شنو برأيكم التفسير لهذا الرجل؟؟؟ - منتدى عالم الأسرة والمجتمع

23-05-2006, 10:04 PM

احبك حبيبي

عضو متألق

تاريخ التسجيل: Aug 2005

المشاركات: 667

شنو برأيكم التفسير لهذا الرجل؟؟؟

السلام عليكم ورحمه الله وبركاته

اخواني واخواتي بسألكم ابي اعرف التفسير للرجل اللي يخون زوجته وهو بنفس الوقت يحبها .. يعني كثير ما نسمع ان الرجل يموت على زوجته ما يزعلها يدللها يسوي اي شي لمجرد انها ما تستحمق او تزعل ... لكن بالنقيض من ذلك يكلم غيرها ويحب غيرهااا ويطلع مع هذي وهذيك ..................؟؟؟؟؟

شنو تفسير هذا برأيكم؟؟؟

تحياتي
اختكم
احبك حبيبي

__________________

23-05-2006, 10:48 PM

حسام الغامدي

عضو نشيط

تاريخ التسجيل: May 2005

المشاركات: 174

خائن !!

ما يبيلها تفسير غير كذا حتى لو حب زوجته و دللها هذي تعتبر خيانه

__________________

][ الملك الانسان ][

(( شكرا ً يا والدي أبو متعب ))

23-05-2006, 11:05 PM

wijdane

عضو نشيط جدا

تاريخ التسجيل: Apr 2006

المشاركات: 240

كتيرا ما اقول في حياتي الانسان اللي يحب مستحيل تماما يطلع لانسانه غيرها
يعني هو ليش يطلع على غيرها مشان حلوة ...فالانسان اللي يحب عنده محبوبته ملكة جمال العالم حتى ولو كانت اشبه ب....من وجهة نظري لا يمكن ان يجتمع الحب والخيانة في قلب واحد ومهما كانت الاسباب ومهما كانت مبرراته الا ان الخيانة بحد ذاتها سكين يمزق اي رابط في الحياة فبالله عليكم كيف يعني لو اجت الخيانه من احد اهم ركائز الحياة الزوجية....الزوج كيف يمكن لعينه تنظر لغير زوجته بالنسبة الي هذه المسألة ما فيها نقاش بالمرة ..........وممكن الاخوان يخالفوني في وجهة نظري عابرة سبيل

__________________

قمة التحدي:ان تعشق من ليس لك
قمة الحزن:ان تبتسم وفي عينيك الف دمعه
وقمة الألم ان تسكت و بداخلك جرح يصرخ
وقمة التضحية :ان تحيا ميتا من اجل من تحب

23-05-2006, 11:11 PM

واحة الاحزان

عضو مميز ومثالي

تاريخ التسجيل: Mar 2004

المشاركات: 314

الخيانه نقيض الحب
ولايمكن ان تجتمع واياه تحت
سقف واحد..
وان اردتي ان تقربي المسأله الى نفسك..
فتخيلي ان الزوجه هي الخائنه وتدعي حب
زوجها هل يمكنك تصديق ذلك كإمرأه.
لكن توقعي اي شيء من خائن الكذب عنده
كنفسه..
عافانا الله مما ابتلاهم.

23-05-2006, 11:21 PM

wanash

عضو نشيط

تاريخ التسجيل: Aug 2005

المشاركات: 104

يمكن مريض نفسيا

والسبب التناقض اللي هو فيه

23-05-2006, 11:46 PM

حارس الازواج

عضو مميز ومثالي

تاريخ التسجيل: Jun 2005

المشاركات: 596

الحب مكانــه ... شرايين القلب ..أي في منتصف الجسد تماما ..

والخيانة مكانها.. الأعضاء التناسلية.. أي في طرف الجسد السفلي ..

وبالتالي فهم لا يجتمعون أبدا في حيــز واحــد وفي بقعــة واحدة من جســد الرجــل !!!!

الرجل عندما يحب .. يحب بقلبه ..

وعندما يخون .. لا يخون بقلبه .. وانما يخون بأطراف جســده ...

23-05-2006, 11:48 PM

ورد البحرين

عضو دائم

تاريخ التسجيل: Mar 2006

المشاركات: 94

بالمختصر المفيد,, هذا الرجل ما يعرف الحب, ولكنه في نفس الوقت يحب راحة باله..

قدام الناس لازم يكون مظهره كامل زوجة وبيت وما شاءالله حياة زوجية سعيدة للآخر.. وهذي كلها صورة.. لكن بينه وبين نفسه يعرف انه مجرد خائن وانه مجرد انسان يحب التلاعب بمشاعر الآخرين.. بدلعه برقته بأسلوبه الحلو يخلي زوجته ما تشوف خيانته.. هذي كلها حركات حق تزيين الصورة..

بالنسبة لي عندي انه الزوج لو كان يقسى على زوجته قد ما يقسى اهون من انه يخونها ويجرح انوثتها وكرامتها.... ما اقول إلا الله يهدي الجميع..

24-05-2006, 07:44 AM

soo_soo

قلب المنتدى النابض

تاريخ التسجيل: Apr 2006

المشاركات: 1,171

لما قريت كلامك تذكرت قصيدة الأمير عبدالرحمن بن مساعد

أنا مدري وش أحساسك
ومدري وش تضنيني
أنا الصادق في عينك كنت
وصرت الكاذب الخوان
أنا أخطيت ما أنكر ولا في عذر يكفيني
سوا أني أحبك حيل واني دايم أنسان
أنا أدري بمدا جرحك
وادري الحظ جافيني
يطول الوقت ما أخطي
وإذا أخطيت كل شي بان
أنا شفت الزهر مايل
وظنيته يناديني
قطفته...يوم ضميته..لقيته للأسف ذبلان
عرفت أنك زهر عمري
عرفت أنك بساتيني
وغيرك قيض مايروي .. سراب يشقي العطشان
أنا لو ماحصل ماكان وشهو الي يدريني
بأنك ماسواك أنتي..سكنتي القلب والوجدان
أنا أسف علي اعذاري
عجزت ألقا عذر فيني
يليق بغلطتي في حقك ويرجع كل شي كان
أحبك كثر أخطائي
وادري أنك تحبيني
وادري لو تفارقنا فلا نقدري علي النسيان
أذا تقوي علي فراقي وبعدي عنك... خليني
أنا مليت من دور الكرامة
ولعبة الغفران
قليل العمر ياللي انتي دموعك ماتساويني
حرام انه يضيع فراق
هي من قلها الأحزان؟؟

فعلاً شيء غريب .. تناقض في المشاعر..
او ان الرجل يحب التغير ولا يتحمل ان يكون لامرأه وحده..

التعديل الأخير تم بواسطة soo_soo ; 24-05-2006 الساعة 07:46 AM

24-05-2006, 09:07 AM

انا صالح

عضو نشيط

تاريخ التسجيل: Apr 2006

المشاركات: 110

ضعف الوازع الدينى هو اهم سبب

24-05-2006, 09:22 AM

#10

nonwa

عضو دائم

تاريخ التسجيل: Apr 2006

المشاركات: 98

انا اعتقد فهالحالة يكون الرجال يحب بس الخيانة من طبع الرجال ( مش كلهم بس اغلبهم )

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه