السلام عليكم

مالحل مع مزح الزوج الثقيل الذي يصل للضرب

قد يكون ضرب مؤلم لحد البكاء ، وبعدها يضحك ساخرا واصفا اياها بدموع التماسيح

شوفي اظن انه حاقد وهاذي حركات معبره
مهي بعبث يعني

بس شوفي اذا مزح معي بها الطريقه
اعامله بالمثل
والبادي اظلم


خالد انتظر اجابتك شفتك قريت ردي
انتظظرك لا تخليني ادعي عليك

__________________

ايوه احسنت في قولك حركات حاقد لانه مايسوي كذا الا الحاقد....

هههههه حلوه طريقة تصرفك بس لاجاك واحد عضلات يربطك بيدينه هذي المشكله

يا اصيلة الله يطول في عمرك بسيطة اقول له ما ابغى امزح معاك بكيفي ما احب المزح ولو صمم اقول له خلاص امزح معاك بس بشروطي لو وافق خلاص اروح المطبخ واجيب الصاج واحطه جنبي كل ماصقعني بيده صقعة يمزح انا كمان اناوله وحده على راسه بالصاج طيب انا امزح مثلك ليش تزعل ولا انا مكونات جسمي بلاستيك ما احس يعني وعادي مافيها شئ تصقعني واصقعك وكل واحد يتحمل الثاني ياحبيبي هاذي ممازحة ترى مافيها زعل

حتى يبطل يمازح بهاذي الطريقة.

الناس تمزح تدف ترمي عليك وسادة او شئ خفيف او يسوي فيك مقلب خفيف اما انه يصفقني الين ابكي وبعدين يقول يمزح لاوالله الا اسوي مثله وانا كمان امزح

ذكرتيني بواحد دف زوجته من على الدرج وطاحت وانكسرت عندها فقرة في ظهرها وقال والله كنت امزح معاها دفيتها دفة خفيفة وطاحت من نفسها وماعاد قدرت تقوم احيان بعض المزح ماله داعي ابد وكمان خطير .

وكمان مرة انا واخوي واحد اكبر مني بسنة كنا نتمازح يقال لك ماسكين كل واحد قطعة حديد وجلسنا نتبارز حاطينها سيوف وانا ضربت الحديدة اللي في ايده وطاحت والضربة كانت قوية جتةعلى اصابع ايده اللي كان قابض فيها على الحديدة ولما طاحت الحديدة من يده انا جلست اصيح فرحانه بأني هزمته في المبارزة والتفت وهو كان ماسك يده واشوف وجهه متعفس واحمر وعيونه مثل الشرر يطلع منها ويده تقطر دم وشفته إلا وهو راح ماسك الحديدة اللي طاحت من يده ويالله جري يركض وراي ركض وانا عاد تبغيني التفت وراي على طول بوجهي للأمام جري انا اركض وهو يركض واصيح امي امي فينك ابغى اعرف هي بأي غرفة خفت ادخل وحدة من الغرف ويكون بالنسبة لي فخ واطيح بين ايديه والله ماغير يموتني هذاك لو عصب شيطان رغم انه طيب وحنين لاكن لو عصب الله لا يوريك ياكلك بقشورك وانا اركض وهو يركض وانا رميت الحديدة اللي بيدي كنت حاطتها سيف وخرت عني كل الشجاعة واصيح ولما سمعت صوت الوالدة الله يرحمها يا الله كأني خلقت من جديد على طول جيت وهي متسطحة على فراشها وانا يمه الحقي فلان فلان واقفز إلا وانا ورى ظهرها وهي مسكينه قامت مفزوعة وش فيه وش فيه فلان انا اقصد اخوي هي مسكينة ارتعبت تحسب جاه شئ او صار له شئ وإلا واخوي واقف على الباب وينادي عليه اطلعي والله ماغير اخذ حقي منك يالله اطلعي والوالدة طالعت فيه وقالت له وش فيكم طيرتوا عقلي وخرعتوني وتمسكني انا وهو وتسطرنا سوى اه بس يامحلا تسطيرها ذاك عندي اهون من تسطير اخوية بألف درجة اخوية لو هو اخوية ماراح يرحمني المشكلة يمزح معاي انا واخواني وبمجرد مايتأذى او يتعور يقلبها عليك يمسكك ماعاد يرحمك يوريك نجوم الظهر بالبداية يقول لك والله ما اضربك ولا اسوي لك شئ بس خلنا نتمازح بس اول غلطة تغلطها معاه يمسكك ويصفقك الين تشوف بدل الواحد اثنين بس الحمدالله الوالدة الله يرحمها ويسكنها فسيح جناته كانت تدافع عنا وتمنعنا ما نمزح معاه بس وش نسوي لو حسينا جلدنا يحكنا لصفقه نروح نمازحه هو ياخذنا بالتحدي انا اتحداكم تطيحوني بالأرض او تعسفون يدي او تسبقوني او تهزموني عاد اذا السالفة فيها تحدي تعالي وشوفي يقول يالله هل من منازع هل من مقاتل من فيكم بطل من فيكم شجاع يتحداني واحنا نصف بالدور انا واخواني نصفق منه إلين نقول بس وبعدين نعقل ونتوب ونرجع له مرة ثانية حتى كبرنا شوية وعقلنا والحمدالله الحين اعتزلنا المزح الثقيل

والحمدالله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

شوفي انا فكرتي احاول افهمه بالذوق
والاسلوب ان كذا ما ينفع واخليه يبطل بعدين

طبعا بواصل معه المزح بالطرق العادية الي تفرح
القلب مهي الي تغث وتجيب الغلقة

لكن التحليللات الي قريتها ذكية
ممكن يكون حاقد ويفرغ حرته بالمزح
اذا كذا معناها انه زعلان من شي ويفترض
فيني اطيب خاطره واراضيه

المفروض ما نهمل الاشارات هذي

يا ربي من زمان ما استهبلت على احد
> تجيب الساطور

__________________



احيانا يجب ان نفقد ذواتنا كاملة لكي نستعيدها كاملة ...

انتي امزحي معاه مزح ثقيل اضربيه ارفسيه عضيه اقرصيه وانتي ابتدي يوم يومين عشر والله باذن الله راح يبطل هالمزح الثقيل

__________________

بنت الحكمي

ههههههه بتجيبين العيد ..،، مستحيل اسوي كذا ، خصوصا الخوافات مثلي
خطتك يبيله قلب حديد

مدن السلام
مشكوره على مرورك وزي ماقلتي قد تكون اشارات الى شي ما

ام بدر وسميه
ماراح اقدر اجاريه بالمزح الثقيل .. النهاية انا الخسرانه

طيب يا اصيلة عندي لك حل آخر يريحك ويريحه اول مايجي يرفع يده عليك يمزح انتي على طول ابكي وصيحي وسوي نفسك خايفة من مزحه يمكن يمزح معاك علشان بس يسمع صوت بكيتك وصياحك وانتي اسبقيه وسمعيه يرجع يترك المزح معاك بهاذي الطريقة بالذات لو ارتفع صوتك
وشئ طيب لو قلتي له جارتي مرة سألتني قالت لي سمعت صوتك تصيحين سلامات وش فيك هذاك اليوم بغيت ادق على الباب واسئلك واتطمن عليك بس استحيت كان زوجك موجود فماحبيت ازعجكم قولي له انا استحيت منها وصرفتها وبصراحة انت مزحك معاي بهذا الأسلوب فضحنا الحين الجيران بيقولون عنا و يحسبونك تمد ايدك عليه يمكن انه يستحي ويبطل هالمزح القاتل .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ليه زوجك مصارع..؟
خير إن شاءالله
قولي له ستوووووب .. أنت تتعامل مع انثى ماهيب مصارع مثلك..

والا تعلمي الكراتيه وخوذي الحزام الاسود..
ودافعي عن نفسك..اكيد بيبطل مزح وبيقول وش له المزح..مايصلح..