي .!! ذكرتوني بزمان امي كانت تقول لما كنت بالثانوي كانت اللي تحط مكياج يقول عنها ماتستحي تبي تتزوج !!!
واللحين اللي تضحك علشان تنبسط يقولون عنها ماتستحي حتى في زواجها !! مدري اول يوم كنت صغيرة كنت اشوف البنات معبسة في الزفة ...بس الحين صاروا يبتسمون ونادرا ماصرت اشوف وحدة ضايق صدرها ... صار فيه تصوير واشياء كثيرة تلزمها انها تاكل حبوب مهدئة مثل ماسوت وحدة من صاحباتي !!! انبسطوا في زواجاتكم يابنااااات واتركوا عنكم الهم وكلام الناس واللي مايعجبه يشرب من البحر!! |
انا اخر كم فرح حضرتهم صراحه شفت بلاوي
يعنى في شبكة العريس يرقص ويضم عرستوا وشويه يبوسها وكانوا في بيتوا ولوحدا صراحه الكل انتقدووا وبعداها حضرت فرحين اخر فرح العروسه مسكينة من قبل الزفه من ساعه ماخرجت من غرفتها ترقص وترقص وماسكه في العريس وتغنى الله يوفقهم بس احس حلو العروسة تكون راكزة وهاديه ترقص وتنبسط بس بي شويه خجل ان شاء الله لمن اتزوج لا رقص ولا قلت ادب << اصلا مااعرف ارقص:d يسلموو |
| الساعة الآن 10:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©