البلاك بيري وترني؟ - منتدى عالم الأسرة والمجتمع

06-06-2011, 09:54 AM

#11

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

وعليكم السلام ورحمة الله
يا حبيبتي يا هيا المسألة أكيد راح تاخذ وقت ... أي علاقة ما تنتهي بكن فيكون ... وما أقصد العلاقة العاطفية .. حتى علاقة طفل بصديقه تاخذ وقت الى أن تنتهي اذا والده طلب منه انهاءها .

بداية ما أنصحك تقولي لأخته .. أولا فيها جرح لكرامته وفيها تصغير منك له ... وهذا ما راح تحسي فيه الحين وممكن يساعدك بإنهاء مشكلتك الحالية لكن بيترك أثر على علاقتكم على المدى البعيد ...

حطي ببالك واستعدي لمعركة طويلة ... المسألة أخذت معي حوالي 8 شهور .. وما يحتاج يكون عاشق حتى يلاقي صعوبة بترك شيء تعود عليه وارتاح له .. مجرد انها غطت أو تغطي ناحية نفسية معينة يحتاجها .

ولا تنسي دورها بالتواصل معاه ... دورها كبير وإلحاحها قوي .. ما يقدر يتخلى عن شخص وقف معاه بوقت هو كان محتاجه فيه .. كيف يكون جاف وقاسي معها بدون ذنب أذنبته ؟؟؟ ينحرج منها

المسألة مو لأنك غبتي شوي .. هذي كانت فرصة لاحت له وبس واكيد ما راح تقدري تظلي تراقبيه طول الوقت وأكيد لما يتعافى بيطلع خارج البيت وتصير فرص أكثر ..

الحل بأنه
1-هو يقتنع بأنه ما عاد يحتاجها وانها صارت عبء ثقيل بحياته ..
2-وصلي له بطريقتك حجم الذنب اللي قاعد يسويه
3-وبنفس الوقت حاولي تجددي وتغيري من نفسك للأحسن حتى تنصلح علاقتكم .. مجرد ما تنصلح علاقتكم راح يقدر يستغني عنها .

برأيي أنك ما تواجهيه بشكل مباشر .. لكن ما تتركي الأمر يمر بدون ردة فعل ... لو إني بمكانك ألمح له اني عرفت لكن ما أقولها صريحة يعني أقول له حاسه انه عندك شيء ... أو حلمت فيك بكذا أو أشوفك متغير وماني مرتاحه .. وقصص عن عقوبة مثل هذا التصرف وكيف فلان خسر ماله ونفسه بسبب معصية ووووو

وأظل كل ما صار فرصة أتكلم عنها ... مو بسبب الموقف الجديد لكن هذي سياسة من اليوم ورايح إلى أن يقتنع بسيئاتها .. ظلي تكلمي عنها وبسيرتها الى أن يمل يسمعها ..

أشوف النقاط اللي ممكن يكرهها فيها وأركز عليها ..

أساله عن زوجها السابق وأحاول أرسم له صورتها وهي مع زوجها ... هي تكلم زوجك عن علاقتكم الخاصة وهذي فرصتك ..

قولي دام انها جريئة وتكلمك عن علاقتنا أكيد كلمتك عن علاقتها بزوجها ... كيف كان زوجها معها ؟؟ أتوقع كان هو كمان جريء حتى تطلع زوجته جريئة بهذي الطريقة ... كلام عادي ونقاش بين ناس كبار وما تقصدين فيها شي لكن شخصيتها أثارت فضولك وهذا الظاهر من قصدك بالكلام بينما قصدك انه كلماتك تخليه يتخيلها مع زوجها ...
طبعا راح تكون كل أجوبته لا ما قالت ولا ما أعرف لكن خليكي مصرة وكملي كلامك وكأنك تكلمي نفسك .. وصلي فكرتك مو تناقشيه ... تجاهلي إنكاره وقولي معقول .. ما قالت لك عن كذا ؟؟ أتوقع شخصية مثلها أكيد كانت تحب وضعية كذا مع زوجها لأنها قيادية ...

بتقولي لي بأنه يعرف هذي المعلومات لأنها بديهية وراح أجاوبك بأنه يعرفها بشكل عابر لفظي .. يدخل بعقله ويطلع بسرعة بدون ما يفكر فيها ويشوفها كواقع ... هو يعرف انها أرملة لكن اللي ثابت بعقله عنها كلامها المريح وفهمها له ولمشاعره ومعلومة انها أرملة وكانت مع زوج مو ثابته بعقله .. اللي واضح وبارز بعقله عنها جزء منها أحبه وعجبه واحنا نبي نبرز أجزاء أخرى ما يحبها ولا تعجبه .
اسفه مو قادرة أعبر وأوصل لك الفكرة ... عسى تكوني فهمتي علي

يا ليت نقدر نعرف عنها أكثر ... كل ما عرفتي عنها معلومات تقدري تستعمليها ضدها خلال كلامك .. إسألي عن أولادها ..إسألي عن وضعها المادي .. حاولي تشوفيها من بعيد
وأي معلومة فيها إساءة لها لا تقصري ولوحيها بوجهه ... أشوف فلانه مسوية كذا .. سمعت انه فلانه صار معها كذا .. معقول في سيدة محترمة تسوي كذا ..
انت بحرب بااااااااااااردة فخلي أعصابك باردة والعبيها بهدوء ... أعرف أولها تحسي بأنك راح تنهاري لكن مع الوقت بتهدا أعصابك

لا تكوني عنيدة واسمعي لكلام جرين بخصوص علاقتكم الخاصة .. أكثر شيء يجذب الرجل ويقوي العلاقة بين الزوجين هي العلاقة الخاصة فخليكي مرنة وطوعي الظرف مو الظرف اللي يحكمك

ولا تنسي الدعاء يا هيا ... وربي الدعاء مثل السحر

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه