|
شنو برأيكم التفسير لهذا الرجل؟؟؟
السلام عليكم ورحمه الله وبركاته
اخواني واخواتي بسألكم ابي اعرف التفسير للرجل اللي يخون زوجته وهو بنفس الوقت يحبها .. يعني كثير ما نسمع ان الرجل يموت على زوجته ما يزعلها يدللها يسوي اي شي لمجرد انها ما تستحمق او تزعل ... لكن بالنقيض من ذلك يكلم غيرها ويحب غيرهااا ويطلع مع هذي وهذيك ..................؟؟؟؟؟ شنو تفسير هذا برأيكم؟؟؟ تحياتي اختكم احبك حبيبي |
خائن !!
ما يبيلها تفسير غير كذا حتى لو حب زوجته و دللها هذي تعتبر خيانه |
كتيرا ما اقول في حياتي الانسان اللي يحب مستحيل تماما يطلع لانسانه غيرها
يعني هو ليش يطلع على غيرها مشان حلوة ...فالانسان اللي يحب عنده محبوبته ملكة جمال العالم حتى ولو كانت اشبه ب....من وجهة نظري لا يمكن ان يجتمع الحب والخيانة في قلب واحد ومهما كانت الاسباب ومهما كانت مبرراته الا ان الخيانة بحد ذاتها سكين يمزق اي رابط في الحياة فبالله عليكم كيف يعني لو اجت الخيانه من احد اهم ركائز الحياة الزوجية....الزوج كيف يمكن لعينه تنظر لغير زوجته بالنسبة الي هذه المسألة ما فيها نقاش بالمرة ..........وممكن الاخوان يخالفوني في وجهة نظري عابرة سبيل |
الخيانه نقيض الحب
ولايمكن ان تجتمع واياه تحت سقف واحد.. وان اردتي ان تقربي المسأله الى نفسك.. فتخيلي ان الزوجه هي الخائنه وتدعي حب زوجها هل يمكنك تصديق ذلك كإمرأه. لكن توقعي اي شيء من خائن الكذب عنده كنفسه.. عافانا الله مما ابتلاهم. |
يمكن مريض نفسيا
والسبب التناقض اللي هو فيه |
الحب مكانــه ... شرايين القلب ..أي في منتصف الجسد تماما ..
والخيانة مكانها.. الأعضاء التناسلية.. أي في طرف الجسد السفلي .. وبالتالي فهم لا يجتمعون أبدا في حيــز واحــد وفي بقعــة واحدة من جســد الرجــل !!!! الرجل عندما يحب .. يحب بقلبه .. وعندما يخون .. لا يخون بقلبه .. وانما يخون بأطراف جســده ... |
بالمختصر المفيد,, هذا الرجل ما يعرف الحب, ولكنه في نفس الوقت يحب راحة باله..
قدام الناس لازم يكون مظهره كامل زوجة وبيت وما شاءالله حياة زوجية سعيدة للآخر.. وهذي كلها صورة.. لكن بينه وبين نفسه يعرف انه مجرد خائن وانه مجرد انسان يحب التلاعب بمشاعر الآخرين.. بدلعه برقته بأسلوبه الحلو يخلي زوجته ما تشوف خيانته.. هذي كلها حركات حق تزيين الصورة.. بالنسبة لي عندي انه الزوج لو كان يقسى على زوجته قد ما يقسى اهون من انه يخونها ويجرح انوثتها وكرامتها.... ما اقول إلا الله يهدي الجميع.. |
لما قريت كلامك تذكرت قصيدة الأمير عبدالرحمن بن مساعد أنا مدري وش أحساسك ومدري وش تضنيني أنا الصادق في عينك كنت وصرت الكاذب الخوان أنا أخطيت ما أنكر ولا في عذر يكفيني سوا أني أحبك حيل واني دايم أنسان أنا أدري بمدا جرحك وادري الحظ جافيني يطول الوقت ما أخطي وإذا أخطيت كل شي بان أنا شفت الزهر مايل وظنيته يناديني قطفته...يوم ضميته..لقيته للأسف ذبلان عرفت أنك زهر عمري عرفت أنك بساتيني وغيرك قيض مايروي .. سراب يشقي العطشان أنا لو ماحصل ماكان وشهو الي يدريني بأنك ماسواك أنتي..سكنتي القلب والوجدان أنا أسف علي اعذاري عجزت ألقا عذر فيني يليق بغلطتي في حقك ويرجع كل شي كان أحبك كثر أخطائي وادري أنك تحبيني وادري لو تفارقنا فلا نقدري علي النسيان أذا تقوي علي فراقي وبعدي عنك... خليني أنا مليت من دور الكرامة ولعبة الغفران قليل العمر ياللي انتي دموعك ماتساويني حرام انه يضيع فراق هي من قلها الأحزان؟؟ فعلاً شيء غريب .. تناقض في المشاعر.. او ان الرجل يحب التغير ولا يتحمل ان يكون لامرأه وحده.. |
ضعف الوازع الدينى هو اهم سبب
|
انا اعتقد فهالحالة يكون الرجال يحب بس الخيانة من طبع الرجال ( مش كلهم بس اغلبهم )
|
| الساعة الآن 07:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©