صينية الكنافة بالمكسرات
المقادير:
كيلو الا ربع كنافة + كوب سمن او حسب ماتأخذ+ مكسرات مضاف لها ملعقة كبيرة سكر او جبنة ريكوتا او مهلبية او كسترد + ( الشربات ) 2 كوب سكر + 1 كوب ماء + نصف ليمونة
الطريقة :
اما تقطعى الكنافة صغير بأيدك قطع صغيرة .او بالمقص تقصقصيها صغير جدا و هذه طريقتى المفضلة .
او فى الكبة .سيحى السمن على النار يعنى يادوب تسيح .وحطى على الكنافة شوية شوية وتدعكيها بأديكى الاتنين لحد ما تشعري ان الكنافة كلها بقيت مغطاه سمنة كدة خلاص لا تضعي تاني .
ادهنى صينية بالسمن و حطى نص الكنافة ثم ضعى طبقة المكسرات المرغوبة ثم ضعى باقى الكنافة و اهم حاجة تضغطى بايدك عليها كويس او بغطاء حلة او بطبق ثم وزعى معلقة سمن على الوش على درجة حرارة متوسطة فى الرف الوسط ضعى الصينية فى الفرن حتى تستوى و يحمر الوجة بعدخروجها من الفرن تسقى بالشراب البارد
كنافة بالقشطة
المقادير:
نص كيلو كنافة – تقريبا 3/4 كوب سمن +القشطة : 2 1/2 كوب حليب – سكر للتحلية – نصف كوب نشا- علبة قشطة +شربات
الطريقة:
نعمل القشطة :نذوب الاول النشا فى الحليب على البارد لحد ما تذوب النشا ثم نضعهم على النار مع التقليب و نحلى بالسكر لحد ما تغلى نقلب تقليبتين ونطفى النار وبعدين نحط عليها علبة القشطة ونقلبها معاهم
نعمل الكنافة : نقطع الكنافة قطع صغيرة ممكن بايدك وممكن بالمقص وممكن بالكبة نسخن السمنة بس يعنى تسيح وتدفى على النار وبعدين نصبها على الكنافة ونقلبها كويس لحد ما تشعري بأيدك ان الكنافة كلها شربت سمنة او اتبلت كويس بالسمنة تروحى حاطة نصفها فى صينية ثم نضع عليها القشطة وتفرديها كويس على الكنافة لكن ضرورى ما تخليش القشطة توصل لاطراف الصينية علشان ما تتحرقش و تسود وبعدين نضع نصف مقدار الكنافة التانى فوق القشطة وتغطيها كويس وتحطى حوالى معلقة سمن سايحة على الوش وتدخليها الفرن المتوسط الحرارة لحد ما تستوى ووشها يحمر حوالى من ثلث الي نصف ساعة وبعد ما تخرج من الفرن وهى ساخنة نسقيها بالشرابات
كنافة جاهزة (بالمكسرات)
المقادير:
كنافة برما حتكون عبارة عن خصلات طويلة _ مكسرات مفرومة او فستق صحيح _ شربات _سمن سائح.
الطريقة:
شيلى بالراحة خصلة رفيعة و حطيها امامك مفرودة . بالفرشاة ادهنى الخصلة بالسمن السائح بطول الخصلة . ثم ضعى صباعك الكبير التخين على اول الخصلة و ابدئى ليفى الخصلة على صباعك بمساعدة الصبعين اللى جنبه لحد ما حتتكون عندك دائرة بشكل عش العصفور و هكذا حتى تعملى العدد اللى انتى عوزاة مع مراعاة ان الخصلة اذا كانت طويلة قوى تقطعيها بالسكينة ثم ارص وحدات العش فى صينية مدهونة بالسمن و بايدى اضع داخل كل عش كام واحدة فستق او شوية مكسرات امسح بالفرشاة بالسمن على كل وحدات العش و ادخلها الفرن لحد ماتحمر اخرجها و اسقيهم بالشراب البارد
البــسبوسة
المقادير:
نص علبة جوز هند+ 1.5 علبة سكر + 2 علبة قشطة + 3 علبة سميد بسبوسة + 1 علبة سمن + 1م ص بيكنج بودر
الطريقة:
حطى المقادير كلها على بعض و بالملعقة الخشب افضلى ادعكى فيها حتي تصبح ناعمة ،ادهنى صينية البسبوسة (بدون حافة عالية مثل صنية البيتزا) بالسمن بالفرشاة ثم ضعى المقدار فى الصينية و بلى ملعقة و امسحى و جة البسبوية عشان تساويها و تدخليها فى الفرن وممكن تضعى شوية لوز فى ماء ساخن لحد ما القشرة البنى بتاعتة تتقشر على طول . افتحى كل لوزة بالطول من النص و ر صصى الانصاص على وش البسبوسة او ممكن انصاف بندق ايضا و دخليها الفرن اول ما لونها يبقى ذهبى طلعيها و اسقيها بالعسل الساخن و غطيها على طول ..كل المقدار بنفس العلبة بتاعة القشطة مش بالكوب قشطة المراعى او بوك او نستلة
ملحوظة : بعد خروج البسبوسة مباشرة من الفرن تسقى بالعسل الساخن وتتغطى على طول .وسيبى الغطاء
عليها طول ما بتاكلوا منه السر فى طراوة البسبوسه هو ان الشربات ساخن على الصينيه وهىكمان ساحنه ولما تبرد قطعيها و لا ترفعي الغطاء من عليها الا لما تهدا خالص او تبرد لانها لما بتعرق و هى سخنة بتطرى اكتر
صينية البقلاوة
المقادير:
باكو جلاش + مكسرات مجروشة او مفرومة حسب ما بتحبيها ناعمة جدا او تشعري بها فى الاكل +سمن +شربات +ذرة قرفة ناعمه
الطريقة
خذي الجلاش من الباكو و حطية امامك على الرخامة ثم ضعى فوقه الصينية اللى حتعملى فيها . بالسكينة اقطعى داير ما يدور الصينية و اتركي الزوائد على جنب هنستخدمها ايضا
اقسمى المقدار لجزئين ادهنى الصينية بالفرشاة سمن ضعى 2 ورقه فى الصينية و ادهنى كويس بالسمن وهكذا لحد ماتخلصى الجزء الاول ضعى المكسرات فى طبق و حطى علية 2 ملعقة كبيرة عسل من اللى حنسقى به الصينية و اخلطيهم حتلا قيهم عمل زى العجينه و مسك فى نفسة شوية ثم ضعى الحشوة على الجلاش اللى فى الصينية و افردية كويس حنعمل نص الصينية التانية بنفس الطريقة الاولى بالفرشاة ندهن الوش كويس بالسمنة ثم بسكينة حامية نقطع الجلاش على هيئة مثلثات وللسهولة تعملى الاول خط بالطول ثم خط بالعرض حيبقى عندك شكل + ثم نعمل خطوط حتلاقى المثلثات بانت حطيها فى التلاجة من ربع لنص ساعة و بعدين حطيها فى الفرن لحد متحمر مش قوى تطلعيها و تسقى بالشراب البارد ..ملحوظة/ سبب وضعنا عسل على الحشوة علشان و انتى بتاكليها الحشو مايقعش منها . وممكن تحطى الحشو على طول بدون الخطوة 4 حسب الرغبة جربى هذه و جربى هذه و اللى يعجبك اعملية / بالنسبة للورق الزيادات ممكن توزعية عشوائى بين الطباقات تبقى الصينية مورقة اكتر و ممكن تلفية تانى و و تحفظيه فى الفريزر تستعمليه في اعداد ام على
مثلثات البقلاوة بحشوة جميلة
المقادير:
باكو جلاش ( انا بفضل الزهار ) الحشوة:2/11 كوب حليب + 1/2 كوب سميد ( دقيق بسبوسة )+ علبة واحدة قشطة .
الطريقة:
ضعى الحليب على النار لحد ما يغلى اول ما يغلى اضع علية السميد واقلب اقلب بسرعة لحد مايبقى زى المهلبية و اتركة يبرد اضع علية علبة القشطة و اقلب لحد ما يندمجوا معا .
و ممكن بدل القشطة احط كريمة لبانى ( قشدة الخفق ).
ثم ابدأ فى حشو البقلاوة افرد الجلاش امامى و اقطعه بالطول من النص يعنى كأنى بقسم الورقه نصين بالطول ثم اقطع بالعرض لحد مايبقى عندنا 6 مربعات ابدء بافرشاة بالسمن ادهن بين كل ورقتين لحد ما اتأكد انى دهنت بين الورق كلة اخد مربع متكون من 6 او سبع ورقات و احط على المربع معلقة كبيرة من الحشو ثم اثنى المربع من الطرف للطرف على هيئة مثلث وهكذا لحد مانخلص المربعات كلها اضعهم فى صينية مدهونة و ادهن و جه المثلثات دهن خفيف و ادخلها الفرن لحد ما يحمروا وتسقى بالشراب البارد
صينية البقلاوة بالمهلبية
باكو جلاش
سمنة سايحة
المهلبية:
كوب حليب + معلقة كبيرة نشا+ فانيليا
معلقة زبدة
شراب (شيرة ) 2كوب سكر + كوب ونص ماء
نص ليمونة
الطريقة
نعمل المهلبية
ناخد من الحليب نصف كوب ونذوب فية النشا كويس .
نضع باقى الحليب فى حلة على النار حتي يغلى ثم نضع النشا المذاب فى الحليب ونقلب لحد ما الخليط يغلظ قوامه (يتماسك) ثم اضع الفانيليا والزبده ونقلبهم جيدا ونتركها جانبا .
نحضر الصينية وندهنها بالسمن ثم نضع اول ورقتين من الجلاش ثم ندهن بالفرشاة بالسمن وهكذا حتى
الانتهاء من نصف كمية الجلاش ثم نضع طبقة من المهلبية بس تكون بعيدة عن الاطراف .
نعمل نص الصينية التانى بنفس الطريقة و لا تنسي وضع الزيادات اللى الباقية من ورق الجلاش بين الطبقات.
نقطع الجلاش اما مثلثات واما سمبوكسات ثم نرش سمن سائح على الوجة وندخلها الفرن لحد ما تستوى ويحمر الوجة ثم تخرج من الفرن وتسقى بالشراب البارد وهى ساخنة و بالهنا والشفا
ام على
المقادير
نص باكو جلاش + كيلو حليب + زبيب + مكسرات +سكر حسب التذوق+ قرفة ناعمة + قشطة + زيت
الطريقة
بالسكينة اقسم ورق الجلاش الى نصفين و النصفين الى ربعين اما تضعى الورق على صينية و تدخلية الفرن لحد ما يصفر و ينشف ( او ) اضع مقلاية واسعة على النار و احط فيها زيت و ابدء احمر الورق كل ورقتين ثلاثة مع بعض و اشيلهم فى مصفة علشان ينزلوا كل الزيت الزائد احضر صينية بايركس او طاجن فرن فخار و اضع طبقة من الورق ثم ارش رشة مكسرات .
ثم اضع راقة ورق و ارش راقة مكسرات و هكذا حتي تمتلئ الصينية ادفى الحليب على النار و احلية بالسكر ثم اصبة على الصينية لحد ما يغطى الورق خالص اضعة فى الفرن لحد ما يبدأ يشرب الحليب اضع على وجة الصينية القشطة يعنى اوزعها على الوش و اضعها فى الفرن لحد و شها ما يحمر
ملحوظة :
اذا كنتي تفضليها دسمة ممكن تضعي بين راقات ورق الجلاش مع المكسرات قشطة تانى و في يفضلها بها زيادة بالحليب
بس تقدم ساخنة
زنـــود الســت
المقادير
باكو جلاش +2 علبة قشطة (او مهلبية) +زيت للتحمير +عسل (2كوب سكر – واحد ونص كوب ماء – نص ليمونة)
الطريقة
نحضر ورقة من الجلاش و تثني بالطول(كل الورق يثني بنفس الطريقة) توضع ورقة من الجلاش بجهة الطول فوق ورقة تانية بجهة العرض على هيئة (+) توضع ملعقتان كبيرتان من القشطة على الجزء اللى هيا نقطة التقاء الطول بالعرض نضع الطرف اليمين اللى بالعرض على القشطة والطرف الشمال فوقة(و بهذه الطريقة نكون غطينا القشطة ) وتلف بالطول باقى ورقة الجلاش على هيئة اصبع تكرر بنفس الطريقة مع بقية الجلاش ثم تقلى في الزيت الساخن نشيلها من الزيت وتصفى ثم توضع في العسل ثم ترصص فى طبق التقديم وممكن ترشى على الوش شوية فستق مطحونين
كنافه بالبسبوسة
200 ج زيت ( او 300 ج سمنة لو عادية )
3 بيضات
كوب ذبادى
400ج سكر بنى (او ابيض )
الطريقة
نضع الزيت والسكر فى طبق ونخلطهم
ثم نضع البيض بيضة بيضة ونخلطهم
ثم نضع الزبادى ونكمل الضرب
ثم نضع السميد ونخلط بالمضرب السلك وممكن نضع شوية حليب لحد ماتتكون العجينة متوسطة السيولة
ندهن صينية سمن ثم نضع الكنافه زى ماهى بدون تقطيع لحد مانغطى القاع والاجناب ثم نرش عليها رشة سمنة خفيفة ثم نصب عليها خليط البسبوسة ونساويه وندخله الفرن لمدة ساعه على حرارة متوسطة
بعد ماتطلع نسقيها بالعسل ونقطعها
معلومة مهمة
1....السعرات الحرارية الموجودة فى السكر البنى هى هى السعرات الحرارية الموجودة فى السكر الابيض ولكن السكر البنى أفيد للجسم
2.....للبسبوسة الصحية
نستخدم الزيت والسكر البنى والزبادى نصف دسم او الحليب الخالى الدسم
منقول بتصريف
جزاها الله كل خير صاحبة طرق التفريز
يتبع
21-08-2008, 11:21 AM
أنتهت الإجازة الصيفية وبدأ الدوام
ضوابط المشاركة
العرض العادي
