|
البلاك بيري وترني؟
السلام عليكم ورحمة الله وبركاته
والله يا اخوان واخوات تمنيت ان اشارك بالمنتدى فقط برايي ببعض المواضيع المطروحه وتمنيت ان لا اكتب لكم اي مشكله تحصل بيني وبين زوجي الان لاتوجد مشكله بمعنى مشكله ولكنه الهدوء الذي يسبق العاصفه واحترت معه وهو بالوضع الصحي الان فاكتفيت بالصمت تجاه مااكتشفته امس للأسف امس طلب جوالي البلاك بيري وطلبته بالمقابل جواله وهذا عادي بيننا مش عدم ثقه ولكن حب استطلاع بيننا هو يقرأ اللسته ويدخل للصور وياخذ مايشاء وانا بالمقابل اعمل نفس الشي ولكن لفت انتباهي شخص باللسته حين كان الجوال بيدي يرسل له ويتكلم ويستفسر عن علاقتي معه بالفراش بكلام وقح وبذي وصريح وبصور جنسيه حتى لا اتجرأ انا وانا زوجته ارسالها له ولم اخبره عملت نفسي انظر للصور وانا تلقى كلامه واكتشفت من خلال الكلام انها امرأه من خلال كلامها انا هنا لم اسكت وواجهته وقال احدى العميلات لديه وهي ارمله وانه فقط يساعدها في ماتريده من العمل لديه ولكن تطورت العلاقه الى ان وصلت للبلاك بيري انا انصدمت وقلت كيف تتجرأ ووتكلم معك عن علاقتنا بالفراش؟ فقال نعم هي جريئه انا بصراحه كتمت غيضي فقط لوضعه الصحي بالذات امس فكانت قدمه تؤلمه وماحبيت ازيده وماقلت لأحد ابد وجالسه من امس لليوم اكل بنفسي والافكار تاخذني وتجيبني والله صرت اخاف ان بيتي ينهدم بسببها وزوجي اي وحده تتمناه وسيم وموظف وصحته طيبه باستثناء رجله ولكنها غير مؤثره في حياته كيف ابعدها عنه؟ وهل من المجدي النقاش معه الان؟ اخبر اخته؟ ماذا اعمل الان فأنا اكاد انفجر ولا اريد ان انفجر بالوقت الحالي فهو في حاجتي:29: والله اكاد اجن ولا اعلم كيف اتصرف ؟ حتى لا املك الوقت اللازم لدخول المنتدى فاعذروني ان طال ردي عليكم لكن بالله عليكم الان كيف اتصرف؟ |
ولا تفعلي شيئا ولا تخبري اخته
\ كل اللي عليكي امتلكيه الآن هذا وقت بداية حياة جديده بينكم امتلكيه خليه يحس بحنانك وحبك لازم يشعر بشي جديد ينسا الدنيا وما فيها ثم هي اللي ترسل فما ذنبه هو ردي انتي عليها بكلمات واحاديث دينيه ابقي قربه خليه يشوف نظراتك وشوقك له ادلعي عليه والعبي واضحكي ما تتركي ولا ثغره يطير فيها او يفكر بغيرك هذا امتحان من رب العالمين ومن ثم لو في قلبه شيء ما كان اعطاكي الموبيل اصلا وكان وضع عليه رقم سري كباقي الرجال الللي يخونو زوجاتهم صدقيني ولا كان جعلك تلمسي جواله كنتي شفتي عيونو طايره ويرفض تاخذيه وكما يقول المثل حطي رجليكي بمي بارده ولكن انا ازيد واقول ضعي رجليكي معه وخلي اصابعك تداعب اصابع رجليه استهدي بالله ورددي امامه وقولي : اللهم احفظنا من السوء ومن الفتن ما ظهر منها وما بطن اللهم إنا نعوذ بك من شر النفوس واللهم استر عوراتنا وآمن روعاتنا ولمحي له انك تغارين عليه لان الرجل يحب انو يحس ان زوجته تغار عليه يعتبره دليل الحب |
اختي لوبينهم شئ مارضي تتصفحين الجوال
اطلبي منه بهدوءيحذف البن تبعها من البلاك بيري |
كلهذاوتوترتي فقط...لو انا مكانك كان جاني انهيار عصبي..
اختي الحل انك توقفي المرأه هذي عندحدها...خذي رقمها وكلميها.هدديها كسري الدنيا فوق راسها ..الكلام وجهيه لها وليس لزوجك... لانها هي أساس المشكله... وزوجك عاقبيه بطريقتك...الاهم انك ماتستهينين بالموضوع هذا.. بأي صفه ترسله صور جنسيه وتسأله عن علاقته معك بالفراش... والغريب ان كل الي سويتيه انتي انك واجهتيه بسؤال فقط...وهوطبعا كأي رجل بيخلق الاعذار...وانها عميله وارمله وجريئه هل هذا عذرلها..المفروض مايسمح لها ولايضيفها عنده...ذنبه انه سمح لها ان تتجرأ معه في الكلام.. الامر وصل بينهم للامورالجنسيه..معناه ان العلاقه لها وقت طويل بينهم ومعناه ان زوجك تبادل معها الحديث في نفس الموضوع والامور الجنسيه من قبل ولا ماكان وصلت لهاالدرجه من الجرأه..صور وكلام بذيء والدليل انه عارف انها جريئهوهي عارفه انه متزوج..وانتي لازلتي تفكرين.. أختي انا آسفه بس ماابي اضحك عليك وعلى نفسي,,,واقلك لا لو بينهم شي ماكان اعطاك الجوال من البدايه....بعض الرجال عندهم ثقه زايده ماعنده اي مشكله لو انكشف عادي بالنسبه له يخلق له مليون عذر ويحلف والخ...وفي الاخير ضامن السماح.. |
اين موقع الدين من حياتك وحياة زوجك !؟
|
قرين حبيبتي انا مو مقصره الان معاه بشي واحاول ادلعه كثر اللي اقدر عليه
وهذا سبب صمتي امس ماحبيت اعمل مشكله بالوقت الحالي الله المستعان جراح الماضي خفت اقله امس كذا وتكبر السالفه وتصير مشكله قلت افكر قبل ما اعمل اي شي شكرا لك ليه الغرور هلا قلبي هي اسألتك دارات في بالي وحتى نظرتك للقضيه ليه كذا تتكلم؟ من متى؟ اقلك كلام مررررررررررره قوي وقليل ادب المشكله ماقلي اسمها علشان اخذ رقمها من جواله والبلاك بيري بصراحه مايكفيني انا ابي اكلمها شخصيا وعقابي له بيكون شديد وانا ما ابيه الان لانه طالع من عمليه مو بسيطه ويحتاجني بكل اموره فاهمه علي؟ وانا قلبي يغلي من داخل لكن لازم اصبر الين ربك يسهلها الجانب الاخر شكرا لك والدين عندنا الحمدلله نخاف الله ومواظبين عالصلاة طبعا وهو ايمانه قوي ولا اتوقعه يخون ابدا فانا اعرفه لكن ممكن يتزوج ويحطني امام الامر الواقع |
فورا...دوري على رقمها وكلميها....هذي من المفسدين في الارض...
وربي لو انا مكانك كان زماني في مستشفلى المجانين.... وش الي تتناقش معه في علاقتي معه في الفراش...يعني كأنها دعوه منها اذا مو مرتاح انا اريحك... لو مجتمعنا يسلم من بنات الحرام ماكان للخيانه مكان في الحياه الزوجيه... فورا...دوري على رقمهاا وخيريه ياانتي يايجيب لك نمرتها...والعني سابع جد لها...هذي حرام وجودها ..شوفي كم رجل غير زوجك ساحبته من زوجته ...وقفيها عند حدها... وتقولين ماتتوقعين يخون..اجل هذا الي شفتيه وش تسميه؟؟ |
ليه الغرور
انتي فاهمه وضعنا الان؟ انا وهو طبيا لازم مانمارس الجنس الان فهمتي؟ هذا كلام الدكتور وهي كلامها في استهزاء فهمتي علي؟ يعني كأنه تحسره وكذا يعني الان انا لو طلبته رقمها ورفض انا لحضتها ممكن اعمل اشياء ماراح ترضيه ومشكلته الحمام اكرمك الله مايدخله الا معي فكيف اتصرف؟ طبعا راح يعتبرها تخلي عنه لو زعلت منه فهمتي وضعي الان؟ وضعي صعب جدا وماني عارفه اتصرف ايه زوجي مستحيل يخوني الخيانه الكبرى اعرفه ومتأكده من ذلك |
أختي الكريمة
إنتِ كلمتيه وخلاص عرف إنك عرفتي وطالما أنك عقلانية وجيتي هنا تدورين حل أجل خلّك عاقلة وألتزمي الصمت وقومي بواجباتك كاملة من أكل وشرب ومساعدة له في أموره بس على قولتهم ألوي بوزك شبرين ووضحيله بنظراتك وحركاتك أنك زعلانة منه جداً حتى هو يفتح معكِ الموضوع عندها أخرجي كل إللي في نفسك وبيني له أنك شاريته وأنك لم تقصري معه مع أنه جرحك ودعيه يوعدك أنه يقطع علاقته معها نهائياً وبكامل رغبته وذكريه بالله وخوفيه بمقولة كما تدين تدان أعانك الله |
اقتباس:
هل تتوقعين انه متزوجها ؟!! وإذ لم تكن زوجته طيب 00 إذ لم تكن خيانه :: فما تسمينه ؟!! والخوف من الله وتقواه تختلف درجاته لدى الخلق 00 ومن رأيي 00 اريه منك قوتك في الحق وليكن همك رضا الله 00 والخوف عليه من عقابه |
| الساعة الآن 03:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©