|
اشك في زوجتي
السلام عليكم ورحمة الله وبركاته
انا رجل متزوج من حوالي 18سنه وزوجتي عمرها حوالي الاربعين وانا اصغر منها بسنتين مشكلتي هي في شكي بزوجتي مع اني كنت اثق فيها ثقه عمياء لكن تصرفاتها اصبحت غريبه ومريبه اصبحت تصرفاتها تصرفات مراهقين والمفروض ان الانسان كل ماكبر بالسن ينضج وهيالعكس تماماً اول كانت اعقل من الحين من كل النواحي حتى تدينها تغير كانت متدينه ولايمكن تخرج الا بالقفاز والشراب بدون اي توجيه مني الحين اذا بغت تطلع ارجعها مره او مرتين عشان تغير لبسها او تمسح الكحل الخ لبسها صار غريب تتزين وتتكحل اذا بغت تطلع للسوق او اي مشوار هذا كله كوم وموضوع الجوال كوم ثاني تعلقها بالجوال شي مو طبيعي لدرجة اذا راحت للحمام تاخذه معها! عشان مااشوفه مع العلم انها حاطه رقم سري على جوالها وطلبت منها كذا مره الرقم السري ورفضت تقول هذي من خصوصياتي الغريب اذا دخلت على طول تطلع من من الجوال بشكل مريب حتى انها ترتبك وتقفل بسرعه سألتها قالت عادي مافيه شي قلت ليه طيب تطلعين من الدردشه او البرنامج اللي تكوني فاتحته تقول لاابد عادي حتى انها مرهقالت لي لو موضوعنا يوصل للطلاق لايمكن اعطيك الرقم السري حق جوالي هذا شي خاص فيني ساعات اعدي من الصاله واسوي نفسي اني ماالتفت وانا اشوف تكون على الجوال وتاخذه بسرعه وتحطه تحتها او ورى الجلسه بصراحه حاس انه فيه شي وهالشعور يزيد يوم بعد يوم |
رد : اشك في زوجتي
طيب صارحها واستفهم منها لأن الشك غول كبير يدمر نفسية الإنسان ومافيه حل غير المصارحة ...
|
رد : اشك في زوجتي
ربما والله أعلم أن زوجتك تمر بما يسمى أزمة منتصف العمر
|
رد : اشك في زوجتي
تتزين وتتكحل إذا جت تروح السوق؟
وإنت وش موقفك! مو شرط تكون تسوي شي غلط ماأدري الإحتمالات كثير واﻷفضل إنك تصارحها بشكوكك وتشوف ردة فعلها لكن إنتبه تتهمها بشي بس قولها ﻻحظت تغيير عليك |
رد : اشك في زوجتي
السلام عليكم ,,
أسأل الله أن يربط على قلبك ,, أخي الكريم , أعتذر مُقدماً عن ما سأقوله , وسأكون جريئا في طرحي لمصلحتك , ما ذكرته من أمور مُثيرةٍ للشكِ , سيؤلمك أمرها لو علمتها , فالناس لا تُخفي الحسنَ نهائياُ , قبل أن أطرح رأيي , أُريد أن أسألك سؤالاً , لأن لي فترة لم أدخل المنتدى , أأنتَ من كنت تشتكي تغير زوجتك المفاجئ !! عندما تم ترقيتها إلى مديرة !! ً لأني إن لم أكن نسيت , فهي تعلم عن علاقاتك القديمة , وبدأت تتمادى الآن أكثر , وبدأت تستقل بنفسها عنك وعن أولادك , عموما , سأعود بإذن الله ,, وأحتاج رابط موضوعك القديم ,, موفق ,, |
رد : اشك في زوجتي
صارحها لان الشك بيدمرك
|
رد : اشك في زوجتي
اقتباس:
مافيه فايده |
رد : اشك في زوجتي
اقتباس:
طيب والحل لاني احترت والشك صار ياكل قلبي |
رد : اشك في زوجتي
اقتباس:
لكن يااختي انا مو كل وقت اكون موجود بحكم عملي وانشغالي او سفرها لاهلها يمكن مثل ماتفضلتي اختي انها ماتسوي شي غلط لكن الانسان ممكن يخلي اللي قدامه يثق فيه وممكن يخليه يشك فيه |
رد : اشك في زوجتي
اقتباس:
وياليت ترد على مشكلتي لاني اثق بكلامك ولايهون باقي الاعضاء كلكم فيكم الخير والبركه وياليت يكون بصراحه مهما كان قاسي |
| الساعة الآن 09:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©