|
|
03-08-2012, 09:49 PM
|
المشاركة الأصلية كتبت بواسطة بنت الحكمي
السلام عليكم ورحمة الله تعالى وبركاته الأخت الكريمة هايدي كل عام وانتي بخير وشهر مبارك عليكم واعتذر انا ما دخلت لموضوعك وقرأته إلا متأخرة وبما انك طلبتي اني اكون من ضمن اللي تطلبين استشارتهم هذا انا اتيت وان شاء الله مايصير إلاكل خير الأخوة والأخوات الأعضاء ماقصروا الله يجزاهم خير كفوا ووفوا وانا بستعين بالله عز وجل وبقول اللي عندي وربنا يكتب لك الخير في امرك ويحل مشكلتك بإذنه تعالى
اولا اختي الغالية الطلاق ليس بحل لمشكلتك نهائيا وانا اعتبره لو سمح الله وصار يعتبر انهزام من طرفك وهروب من المواجهة بدلا من ان تحافظين على زوجك وبيتك واطفالك وتحاولين الإصلاح قدر الإمكان في مشكلتك على طول تفكرين بالطلاق ترى الطلاق مو حل بل دمار على كل زوجين يتفرقون وبينهم اطفال هذا ظلم لعيالهم وش ذنبهم يتشردون ويتبهذلون وينحرمون الجو الأسري بسبب خلاف يمكن ينحل بإذن الله وان ما الله كتب له بحل مع الأيام الأمور تتعدل اهم شئ مانغفل عن الدعوة بالحسنى واللطف وكمان مانغفل عن الطلب من الله والدعاء الى الله لهذا الشخص بالهداية والصلاح ولاتنسين ان الله سبحانه وتعالى قال في محكم كتابه الكريم ( ولاتزر وازرة وزر اخرى ) وكل نفس بما كسبت رهينة زوجك ليس بطفل ولا مراهق يحتاج انك تأمرينه وتنهينه زوجك رجل بالغ راشد يفهم ويعي ما حوله ومايقوم به وان الله ابتلاه والشيطان اغواه في لحظة ضعف قدر يستحوذ عليه ويخليه يمشي بالطريق هذا هنا يستوجب عليك الصبر عليه ونصحه بطريقة غير مباشرة واشباعه من الناحية الجنسية مع التنويع والتغير في حياتكم الخاصة الرجل عندما يفتقد لشئ الخاص تجدينه في كلامه وسوالفه وحركاته وسكناته يتكلم ويلمح عن هذا الشئ ويرسل إشارات بهذا الخصوص لزوجته اذا الزوج اكثر من كلامه وسوالفه من هاذي الناحية تأكدي انه يرغب في العلاقة الخاصة الجنس بالنسبة لرجل مثل الجوع إذا جاع الإنسان واحس بالجوع الشديد تجدينه يبحث هنا وهناك عن شئ يملأبه معدته ويحس بالشبع حينها لم يعد يهتم بالأكل ان امتلأت معدته لو جمعوا له جميع اصناف الطعام واحضروها له وهو يحس بالشبع والتخمه لن يلتفت لتلك الأنواع من الطعام لأنه شبعان ومعدته ممتلئة ولا يوجد عنده مايحرك غريزته ناحية الأطعمة الموجودة وانتي الآن عليك مهمتين تقومين فيها والباقي اتركيه عند رب العالمين هو اللي يحله ويتكفل به المهمة الأولى إنك تنصحينه بطريقة واسلوب لين وتحكين له قصص تتكلم عن وضعه على اساس انها كأنها لأزواج او اقارب صديقاتك وتظهرين له إشمئزازك وكرهك لمثل تلك الأشياء وللأشخاص اللي يقومون بمثل هالأشياء وكمان تكثفين الدعاء له بالهداية والصلاح بعد كل فرض تصلينه وربنا يهديه ويصلحه ويعف قلبه وسمعه وبصره المهمة الثانية انك ماتتركين له مجال يفكر او يدخل على هالمواقع تقولين كيف انا اقول لك كيف استنزفي طاقة زوجك بهذا الخصوص ولا تتركين له مجال انه يفكر مجرد تفكير بهاذي الأمور الزوج اذا بذل مجهود بالعلاقات الخاصة راح يتعب ومايكون عنده وقت لتفكير بمثل تلك المواضيع او الدخول على مثل تلك المواقع لأنه ماعاد فيه عنده شعور او شئ يحركه بهذا الإتجاه وكمان لا تنسين ان هناك حديث عن الرسول عليه الصلاة والسلام انا ما احفظه بالكامل لاكن انه يحث الرجل اذا خرج من منزله ورى امرأة واعجبته اوصاه انه يرجع لبيته ويأتي زوجته وفي هذا حكمة سبحان الله الرجل إن الزوجة اشبعت هذا الجانب عنده لو تجتمع حوله الف بنت ماعاد فيه شئ يحركه تجاههم ولا راح يفكر فيهم ليش لأنه ماعاد عنده طاقة كافية تحرك فيه الغريزة وكمان ماعاد يكون له نفس يدخل لمثل هالمواقع ويتفرج عليها طبعا هذا الجانب يتطلب منك انك تلفتين نظره لك بأسلوبك ورقتك وتعاملك وتسحبينه بالتدريج من مثل هالمواقع كمان لا تخلينه يسهر لحاله إلا لما تتأكدي انك استهلكتي كل طاقته بهذا الخصوص طبعا انتي لك فترة متزوجة وتعرفين بأي اسلوب تسحبين زوجك لشئ اللي تبغينه بعدها استودعيه الله واستودعي سمعة وبصرة وقلبه وخليه يسهر براحته صدقيني بإذن الله تعالى انه راح يتغير ويبتعد من نفسه عن مثل هالمواقع لأنه يجد الشئ اللي يفتقده عندك بزيادة اما سالفة نفورك منه وابعاده عنك لما يقرب منك يا اختي هذا الشيطان يوسوس لك يبغى يخرب بيتك ترى هذا زوجك حلالك وهو ماراح يخونك مع بنات ولا ارتكب فاحشة على شان تتقززين منه ومن قربه منك بالعكس ترى والله تعاملك هذا هو اللي بينفره منك ويخليه يمشي ويسلك طرق غلط بعدين من جد راح تتحسرين وتندمين هذا بدل ماتقربين منه وتحسسينه بقربك ومحبتك وعاطفتك تجاهه وكمان تشبعينه من الناحية هاذي وتشغلين تفكيره وماتخلين لشيطان طريق يدخل فيها عليكم ويفرق بينكم انتي لو استمريتي على هذا الطريقة وهذا الأسلوب والتعامل معاه اللي تتعاملين فيه معاه ماراح تطلعين معاه بنتيجة الا راح تزيد مشاكلكم لا سمح الله انتبهي وانا اختك لزوجك وكوني له السياج المنيع ولاتتركينه يضيع إذا كنتي تحبينه وتعشقينه اصبري واحتسبي وتعاملي معاه باللين وادعيه بالموعظة الحسنة واحسني التبعل له وخليك قريبة منه واكسبي اجر فيه وجاهدي وادفعي باللتي هي احسن وان مانفع معاه شئ ادعي له بالهداية والصلاح واصبري ولا تخربين بيتك وتدمرين نفسية اطفالك وتحرمينهم من الجو الأسري ويتبهذلون بينك وبين ابوهم لما يكبرون بعدين اذا انتي بتطلبين الطلاق على شان افلام وش بقيتي للي زوجها يخونها على ظاهر قدام عيونها ويجيب حريم لبيتها او يسافر للحرام واللي زوجها يسكر ويحشش وراعي بلاوي واللي زوجها يضرب وبخيل ولئيم اللي زوجها مايصلي ولا يذكر الله مثل هائولاء وش نقول لهم يا اختي اللي يشوف مصايب الناس تهون عليه مصيبته وانتي انسانه عاقلة وراكدة بعون الله فاصبري واحتسبي وغيري بقدر اللي تقدرين عليه وفوضي امرك لرب العالمين ربنا قادر ان يهديه ويصلحه لك ويرده اليك ردا جميلا خلي موضوع زوجك جهاد لك جاهدي بما تستطيعين حتى ربنا يصلحه ويهديه ويرده لطريق الحق والصواب ونسأل الله العظيم ان يهديه ويصلحه ويجنبه الفتن ماظهر منها وما بطن وربنا يصرف قلبه وسمعه وبصره ولسانه عن كل مايغضب الله اللهم آمين يارب . |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور