السلام عليكم ورحمه الله

اخباركم ؟؟


اولا حبيت اعتذر عن التآخر لظروف خارج عن اردتي وهي الم في اسناني الله يكفيكم الشر تآخر بوضع السفره بوقت مبجر

وثانيا حابه اشكر القائمين ع المنتدى

وبعض المبداعات بالطبخ لاني ما كنت اطبخ قبل نهائيا
وبعض منهن : سحب واندين ومستكيه واظن وحده نسيت اسمها هههههههههه

طبعا توني مبتدئه لي اقل من شهر بالطبخ لان امي ما تحبنا ندش المطبخ حججها كثيره تعرفون الامهات وشلون يدلعن بناتهن

المهم هذي سفرتي وبعد جدال مع امي الا اليوم اسويها وقالت ماكو لا تخلينا من دون فطور ههههههههههههههههه بالاخير رضت وتسمع صوت تشك تشك تقول بس يا عز الله ما اكلنا شئ ودعت ع الكلم تخرب

بس اللي خرب هي جت اختي ترسل صور التفاصيل ومكونات الطبق وامسحتهن وبقت الصور النهائيه

لكم الصورة والمعذره آآسفه ع سوء التصوير والتقصير

:14:





هذي بعض الاطباق لان احنا نسوي اطباق نرسلها مع اخوي لناس في المحلات ما يمديهم يروحون لاهلهم واللي ما عندهم اهل بس الصور انحذفوا بسبب اختي لا تخافون عاقبتها عشان عنونكم

كانت هذي سفرتنا وكل طبق كامل مالي وقت احط بصحون مثل العاده اذن وجبت ع عيله وحطيت كل الاطباق بكاملها والملاقيف ما الحق اصور صورت بسرعه عشان لا يخربون كل شئ

الاطباق المعروض عباره عن

خبز عروق + محاشي + كنافه بالقشطه + تشيز كيك بارد + بيتزل + قيمات + بسبوسه + سلطه


واللي ما عرضتها خبز باللحم المفروم
الطبق الاول محاشي ::




الحشوه
مكوناتها :

عيش عادي ( ارز) قلاص + راس بصل + بقدونس + فص ثوم + لحم مفروم + بهارات منوعيه + فلفل اخضر رومي + طماطم + فلفل اسود مطحون رشه + رشه ملح + مكعبه ماجي + معجون طماطم + زبيب (كشمش )

اللي حشيتهم

بذنجان + كوسا + فلفل + ورق عنب

حسب عدد العايله


طبعا بعد ما نحشيهم نحط الورق عنب تحت والباقي فوق








نحط فوق المحشي بعد ما نخلص ملح وشوي خل وفلفل وزيت ومعجون مطاطم اامي تقول لازم نضيف مكعبه ماجي يطلع احلى انا ما ضفت

نخليهم ع النار نص ساعه الا ساعه الا ربع وبسس انا خليتهم نص ساعه والباقي ع البخار وطلع الحمدلله بس امي قالت ما استوى وخلته ساعه الا ربع تفتت الورق




هذي علبه عشان اخوي يوديهن يفطر الناس

الطبق الثاني :

بيتزا

العجين :

3 كأس طحين (دقيق) +ملعقه بكنج باودر + ملعقه خميره +نصف كأس زيت + 4 ملاعق حليب جاف + رشه فانليا


الطبقه اللي فوق

طماطم + فلفل رومي + معجون طماطم + زيتون اسود + جبن مازيلا





ندخلها فرن ما يكون عالي مثل ما سويت انا خليت المكرويف ع درجه 180 امي رفعت درجة الحراره الى 250

طبعا ثلث ساعه ودرجه الحراره 150





البسبوسه :

سميد + اصبع زبده + قوطي روب


نرص العجين بالصينيه ونقسمها ونحط عليها الفستق

نص ساعه ع درجه حراره 200 ونطلعها



ونحط عليها عسسل بس نطلعها عشان تتشرب فيها



خبز عروق :

بقدونس + حبه بطاط + رشه ملح + رشه فلفل اسود مطحون+ فلفل اخضر رومي + كوب طحين +طماطم + بهارات + رشه بكنج باودر


الطريقه

نخلطهم ويا بعض نخليهم ربع ساعه

نحضر زيت ع نار مرتفعه ونقليهم عدل





فاصل قصير

السلطه طبعا معروفه وانا احب اكثر لها خل وفلفل وليمون




لقيمات :


استخدمت الطحين الجاهز وبالعاده امي تسويه بالبيت تقول افضله

طبعا فرغت علبه الطحين ومع خميرتها خلطتهن مع شوي ماي

طبعا امي عاتبتني لان ما اضفت شوي روب وما ادري ليش الاهم ما اضفته






خبز باللحم المفروم:

المقادير

لحم مفروم + كرفس + فلفل رومي حلو + فلفل اسود مطحون+ خل + ملح + بهارات منوعه + جبل كرفت سائل


الطريقه

نخلي اللحم يفور لين يستوي ونحمرة مع البصل ونحط فيه باقي المكونات

اقطع خبز مثلثات واحط جبن كرفت سائل بالوسط واحط الحشوه ونقدر نضيف سلطه للخبز



تشيز كيك




المكونات :

بسكوويت شاي
اصبع زبده
2 كريمه دريم ويب
جلاتين
جبن كيري باكيت 8 حبات
قشطه
فانيليا
كوب سكر

واختي عوبه حبت تضيف شوي كوكاو باودر عشان اللون


الطريقه

نطحن البسكويت

ونخلطه مع زبده ونرزه بصينيه التشيز

وبعدها نجيب كريم دريم ويب مع قشطه

ونخليه يخلط لين يصير جامد شوي

ونضيف باقي المكونات ولا ننسى الجلاتين نذوبه بماي حار وحطه فوقه

ونخلطه بالخلاط لينن يصير ثقيل

نحطه ع البسكويت وحطه بالثلاجه

يفضل تركها لمده 4 ساعات بس تركتها انا ساعه لان ما معاي وقت وقتها










السموحه ودعواتكم لي بالشفاء العاجل لان ظرسي يعورني حده

تسلم دياااااتك

سفرتك حلووووه ومرتبه هذا وانتي مبتدئه ماشاءالله عليك
تسلميييين خيتو بس عندي سؤال البسبوسه ماتحطي فيها اضافات ثانيه بكنج بورد بيض قشطه بس هذي طريقتها

__________________
وعند الله لاتموت الامنيات

هلا يالغلا

الله يسلمج من كل

اهئ اول بدايه قبل تقريبا شهرين بس انفجر الفرن علي خفت وسحبت بعدها تشجعت يوم شفت اطباق بعض الناس <<<هع تتحرش البنت


والله اختي وامي قالن لي كذا طريقه

سميد روب وجوز هند وزبده
او
سميد وقشطه وجوز هند وزبده

او

نستغني عن الزبده سواء سوينا بالروب او القشطه

انا جربت القشطه قبل جم يوم طلعت لي احلى من الروب لان القشطه دسمه اكثر ومع الجوز هند يطلع ميه ميه ان شاءالله


تسلمين يالغلا نورتينا

بسم الله ماشاء الله

سفرة و لا اروووع


يابخت العريس

عليكم بالعافية حبيبتي

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

ما شاء الله

سفره دايمة

والله يعطيك العافية ما قصرتي

وما تشوفين شر عسى أسنانك أحسن الحين

ماشاء الله تبارك الرحمن

مبتدئه وكل هالسفرة الراائعة

ايش رح تعملي بعد كم شهر كمان ؟

حفله اكيد

موفقة ان شاء الله

ماشاء الله لاقوة الا بالله
سفرة عامرة ودايمة يارب
بس صدقيني أهلك راح يطمعون فيك بعد هالسفرة ههههههه

__________________

((لا إلــــــه الا أنت سبحانك إني كنت من الظالمين))

ماعليك قصور يافيتوو
ماشاء الله عليك
تسلم أيدك السفرة شكلها يشهي بالذات البيتزا

الله يشفيك لابأس طهور أن شاء الله

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

ماشاء الله روووووووووعه

تسلم ايدك حبوبه

__________________