اختى الحبيبه عشق عبادى
الشكر كله موصول لك استاذتنا
جزاك الله كل الخير

__________________

الاخ الفاضل yasir essa
اشكر لك مرورك الكريم
و ان شاء الله اكتب لك طريقة الفول النابت و هى سهله جدا لكن قيمتها الغذائيه عاليه جدا
و كذلك شوربة العدس رغم انها اكله تنفع بالشتاء اكثر من فصل الصيف
دمت بكل خير

__________________

حبيبتى امووووووووووووووورة
شكرا لمرورك الطيب
و تسملى من كل سوء يا رب

__________________

ساعات كتير الواحد بيحس بالزهق من كل انواع الاكل
و يبقى نفسه فى حاجه (حرشه )( مشطشطه )
قولوا اللى تحبوه ... المهم هو ده الله حصل معايا امس .. دخلت المطبخ
دعبست شويه لقيت فول مدشوش قلت بس هو ده

اقولكم الاول على المقادير

نقول نصف كيلو فول مدشوش ( للى ما يعرفهوش ) فول ناشف بدون القشره و بيكون كل حبة فول مقسومه نصفين

بقدونس مغسول و مفرى

بصل مقطع صغيرا

ثوم مدقوق

زيت
ملح
شطة
كمون
عصير ليمون

الطريقه

نغسل الفول جيدا و نسلقه فى كميه من الماء تكفى لغمره جيدا لانه بيأخذ سوا شويه و ممكن نزود الميه لو احتجنا اثناء السلق و نراعى التسويه على نار متوسطه حتى لا يلتصق و نقلب فيه كل فترة

فى هذه الاثناء نحمر البصل المقطع صغيرا فى الزيت ثم ننشله من الزيت و نحتفظ بالزيت


بعد تمام سوا الفول و يراعى بقاء بعض مويته فيه
نضربه فى الخلاط بعد ان يبرد او نصفيه من مصفاه و يراعى ان يكون قوامه معتدل ليس بالجامد و لا بالخفيف
فأذا احتجتى تضيفى شوية ميه اثناء الضرب لضبط القوام لا بأس
ثم نضع هذا الخليط فى قدر و نرفعه على نار متوسطه و نضيف له الثوم المفرى و البقدونس ( و ممكن تضربى البقدونس مع الفول فى الخلاط )
و نضيف الملح و الشطة و الكمون و بعض من البصل المحمر و نحتفظ بالبعض الاخر للتجميل و نضيف الزيت الذى تم تحمير البصل فيه سابقا و نستمر بتقلب المزيج حتى يبدأ بالغليان و نتركه يغلى مدة 3 دقائق على النار مع استمرار التقليب
ثم نرفعه من على النار و بالمغرفه نصب فى اصباق مسطحة ثم نزين الوجه بالبصل المحمر و نتركه حتى يهدأ
و عند الاكل نرش بعض من قطرات عصير الليمون فوق الوجه
و ما تنسيش المخلل ليمون او خيار و البصل يا سلام على البصل مع البصاره

مش قلت لكم اكلة حرشه

و بألف هنا و شفا
و اوصيكم بمشروب غازى بعد الاكل ليساعد على الهضم

__________________

اخيرا عشنا وشفنا صور البصاره
ليه كل المدة دى
طبعا عمال ما اقنعتى زوج حضرتك ان البصاره للتصوير بس
فين بقى يا ستى الفول النابت والعدس
اكيد فيها شهر عمال يقتنع انه يصوره من غير ما ياكله
سلمتى ام من شبرا
وسلم اهل شبرا كلهم

__________________

السلام عليكم ورحمة الله وبركاته

اعتذر لكى اختى ام من شبرا اناغير قصدى انك كبيره فى السن انا برده يعتبر نفس

الجيل انما من النادر نلاقى حد بيفكر فى الاكلات دى

شبرا والشرقيه

يعطيك العافيه على الكله المصريه الحلوه

__________________

اختى بلبل حيران
لا اعتذار و لا حاجه حبيبتى
و اسعدنى جدا مرورك على الموضوع مرة اخرى
بس زعلت النهارده لما لقيت ان الصور مرفوعه .. ان شاء الله نحاول ننزلها تانى
جزاك الله كل الخير

__________________

اختى المتعبه
اشكر لك مرورك الكريم
و اسأل الله ان يريح قلبك و يسعدك دنيا و اخرى

__________________