امي صحيح انها ماديه .. بس مب لجمع المال فقط .. امي تقارن نفسها بخالاتي يعني خواتها .. ماشاء اله خالاتي عندهم خير لانه ازواجهم الله منعم عليهم من فضله والحمدلله .. اما ابوي فحالته الماديه على قد حاله .. لذلك هي تسوي اي شي بس تصير من مستوى خالاتي .. مشكلتي امي بعد في المقارنات .. اتقارن بينا وبين بنات خالاتي .. وللاسف في من بنات خالاتي مثل السوس .. في القروب العائلي دايما رسايلهم كلها لامهاتهم عن الحب وغيره وان الام هي اساس كل شي ورضاها فوق رضى اي حد ثاني .. وفي كل مناسبه يجيبون هدايا .. وامي تشوف .. واحنا ما نشتغل بس عشان نجاريهم نطلب من ابوي .. وبعد ما اختي اشتغلت صار عليها تجيب هدايا وغيرها .. نحن مانبي نحسس امي بعد انها اقل بس كل شي له حدود ..

في النهايه انا مابي اشتري رضا امي بفلوس .. مو حلوه بحقي ولا بحقها والا انتوا شرايكم .. يعني هديه ممكن بس انه مبلغ مالي واشوفها صعبه ومو شي بحق امي ..

امي صارت اهدا الحين .. صحيح انه صارت البارحه بالليل مشاده بيني وبين اختي في قروب الواتس اب .. بس امي في النهايه قالت انا والله مادري شو صار عليكم يمكن عين ما صلت ع النبي او ازواجكم او مادري منو .. بس اتمنى تتصافون انتوا خوات ومالكم غير بعض ..