قولي الحمدلله .. ان هذا الزواج ما نتج منه اطفال يتقطع قلبك عليهم 24 ساعه

ايش اللي صار .. تطلقتي عااادي .. ما تدرين يسوق لك الله ابرك منه ..

تأملي سوره الكهف .. لما خرقت السفينه كان موسى يظنه دمر سفينتهم بدون فائده لكن جعل الله فيها الخير المثير على يد الخضر ..والقصص تتوالى

طلاقك من طليقك امر الله .. ووالدك فقط ساقه الله ليجبرك

يا غاليتي .. ارضي من الداااخل ... تجربه وولت .. وصدقيني الله بيعوضك خير. ..

انا تطلقت وعندي اطفال .. قلبي متقططططع عليهم وفرصي اكيد اقل كون عندي اطفال

وووو .. لكن ظني بالله كبيييير .. بيزوجني ان شالله تاجر وسيم سيارته روز رايز 😂

اقول لك شيء ...

وربي الحمدلله بحسن ظني بالله ودعائي .. الله حقق لي احلام كثيره مستحيله وخصوصا بوضعي الحالي.. لكن ربي ما عرفناه الا كريم رحيم فقط احسني الظن به وادعي


عدي مرحله ابوي زوجني ... اتوقع ان شخصيه ابوك ككل ما تعجبك .. لذلك انتي ساااخطه او فيه احد غيرك ينتقده فؤثر ذلك على نفسيك عليه


كل ما جت الافكار ببالك وابوك عندك استعيذي من الشيطان

__________________
أعلل النفس بالآمال ارقبها .. ما أضيق العيش لولا فسحة الأمل

شوفي يا حبيبتي ابوي انسان دايم صح يشوف نفسه
ودايم اذا تناقش مايقتنع الا بكلامه ، واذا حصل وماجا الشي ع هواه
اقصد ماضبطت وجهة نظره او غيرها قال انا ماقلت هالحكي !!

معطينا مساحة من الحرية بدراستنا،بوظايفنا ويعين ويعاون الله يخليه
ولكن تعالي بأمور زواج بأمور ينظر لها المجتمع يجيك التخبط
حاله مثلا انا ما أجبرك على دا الرجال بس ابقنعك لين تقولين اوك موافقه

فعلا انا مادري وش أُوصِّف شعوري تجاه ابوي
لكن انا احمل شعور غير جيد هذا ما اعرفه ، لست اكرهه وأدعو له دائما بطولة العمر واخاف عليه من كل شي ولو بيدي عطيته من صحتي
لكن لايمكن انسى كل ماحدث ، لا ادري ماهو شعوري ولا ادري لما وكل ماقلت ادري أظل مشككه
اتذكر مره قلت له اني وثقت فيكم ، ومن كبر ثقتي احسكم لعبتو علي 😊
والحقيقة اني لا اثق فيهم كثيرا في امور الزواج ربما لاني سمعت منهم مالا يسرني
ورأيت
مثلا اول ماخطبني طليقي ،يقول اخوي ابوه تاجر !! وابوي مثل!! قلت مايهمني اذا ابوه تاجر
اهم شي الولد وشو ، بعد الزواج طلع لا ابوه تاجر ولاشي
ثانيا قالو لي الولد مقتدر ببسكنك في دور كامل !، طلع الولد زيه زي اب شاب بيسكني بشقه ليش الكذب يعني !! عادي ترا تكون صريح
ومرا خطبني رجل أرمل وعائلته ماش ، كانو يتناقشون عن قبولي او رفضي قال اخوي يبه بس خلها تتزوجه تجيب لها طفل بنت والا ولد واذا طلق بكيفه خل يطلق!!! والا يبه ،قال الا صادق
ههههههههه حسبي الله عادي عندهم تطلق البنت المهم الأهداف اللي يحطونها تتحقق
بالله كيف اثق فيهم!!
يعني تخيلي طليقي خطبني وكان عاطل ورفضته لانه عاطل (وكنت اقول الوظيفه مهمه لو راتبه 50000 موب معقول غير موظف) كان مهمممممش هالسبب مره ، ويوم خطبني موظف قال وموظف وراتبه عالي !!!!!!
حدد موقفك
كيف اصدق ان ابوي فعلا يرى الرجل المناسب لي وناصح امين
مو ناصح وكل يوم له راي

واذا تكلم عن الدين 🤓، انا والله اقراء في الدين وفهمي له عميق
وبصراحة لا اكيفه على التفسير فقط اخذ العقل والمنطق
وأكثر جدالنا حول امور الزواج
يعني مثلا ابوي يقول في زواجي كن طليقي ( البكر تستأمر والثيب تستأذن)
قلت كمله واذنها سكوتها ، انا سكت يا ابوي والا قلت لك لا؟؟
يقول الشرع يقول اذا اتاكم من ترضون دينه وخلقه ف زوحوه انا سويت اللي قالي الشرع
والله مادري وش حكم الله على مافعل ابي من إقناع زايد ، بس انا افهم الدين والخلق ليست بالشكل المفهوم ، ليس لان دينه الاسلام ولأنه بشوش الوجه يستحق ان يزوج
المسأله أعمق لمن اراد التدبر ، الدين والخلق تدخل كثيرا في التكوين الاجتماعي للفرد فتؤثر عليه في تعاملاته ، وكلنا له توجه في الدين وسمات في الخلق تتناسب مع الاخر واُخرى تتنافر وتسبب الخصام
لما قلت له راح اخضن أيتام زعل واتهمني اني اروح للحرام!، وأظنها زلت لسان
لكن قلت له ان الشرع يحث على رعايتهم قال تبين ترعينهم تصدقي عليهم
قلت اعظم للأجر ان اوفر لهم حياة كريمة
قالي وكيف تدخلين ناس غرباء وتعيشين معاهم ، قلت من قالك ارضى ادخل غرباء انا راح ارضعهم ، قال ترضعينهم من وين ؟؟ قلت اكل حبوب مدره للبن وأقدر ارضع!!
قال هذا كلام فاضي وانتي "تتلاعبين" بالدِّين
لكن الحقيقة لست اتلاعب بالدِّين ، هذه فتوى سمعتها بنفسي ومعروفه لايشترط ان يكون لبن المرأة وثب عن حمل حتى تستطيع الإرضاع ويرتب الإرضاع احكامه
وماصدقني بغيت ارسله الفتوى ولكن لافائده من ذلك حتى ان الوقت مبكّر جدًا ان اعزم للاحتضان واحسست ان ارسالي لها كأني أبغى اتهاوش معاه .. وانا مابي اتخاصم كفايه الخصام اللي يصير

والله اني تعبت ، واخاف اني ظلمت ابوي
واخاف من الحسافة،
ولكن لو جلست افكر اكثر بيني وبين نفسي والله
احتقن اكثر عليهم ، واشعر انهم فحطو في حياتي وخربو الشوارع وراحو