السلام عليكم ,,

أخي الكريم , لا أملك أدنى فكرة عن فيتامين د , وأعراضه ,

لذلك , الأفضل إنك توديها مستشفى وتسوي التحاليل , فإذا كانت السبب , الحمدلله , مع العلاج وتتحسن مع الوقت ,

وإن كان الفيتامين تمام , يمكن تراكمات انفجرت مع منصبها الجديد ,

بانتظارك ,

موفق ,,

__________________

وعليكم السلام ورحمة الله وبركاته

هلابك اخوي

اخوي انا طول البارح جالس افكر واحلل واتذكر ووصلت لشي يمكن يكون هو السبب ابي اقوله لك
اخوي انا اول ماتزوجتها كانت شخصيتها ضعيفه جداً فـ حاولت اعدل واصلح من شخصيتها عشان مااحد يضحك عليها او يستغل طيبتها وضعف شخصيتها
وعلمتها متى تقول لا ومتى لازم تكون حازمه وتاخذ حقها وبعد ماترقت بوظيفتها وصارت في وظيفه قياديه مارست دور القياده وشافت نفسها ناجحه
فـ حبت هذا الدور وحبت انها تطبقه بجميع شي يخص حياتها ومن ضمنه البيت وهذا اللي يمكن يخليها تعترض على اي شي انا اقوله
لانها تحاول تسحب مني دور القياده في البيت وهذا اللي اوجد التصادم وخاصة انها حصلت من يشجعها مثل اخوها
مدري هذا تحليلي يمكن اكون خطأ
اما عن التراكمات فـ طبيعي اخوي اني اخطىء ولكن انا ولله الحمد اذا اخطيت على طول اعتذر ومااكابر والمفروض ان الخطأ يمسح بعد الاعتذار
خاصه ان اخطائي بسيطه وماهي كبيره اللي يصعب نسيانها