ماشاء الله تبارك الله

طلعت منت بسهل ^_^

حبيت الرز البخاري والبسبوسه حيل ..

شكلي بسوي مسابقة افضل زوج يساعد زوجته

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

أفا عليك ماشفتي شي، اللحين طايح يالطبخات الأكلات الشامية والتركية، وممكن بعدين أنتقل للأكلات المكسيكية، أما إذا سويتي المسابقة فراح أعلن التحدي وبخلي زوجتي ماتطبخ طول العمر

الله يحبك ياختي ولو كنتي جارتنا كان أرسلت لك منها

__________________
ياصبحِ لاتِقبل !!
عط الليل من وقتك..

:*

ممكن أسأل من علمك الطبخ وكيف تعلمته. .؟!!

:*

__________________

حياك الله سيدة الموقف، أيوه ممكنين بعد، والله قبل خمس سنين كنت ما أعرف أطبخ ألا بيض مقلي، وكان وقتها بعض أصدقائي يطبخون كبسة بالاستراحات ولا لما نكون طلعين في نزهة وكانوا مرة مرة يضبطونها وكنت أتمنى أني أتعلم وأكون مثلهم، ، بعدين تعلمت أطبخ رز يوم لك ويوم عليك حتى ضبطته، لما رحت لأمريكا سكنت مع شباب أسبوعين وطبخت لهم مرة رز وأعجبهم وبعدين طبخت لهم مكرونة حمراء وطلعت روعة وأعجبتهم، ومنها أنطلقت إلى عالم الطبخ، وبعدهم نقلت لعائلة أمريكية وكنت جايب معي الكاتم وطبخت لهم وقلت لهم هذي الوجبة المشهورة عندنا وصاروا ياكلون بيدينهم ورفضوا ياكلون بالمعلقة يقولون نبي نصير مثلكم، بعدها سكنت لحالي لما صعبت الدراسة وصرت أقرأ طبخات بالنت أو أشوف اليوتيوب وأطبخ، حتى طبخت طبخات كثيرة ومختلفة الحمدلله، لكن الشيء الأجمل أنه دائماً كل ماطبخت طبخة جديدة على طول أتوفق فيها من أول مرة وتطلع روعة، والآن أصبحت شبه هواية فكلما شفت نفسي فاضي أو حابب أطبخ طبخت وأستمتع وأنا أطبخ، فأهم شي أن الواحد يستمتع وهو يطبخ وإلا ماراح يضبطه أو أنه ماراح يطبخ كثير، وهذي قصة حياتي مع الطبخ

__________________
ياصبحِ لاتِقبل !!
عط الليل من وقتك..