زوجي واستغلاله المادي لي
 

السلام عليكم
رجعت لكم بعد فترة هدوء مع زوجي.. هالمرة المشكلة على الايجار

كان لي فلوس عند أحد المكاتب العقارية بعد مامن علي ربي واشتريت ارض بقرض من البنك طبعا رجع لي 5000واحنا اتفقنا قبل اني اساعده ب3000ناقصته في الايجار مع ان راتبه الحمدلله تحسن ويغطي الايجار واقساطه ومصاريفنا بس صار يلعب فيها ويساعد اخوه وكذا .. المهم جاء اليوم يقولي باخذ الفلوس وازيد عليها من راتبي وادفع الايجار قلت له ليش مو اتفقنا اساعدك ب3000قال وال2000من فين اجيبها قلت مو كانت معك وين راحت قال كانت وباقي بسدد فلان وسدد مخالفات مرورية وكذا .. قلت ماعندي الا3000قام زعل وقال وانا سداد ديوني اولى عندي من الايجار بسلم الشقة وخلاص قلت سلمها .. قال انتي مابتعقلين الا لما تقعدين عند اهلك وبعدها افكر اطلقك ولا ارجعك في بيتك بدون وظيفة قلت ماعاد يمدي حطيت علي ديون ماعاد اقدر اخلي الوظيفة .. قلت له عيب عليك والله مافي رجال يقول لزوجته تصرف عليه وتدفع ايجار.. بس انا استاهل عودتك من اول زواجنا.. قال لك اسبوع تدبرين عفشك وبسلم الشقة لصاحبها قلت ابشر ان شاءالله،،





تم تغيير العنوان ليتناسب مع المضمون

مستجدات بالرد 128
http://www.66n.com/forums/showpost.p...&postcount=128

رد: مشكلةجديدة
 

استمري لا تخضعين ابدااااااا ولو تناقش وحب يستفزك لا تتكلمين خليك على الصامت لانه بيحاول يفور دمك الان

رد: مشكلةجديدة
 

نعم انا مع هذا الرأي

رد: مشكلةجديدة
 

يبي يسلم الشقة لانك مابتدفعي؟؟؟ اساسا المفروض بالايجار ماتدفعي ريال واحد لازم يتحمل مسؤلية السكن كامله مو بكل شي بتساعديه خليك على موقفك

رد: مشكلةجديدة
 

استأذنت منه لزيارة والدي مع اخوتي واوصلني بيت اهلي الظهر واخبرني قبل قليل بانه مسافر لاهله وهم في منطقة بعيده فقلت له بالسلامة والمبلغ المالي اللي عندك امانة لديك اقصد به مبلغ5000اللي اخذه امس من المكتب العقاري

رد: مشكلةجديدة
 

احبه حبيبي
انتي عودتيه من البدايه
وخلاص الوحده تشوف زوجها عينه على فلوسها
ليه تخليه في مجال للمشاكل
كان ما بلغتيه باي تحركاتك الماديه
وفلوس العقار ارسلتي واحد من اهلك يجيبه
واصلا شراء الارض يكون عن طريق اهلك اريح
لان بعضهم يقول انا تعبت انا ركضت لك يله عطيني الفلوس
خليكي احسن منه
ولاعاد تساليه عن الفلوس
وهو و ضميره
وثاني مره لا تشاركي واخفي عنه كل تعاملاتك الماديه واستقلي عنه
اذكر نصحتك قبل وزعلتي مني
قلتي زوجي وانا ابخص فيه واحبه وبعطيه
كان الموضوع كان خاص بشراء سياره
انا مع المساعده لكن الزوجه تشيل حتى ايجار البيت عيب

رد: مشكلةجديدة
 

المشكلة اخواني مايعتمد عليهم بهالشي ولا ماكان احتجته بشي .. لو اخواني يعتمد عليهم كان تركت له البيت من زمان بس لو تطلقت وجلست في بيت اهلي ما احد بيدري عني او يقضي اموري هذي مشكلتي وصرت بين نارين

رد: مشكلةجديدة
 

مسكينات الموظفات
الكل بياكل منها حته
بس كان طلعتي حجه للخمس الاف
بعمل اسناني
عندي مواعيد ليزر وبشره
حاجات نسائيه
فحوصات
طلعتي مليون حاجه لها

رد: مشكلةجديدة
 

وعليكم السلام ورحمة الله وبركاته..
الله المستعان، أصري على موقفك ولا تعطيه زياده وهكذا مع مرور الأيام قللي، هو الرجل من يصرف ويتحمل المسؤولية
أما طلبه بهذه الطريقة كيف سمح لنفسه!!
ولا تستجيبي ل تهديداته فقط يضغط عليك.
فرج الله همك.

رد: مشكلةجديدة
 

عندي مبلغ كبير غيره لاني طلعت قرضين واحد اشتريت فيه الارض وواحد قلت ابني فيه الارض عشان نفتك من الايجار بس بعد فعلته اليوم ببني الارض شقق واستثمرها والايجار من مسؤولياته واذا ماعنده قدره يبلغ اهلي وانتهينا