السلام عليكم ورحمة الله وبركاته

اخواتي العزيزات حابه انكم تعطوني رئيكم بشغله مهمه اذا سمحتو

انا ولله الحمد تم عقد قراني قبل يومين ماشاء الله تبارك الله وكل شيء تمام

بس الي قهرني ان اهل العريس ارسلو عربية الملكة في حفلة الرجال وكانت العربيه فاضيه
مافيها الا شويييييية عودة خشب و جنيهات فضه و صحن شوكلاته ومصحف

بصراحه انا مرررررررررررره زعلت مااعرف ايش يقصدو بالحركه !!

هما قالو حيجيبو طقم دهب ودبل يوم ملكة الحريم

بس الي اعرفه ان الناس يحطو في العربيه مجموعة عطور وعلبة مكياج ودهن عود واشياء كتير مو يرسلو العربيه فاضيه زي ماعملو

والله فشلوني قدام اهلي

قولولي هل هدا وضع طبيعي ؟؟

وكيف ممكن اصلح صورتي قدام اهلي؟؟ لاني متفشله بصراحه وكمان اخاف ياخدو فكرة عن زوجي واهله انهم بخله ومايعرفو الواجب

خاصتاً اني لاحظت اهلي قالبين عليه من بعد يوم الملكة حتى مايبغوه يجي يزورني ولا يطول عندي

بس ماحبو ينكدوني او يقولو شيء عنه قدامي

ففكرت اني قبل ماانقل العربيه لقاعة الحفله الي حنسوي فيها حفلة الحريم ازود في العربيه شوية اضافات
زي مثلا دهن عود و 5 عطور او اي شيء زيادة

يسير اتفق مع زوجي (بطريقه ماتحسسه بالشيء الي حسويه طبعاً) يرسل احد يحط طقم الدهب جوة العربيه قبل مايجو المعازيم بشويه
وبكدا يفكرو اهلي ان اهل العريس هما الي حطو الاضافات (الي انا حجيبها) مع طقم الدهب والدبل


رجاء اعطوني رئيكم بكل صراحه في اقرب وقت لان باقي على ملكتي 3 ايام بس

وايش ممكن احط زيادات في العربيه غير العطور ؟ علما ان العربيه 3 ادوار وهيا فخمه بصراحه , لكن للاسف فاضيه

وجزاكم الله خير

عفواً تم تعديل العنوان ليتناسب مع المضمون..

__________________

الف الف الف مبروك عليك ياعروسه :14:



شوفي ياقلبي العربيه اللي اعرفه ماتنحط فيها علبة مكياج يادوب 4 _ 5 عطور او اقل ودهن عود وبخور وشويه اشياء ثانيه

يمكن ماحطوها عشان نسيوها او بيحطوها في ملكة الحريم يكملو باقي النواقص ..


لانو مافي عربيه بددون عطور بس زي ماقلتلك يمكن نسيو او مادمداهم انهم يشترو العطور او انهم يبحطوها في مكلة الحريم ..
واذا ماحطوها في ملكة الحريم .. سوي زي ماقلتي وانتي اتفقي مع خطيبك وكملي الناقص .. بس ان شاء الله ماتنحوجي لدا الشي ..


الله يتمم لك على خير يارب ..

__________________


اللهم فرج كربتي ويسر امري واكتب لي الخير يارب

اشكرك من كل قلبي على ردك وجزاك الله كل خير

انا بصراحه سئلت زوجي عن الاشياء الي حيجيبوها في ملكة الحريم

وللاسف قال بس الدبل والطقم

يعني مو شغلة نسيو او حتى مامداهم

هو اصلا بالقوه وطلوع الروح وافق يجيبلي عربيه للملكة

يقولي اهلي يقولو عربية الملك سارت دقه قدييييمه وبلدي كيف عروستك تبغى شيء زي كدا !!!!!!

بصراحه فاقعين مرارتي الله يهديهم بس

هل تتوقع لو زودت عليها عطور ودهن عود يكفي ؟؟ او ازيد شيء كمان؟؟

وماحيشكو اهلي كدا؟؟

__________________

ياقلبي ترا حتى انا لمن جابولي العربيه بس كانو حاطين فيه عطرين .. صحيح زي ماقالو ترا صارت دقه قديمه بس ايش نسوي ..


خلاص اذا انتي منزعجه من دا الامر وتبغى تصلحي موقفهم قدام اهلك حاولي تتفقي مع خطيبك وتجيبي العطور .. بس اخاف هوا يتضايق وتتغير نظرته في اهلك ... او اهلك يحسوو بشي .. عرفتي كيف ؟؟!!


طيب ليه متسأليه بطريقه غير مباشره .. يعني مثلا تقولي .. العربيه ناقصها شي ؟؟ لو قالك لا .. قولي اها احسب لانه ماني شايفه فيها عطور وغالبا عربيات الملكه تكون فيها عطور ..

يعني زي كدا ..

__________________


اللهم فرج كربتي ويسر امري واكتب لي الخير يارب

الف الف مبروك الله يتمم لك بالف خير
تشاوري مع زوجك وتم اخواتك الله يوفقكما

__________________

	ربي لا تدرني فردا وانت خير الوارتيين

لا تكبرين السالفه
يعني سعادتج راح تنعكس في العربيه؟

حطي من عندج ما فيها شي

__________________

الله يهديك ياحلوه أهتمي بزوجك وطريقة معاملته لك ولا تلتفتي لهذه الامور التافهه
ولاتنسي أن أهل زوجك هم أهلك ولهم الفضل عليك اذا كان زوجك طيب
وأكسبيهم لصفك أحسن لان الرجال يتغيرون بعد الزواج
والله يتمم لك ويسعدك..................

بصراحة مافهمت شو هي عاداتكم في العرس..

يعني عربية وفيها عطور ومدري ايش .....!!!!

أحس فيها تكاليف زيادة عن اللزوم ....

اتمنى لكِ التوفيق

__________________
... لم تخلق المرأة من رأس الرجل لتتكبر عليه ... !! ولا من رجله ليحتقرها ..!!
وإنما خلقت من ضلعه لتكون تحت جناحيه فيحميها ..!!

المهم التوفيق ولايهمك الامور -ياما ناس تزوجوا ببساطة وعايشين سعادة ولك في رسول الله قدوة حسنة

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

وعليكم السلام ورحمه الله وبركاته


الف الف الف مبروك

عزيزتى لازم تتكلمى مع زوجك او خطيبك بصراحه لاكن بأسلوب

بس مو تشترى الاشياء الى المفروض عليهم من عندك وتعوديه من البدايه على الاعتماد عليك

ولاتستعجلى يمكن نسيوها ويمكن لك مفاجأه ويمكن بخلا لازم تذكريه

الله يعين بس لاتزعلى نفسك على عطور ومكايج

انا عربيه ولد زوجى حطيت فيها عطور ومكياج وعبايع وقميص نوم وعوده ومصحف وجنيهات فضه هذا الى اتذكره

وهذا الى المفروض ينحط

صح على قول العام دقه قديمه بس الى الان الناس بتجيب عربيه وبتهتم فى الموضوع

الله يوفقك لكل خير

الله يعطيك العافيه

لك فائق احترامى

__________________
قوس قزح

مماينتشرولايصح
(لاتقولو قوس قزح,فإن قزح شيطان,ولاكن قولوا:قوس الله,فهو أمان لأهل الارض من الغرق)
ضعفه السخاوى وقال الألبانى:حديث موضوع[السلسله الضعيفه2/264]
فلايصح المنع من قول قوس قزح

من رسائل الشيخ محمدصالح المنجد من قناه المجد