حسن علي .. انا بخير الحمد لله .. أشكرك على النصيحه .

ملامح قمر .. اشكرك على ردك .. اراه طفل لانه لا يعمل شيء الا ليرجع للناس .. لا يتخد قرارا من نفسه .. ويتصرف كطفل عند زعله يزعل لا يكلمني وربما يلغي كلام كتبه لي على موقعه .. عنيد واحس انه اللذي لا يريده يتجاهله ويعمل نفسه انه لا يعلم مع انني متاكده انه يعرف ما يهدي زوجته لكنه لا يهديني سوا ارخص الهدايا وهيه هداي تضحك من يراها من اهلي .. يمزح بثقل دم واضح وبشكل لا اقدر ان اتحمله .. ويصدر اصوات كالاطفال لاعتقاده انه بهذا يكون خفيف ظل ؟؟؟

فيفي ... شكرا لك .. هذا ما اقوله لنفسي لاواسي نفسي به ؟؟

روح الطير ... لما يكون هوه الضحيه المخدوعه فانا خدعت ايضا ... نعم خدعني عندما قال لي امور ولم ينفذها ... قال اشياء واصطنع اشياء والان ينكرها او يتهرب منها ... اخفى عني اشياء والان قالها بعد العقد ؟؟؟؟
بعد الطلاق هوه ليس خاسرا ... هوه يتزوج بسرعه ويستطيع ان يتزوج وقتما شاء ... وبعد الطلاق امواله تعود له كامله والبيت والاثاث له وليس لي فما اشتراه له هوه وليس لاحد اخر .. ولو على الحب يقول انه يحبني ولكن لا نعلم ما بالقلوب لانه يعلمم انني لا اريده ومجهز نفسه نفسيا لهذا الخبر .. وقال لي اشعر انني منتظر منك هذا الخبر باي لحظه .؟؟ ... لو قلت لي لما هوه صابر معك اقول لك لسببين الاول متامل ان يجعلني احبه والثاني لانه صرف امواله ولانه سيمر بتجربه فاشله ستؤثر عليه وعلى صورته امام الناس ... فهوه يحاول الاصلاح لا الهدم ..

أولا عزيزتي بالنسبه لرايك فيه وتصرفاتك القبول من الله والغريب أنه ينتظر رفضك بأي لحظه
الدليل أنه تصدر منك تصرفات دليل رفضك له وتأثر فيه
بالنسبه للهدايا وأنها تفشل بقول لك شي وبصراحه كل إنسان يحب إلي يقدره ويهتم فيه وبصراحه رفضك لزوجك مايشجعه أنه يهدي لك وقلتي أنه ينتظر رفضك فاطبيعي أنه يشتري أرخص الهدايا بعد مايبي يخسر نفسه الفلوس هو ماخذها من الشارع عشان يجي يحطها علي شي مو مضمون
أما خفيف دم أنتي قلتي يحاول يخليني أحبه ومن باب المحاوله يستظرف عليك ويحاول يسعدك

شوفي عزيزتي طلاق الملكه حتي أنتي مو خسرانه شي بالعكس نصف المهر لك
وأصلا مااعطيتي شي تخسرينه
وبالعكس أعتبر المرأة فيه تكون تربح وعادي أصلا ورقه وأنشقت
لكن هو غير وفي الغالب الطلاق في الملكه البنت تصر عليه أكثر من الرجال لأنها مو خسرانه أما الرجال لا تعب وجمع المهر ويأثث بيت مرهق للرجل

شوفي من وجهت نظري أنا العيوب إلي قلتيها ماقتنعت منها أبدا
وبصراحه راحمه الرجال شكله مو واثق من نفسه
وأنتي مافيك إلا عدم تقبل سمنته وأنه شخص سمين ومن حقك هالشي والشكل يأثر
لكن أختي لو الشخص هذا ملتزم بالدين ويخاف الله وفيه من الصفات تشفع له مااانصحك بالإنفصال الرجال الطيب عمله ناادره جدا
والوحده وين تلاقي رجال طيب ويسند عليه الظهر بصراحه هالوقت الرجال نادرين وماتشوفين إلا أشباه رجال
لاتفكرين في الشكل وممكن بعد الزواج أنتي تغيرينه وتشجعينه مثل جهاز سير في البيت حلو تشجعينه وأنتي كذالك تقدرين تحافظين علي نفسك
الوزن مو مشكله نادي رياضي مع حميه كم شهر وخلاص ينتهي الموضوع
لكن رجال عديم الأخلاق وش الحل لو تجلسين العمر كله تصلحين فيه ماتعدل

أختي حبي زوجك لاتطلقين تتزوجين غيره وتعرفينه قدره بعدين
وبعدين وش يضمنك الرجال إلي راح تتزوجين يكون شكله مقبول يمكن شين شكل وأخلاق كملت

الله يوفقك

__________________