المشكلة مو في المبلغ الا ترميه في فمه وتسكته المشكلة انه يطمع في الزيادة كل مره تسكته بمبلغ طمع في اكبر منه مثلا هي تقول اتفقت تساعده ب 3000 شوفي كيف طمع وطالب 5000 والا تروح بيت اهلها يعني هو مثل النار هل من مزيد ....... بالإضافة الى انها ذكرت ان راتبه يغطي مبلغ الإيجار والمصاريف بس هو يوزع فلوسه مره لاخوه ومره ما ادري لمين المفروض بيته اولى والباقي يعطي اخوه او اهله الا يبغى ...

من وجهة نظري خليك على موقفك اذا تنازلتي راح تتنازلي كثير وكل مارفضتي تدفعي بيقولك مع السلامة روحي عند اهلك وبأسلم الشقة ....

لازم تشتغل عليه ذكاء الأنثى وكيد نساء بدون تصادم ومواجهة يعني الحرب خدعة لازم حتى تسلم منه والمسايسه المفبركة والله تقدر اذا جندت نفسها لذلك
طيب صممت على موقفها وحقد عليها بزيادة وذهبت لأهلها وصار إخوانها يستغلونها قولي ويش الحل بنظرك!!!؟؟؟
من استغلال للاستغلال بس الفرق ان زوجها ربما مصالحها معه وتعيش حياتها معه وتقدر تدخل وتخرج منه اما إخوانها كيف تتعمل معهم وتدخل وتخرج منهم !!!!؟؟؟؟؟
ترى هي من مشكلة لمشكلة !!!؟؟؟.

اسمحي اقولك من تجربة شخصية انا بعض المرات أحلف يمين اني ما ادفع في الشئ الفلاني وأصر على كلامي والله انه يزعل يومين بعدين يتراجع ويدفع من نفسه ولما رجع الموقف مره ثانيه خلاص توبه مايطلب بشكل مباشر يلمح من بعيد لبعيد واطنش ويظطر يدفع ويبدأ يتعود <<< انا شخصيا فادت معي هذي الطريقه في الانسحاب التدريجي من المصاريف كمان بعض المرات تحن نفسي عليه وأعطيه لكني مايمر بعدها شهر شهرين الا وانا اخذت المبلغ بطريقة ثانيه من غير مايحس ....

اخواني ماعمرهم مدو يدهم لي وطلبوني ريال حتى لو هم محتاجين .. احنا تربينا على عزة النفس وزوجي على النقيض تماما احس ماعنده عزة نفس ابد

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

انا ياختي لم اقصد إخوانك بالذات انا كلامي بشكل عام لكن صدقين اذا جئت عندهم وانت موظفة يكثر الشاره عليك حتى اذا ما طلبوا من اول واحد منهم يحتاج مبلغ ويبحث عن احد يدينه يبكون نظره عليك لانك اخته المفروض توقفي معه
زوجك يا عمري مراده زوجك يعني تعرفي مين تدخلي له ومين تخرجي منه !!!!!'واللبيب من الإشارة يفهم !!!
مصالحك كلها معه ويظل زوجك مهما حصل وكان