اخوي انسان بعلق على نقطتين:
1* بالنسبة للباس والتدين :
الموضوع لا يستحق الشك .. يمكن الموضوع *ضعف ايمان* .. ايمانياتها ضعفت فتشوفها ما تركز على هالامور وحلها بسيط : تشجيعها على حضور محاضرات دينية ..

2* بالنسبة للهاتف :
يمكن صار لها ادمان .. الصراحة مع برامج التواصل .. طبيعي يصير ادمان
اما بالنسبة لسبب عدم سماحها لك بالحصول على الباسوورد فيمكن منزلة برامج الانستغرام والسناب جات
ويمكن صديقاتها ينزلو صورهم .. وما تبيك تجووف

ما ادري .... ما ابرر لها
بس نحاول نحسن الظن وما نخلي الشيطان يدخل لنا بهذه المداخل

.....

على فكرة اخوي الخصلتين اللي ذكرتهم انت في زوجتك تقريبا فيني والتغير الي صار لها صادني
وذكرت لك الاسباب
انا مع العمر ما قمت احاسب على اللباس وايد ... استغفر الله بس هاي اللي حصل
والتلفون احرص انه يكون معاي على طول عشان ما يفكر زوجي يفتحه رغم انه ما عمره فتحه من تزوجنا والسبب مثل ما قلت الفتنة السناب جات
والله اعلم

__________________

نسيت اقولك اخوي
ترى الشك من الشيطاان .. وصدقني لو كانت تخونك فعلا كان ما دلك عليه الشيطان
وزوجتك الله هداها هي اللي فتحت على روحها هالباب
الله يهديكم يارب وييسر اموركم

__________________

اختي انا عندي بنات وطبعا الام قدوه لبناتها اذا شافوا امهم تتزين وتبي تطلع راح يقلدونها وهذا لايمكن اقبل فيه ابدا لامن زوجتي ولابناتي

اما موضوع الجوال اختي مافيه شي اسمه خصوصيه بين الزوجين وبعدين انا اصلا ماني من النوع اللي يفتش بالجوال لكن حركاتها هي اللي شككتني وحرصها على الجوال يحير