|
وسع وسع للبصارة
ساعات كتير الواحد بيحس بالزهق من كل انواع الاكل :18: و يبقى نفسه فى حاجه (حرشه )( مشطشطه ) قولوا اللى تحبوه ... المهم هو ده الله حصل معايا امس .. دخلت المطبخ دعبست شويه لقيت فول مدشوش قلت بس هو ده :23: :23: اقولكم الاول على المقادير نقول نصف كيلو فول مدشوش ( للى ما يعرفهوش ) فول ناشف بدون القشره و بيكون كل حبة فول مقسومه نصفين بقدونس مغسول و مفرى بصل مقطع صغيرا ثوم مدقوق زيت ملح شطة كمون عصير ليمون الطريقه نغسل الفول جيدا و نسلقه فى كميه من الماء تكفى لغمره جيدا لانه بيأخذ سوا شويه و ممكن نزود الميه لو احتجنا اثناء السلق و نراعى التسويه على نار متوسطه حتى لا يلتصق و نقلب فيه كل فترة فى هذه الاثناء نحمر البصل المقطع صغيرا فى الزيت ثم ننشله من الزيت و نحتفظ بالزيت بعد تمام سوا الفول و يراعى بقاء بعض مويته فيه نضربه فى الخلاط بعد ان يبرد او نصفيه من مصفاه و يراعى ان يكون قوامه معتدل ليس بالجامد و لا بالخفيف فأذا احتجتى تضيفى شوية ميه اثناء الضرب لضبط القوام لا بأس ثم نضع هذا الخليط فى قدر و نرفعه على نار متوسطه و نضيف له الثوم المفرى و البقدونس ( و ممكن تضربى البقدونس مع الفول فى الخلاط ) و نضيف الملح و الشطة و الكمون و بعض من البصل المحمر و نحتفظ بالبعض الاخر للتجميل و نضيف الزيت الذى تم تحمير البصل فيه سابقا و نستمر بتقلب المزيج حتى يبدأ بالغليان و نتركه يغلى مدة 3 دقائق على النار مع استمرار التقليب ثم نرفعه من على النار و بالمغرفه نصب فى اصباق مسطحة ثم نزين الوجه بالبصل المحمر و نتركه حتى يهدأ و عند الاكل نرش بعض من قطرات عصير الليمون فوق الوجه و ما تنسيش المخلل ليمون او خيار و البصل يا سلام على البصل مع البصاره مش قلت لكم اكلة حرشه و بألف هنا و شفا و اوصيكم بمشروب غازى بعد الاكل ليساعد على الهضم :d |
السلام عليكم ورحمة الله وبركاته
بسم الله الرحمن الرحيم ماشاء الله تبار الله ده الاكل ولا بلاش حقيقى جيل الايام دى خلانا زهقنا من النواشف من شبرا برده :17: :23: :22: |
جزاك الله خيرا فتحتى نفسى و خلتينى كانى اشم رائحتها الان لو قلت لك لم اكل البصارة من كام سنه مش هتصدقينى بس بصراحه روعه
|
تسلم الايادي
|
مشكورة عزيزتي علي الاكل المصرية 100%
تحياتي |
أكلة عريقة من أم عريقة :22:
بصراحة أنا مش جيه أشجع البصارة (مش بحبها) :( ،، لكن جيه أشجع أهل منطقتنا :17: :17: ربنا يبارك فيك و جزاك الله خيراً |
أختي ليش ما تحطين صورتها... لأني ما عرف شكلها .. ولا مرة ذقتها...؟؟؟
مشكووووووووورة |
و
عليكم سلام الله و رحمته و بركاته اختى بلبل حيران فعلا هو ده الاكل و الا بلاش و سبحان الذى وضع فى هذه الاكلات الشعبيه البسيطة كافة المواد المهمة لتغذية الجسم مثلها مثل الكثير من الاكلات المكلفه الاخرى فالحمد لله على نعمه و على فكره انا برده لسه احسب على جيل الايام دى :d شكرا لى مرورك حبيبتى |
ا
ختى baby lady و جزاك الله مثله حبيبتى ما تقلقيش اكيد هاصدقك :) لانه انا نفسى كتير اوى بانسى الاكله دى بالسنين مش عارفه ليه بس ياله شدى حيلك و قومى جهزيها دلوقتى و اعمليها مفاجاه :23: و اشكر لك مرورك الطيب حبيبتى |
ام خالد تسلمى حبيبتى من كل سوء و يكرم مرورك الطيب |
| الساعة الآن 03:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©