|
زوجتي لاتهتم بوجودي وتحرض اطفالي ضدي
السلام عليكم ورحمة الله وبركاته
اولا احب اشكر القائمين على هذا الموقع المحترم واسأل الله العلي القدير انه يجزاكم كل خير اخواني اخواتي انا اعاني من مشاكل في البيت واتمنى من الله ثم منكم ان اجد الحل لاني بصراحه تعبت انا انسان متزوج من حوالي 18سنه وعندي اولاد ولله الحمد كنا انا وزوجتي سمن على عسل وهذا مايعني ان مايحصل مشاكل اوخلاف بيننا ولكن كان خلاف طبيعي وينحل بيننا بالتفاهم ولكن مشكلتي بدت من حوالي السنتين تغيرت شخصيتها 180درجه من الضد الى الضد صارت عصبيه الى ابعد حد كلامها غير مهذب معي والادهى والامر انها تتعمد رفع الصوت وافتعال المشاكل امام الاولاد وتحاول تثير المشاكل باي طريقه الى درجة اذا ماحصلت موضوع تسترجع الذاكره لخطأ معين سويته وتفتحه من جديد هذا كله كوم وانها صارت اي كلمه اقولها او اي فعل اسويه على طول تتصل على اخوها وتقوله فعل كذا وكذا وقال كذا وكذا وهو يعطيها التوجيهات ويحرضها تحاول تخلي الاولاد يكرهوني فمثلا اكون رافض شي معين لسبب معين تجي لهم وتقول انا متبرعه بالفلوس ولكن قولوا لابوكم وهي اصلا عارفه اني رافض وعارفه اسباب رفضي ومقتنعه ان الاسباب منطقيه وطبعا الاطفال صرت انا خصمهم بنظرهم هذا غير محاولت احراجي امامهم فمثلا اكون مامعي فلوس لكثرة الالتزامات اللي علي تقولهم روحوا لابوكم وخلوه يشتري لكم كذا وكذا وهي داريه اني مامعي فلوس وقتها والغرض ماهو مهم عشان اروح اتسلف مثلا وطبعا الاطفال مايقدروا هذا الشي ولايعرفوه هذا غير اي امر امر احد اولادي فيه لازم تعترض قدامهم وتكسر كلامي كلمتها كذا مره وناقشتها كذا مره ومافيه فائده بالعكس تزيد والشي الأمر الاهتمام فيني ( صفر ) لدرجة لما تسافر عند اهلها ماتفكر تتصل تسأل عن حالي او انا طيب والا مريض لا ماتتصل الا اذا بغت فلوس لدرجة لما اشوف رقمها تتصل اعرف ان الموضوع فلوس حاولت معها كذا مره حاولت اللطف الجو واجيب هديه مثلا مااشوف حتى ملامح الفرحه مهما كانت الهديه كل وقتها ماهو لي ولا للبيت ولاحتى حتى جز من وقتها تجي من العمل تنام الى المغرب وتصحى تشتغل واذا خلصت من شغلها جلست على الواتس اب حتى تنام وعلى هذا الحال اذا جيت عندها ولاكاني موجود حتى اطفش واروح للمجلس اتفرج على التلفزيون والا على النت او اي شي فعلا تعبت الى درجة حتى النوم صرت ماانام الا بحبوب منومه مع العلم ان عملي مرهق جدا ساعات اقول اصبر عشان عيالي بس اقول حرام علي نفسي فـ انا لسى صغير ومحتاج احد اتكلم معه احتاج احد يهتم فيني ممكن يقول احد فيكم يمكن ماجلست معها ونبهتها جلست معها كثير ولافاد الى درجة جبت شيخ يقرا قلت يمكن فيه حسد او ماشابه لكن نفس الشي |
رد : زوجتي لاتهتم بوجودي وتحرض اطفالي ضدي
ينقل الى القسم الانسب
قسم المتزوجين |
رد : زوجتي لاتهتم بوجودي وتحرض اطفالي ضدي
عمر زواجكم 18 سنة و لسى صغير!!!!!!
|
رد : زوجتي لاتهتم بوجودي وتحرض اطفالي ضدي
هلابك اخوي
مااقصد صغير يعني مراهق انا تزجت وانا عمري20 يعني عمري الحين38 |
رد : زوجتي لاتهتم بوجودي وتحرض اطفالي ضدي
هل بيوم هددتها بزواج اخر
او حادثت امرأة غيرها !؟ و يكون هذا سبب تغيرها عليك ! |
رد : زوجتي لاتهتم بوجودي وتحرض اطفالي ضدي
أخي الكريم ,,
هل هي موظفة قديما , أم أنها موظفة حديثا , وإذا كانت موظفة حديثا , هل هي من المعلمات البديلات ؟ ما هو سبب تغيرها الذي تظنه ؟ |
رد : زوجتي لاتهتم بوجودي وتحرض اطفالي ضدي
اقتباس:
هذا قديم قبل التغيير اما الزواج الاخر ماهددتها الا قبل اسبوع تقريبا ولانفع التهديد |
رد : زوجتي لاتهتم بوجودي وتحرض اطفالي ضدي
اقتباس:
وفعلا حصل التغيير بالضبط بعد ماصارت مديره تغيرت شخصيتها 180درجه حتى انها اول ماكان فيه احد من اهلها يدري وش صار بيننا ولااي كلمه تطلع برى البيت حاليا وهي تكلمني احس ان اخوها اللي جالس يكلمني نفس اسلوبه ونفس تفكيره |
رد : زوجتي لاتهتم بوجودي وتحرض اطفالي ضدي
اقتباس:
كنت أتوقع تغيرها بشي يخص عملها , إما توظيف جديد أو ترقية ,, سأحاول أن أقرأ الموضوع بتمعن أكثر , لأن النساء يصلحن للعمل إلا في الإدارة ( إلا من رحم الله ), أمي عانت كثيرا قبل أن تتقاعد , تغيرت شخصية صديقتها كثيرا عندما أصبحت مديرة ,, لي عودة إن شاء الله ,, موفق خير , |
رد : زوجتي لاتهتم بوجودي وتحرض اطفالي ضدي
يمكن عندها نقص فيتامين (دال)
لاان الي ينقص عنده هالفيتامين تحس تصرفاته زي المسحور غير طبيعيه ولا لها تبرير او تفسير حلل لها عن نقص هالفيتامين او الغده او عندها خلل بهرمون معين لا تستهين بلهرمونات او الفيتامينات اذا تلخبطت تقلب كيان صاحبها اما سالفة انها مديره عشان كذا تغيرت ،،،لا وتحرض ابنائك عليك مااتوقع اتوقع فيه شي خارج ارادتها يخلي هالتصرفات غير موزونه منها عشرة العمر من الصعب منصب يغيرها خصوصا انت تقول كنتم سمن علي عسل يعني معدنها اصيل الله يهدي سركم يارب ويسخرها لك |
| الساعة الآن 03:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©