يااخوان لاتلوموني انتم ماتدرون عن قصتي معها الله يهديها بس
انا نزلت موضوع سابقا وشرحت كل شي واغلب اذا مو كل الاعضاء استغربوا وبعضهم نصحني اتزوج واتركها الخ من النصائح
انا اقسم بالله كنت اعزها واحبها لكن حسبي الله على من قدر يلعب عليها ويغيرها علي وقلب حياتنا فوق تحت
لاتظنون اني ناكر للعشره الواحد لو عاشر تكرمون حيوان كم شهر راح يتعلق فيه ويحزن على بعده وانا عاشرت انسانه وبيننا عيال ومواقف كثيره وتشاركنا بافراحنا واحزاننا لكن الله يهديها طاوعت كلام الناس فيني وصرت انا بعينها ولاشي مجرد بنك متنقل لااقل ولااكثر كنت احسد الناس اللي زوجاتهم تتصل عليهم وتسالهم وينك والا متى تجي والا اشتقت لك تسافر عند اهلها بالشهور حتى اتصال قولت وشلونك يافلان مافيه ماتدري انا حي والا ميت اي شي مني ماتشوفه بعينها مهما اهديت ومهما اعطيت انا ولاشي والشي اللي من غيري ياكبره ويازينه بعينها عيالي تكرهم فيني وتعطيهم صوره عني اني بخيل عليهم وانيي واني تعبت من كل شي تعبت من كثر مااحاول اترضاها واتودد لها حتى صعبت علي نفسي
تعبت والله تعبت حتى النوم كنت ماانام الا بمنوم مع اني ارجع من عملي هلكان لكن مااقدر انام
وعشان كذا قررت اني احط حد لهذا كله ولما شفت ان مافيه فائده في اصلاحها انفصلنا عاطفياً لان اصلا العاطفه ماتت بيننا