والله العظيم أشكركم جميعا لاني والله منذ فترة لم أشعر براحة أو حتى أني سعيده ليش مادري بس كل ما أقراأ مشاركات أخواني وخواتي وكل رد أجلس أقرأ فيه أكثر من 10 مرات حسيت أنه في ناس تحب الخير من غير مقابل ( مع اني مب شايفه هذا الشي من زمان في نظري كل شي لازم له مقابل ) .

تدرون ولا مره خطر في بالي أدور في أوراقي الخاصة بدراسة مثل شهادة الميلاد وغيرها أصلن مادري فينها بس بتكون أكيد ويا الوالد راح أبدا عملية البحث عن طريقها انشاء الله أحصل أي شي يوصلني لها
( ادعولي )

صحيح كلامج يا أختي الغالية أنه مجرد بحثي عنها لمعرفة ليش تركتني وليش طلقت وليش ما سألت عني مع أني ما أحملها أي مشاعر الحب ( ليش أكذب على نفسي ).

اتمنى أتغير أكون انسانه ثانيه أبعد الحقد والكره والسواد اللي داخلي اتمنى اتمنى اتمنى أشياء كثيرة وأهم أمنية علاقتي بالله أكون أكثر قرب منه اتمنى أبعد الخووووووووووووف اللي داخلي هذا شعور مب مخليني أتحرك من مكاني عندي خوف مب طبيعي .

هيييييييييه أفكر أجيب دكتوره نفسيه واجتماعيه عشان تساعدني أكثر مب مهم شو بيصير لو درا أبوي أو ريلي هذا قرار اتخذته اليووووووووم

اسفه على الاطااااااااااااااااله

أجل لاتحقدين على أمك يمكن أبوك مهددها دام مركزه كبير وثاني شيء أكيد ظلمها مهمـــــــــــــــــــــــــــــا كان مايجوز يفرق بنت عن أم ولايحرق قلب أم على ظناها بس صدقيني هذا من حبه لك مايبغا يأذيك ويمكن له اسباب بس أعتقد إنتي مو صغيره حتى تنصدمين لو عرفتي السبب أيش ماكان وظلي أبحثي بهدوء وراح تلقين طرف للموضوع ودامك من الإمارات ودي ألتقي وياك

خبرينا...اذا وجدتي شي..او طريق لوالدتك..

الله يوفقك...

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

اقتباس:

المشاركة الأصلية كتبت بواسطة فاقده شيء أجل لاتحقدين على أمك يمكن أبوك مهددها دام مركزه كبير وثاني شيء أكيد ظلمها مهمـــــــــــــــــــــــــــــا كان مايجوز يفرق بنت عن أم ولايحرق قلب أم على ظناها بس صدقيني هذا من حبه لك مايبغا يأذيك ويمكن له اسباب بس أعتقد إنتي مو صغيره حتى تنصدمين لو عرفتي السبب أيش ماكان وظلي أبحثي بهدوء وراح تلقين طرف للموضوع ودامك من الإمارات ودي ألتقي وياك

مشكوره اختي وانا اتمنى اتعرف عليج ويسعدني هذا الشي ولكن أني التقي وياج والله العظيم صعب لظروف اجتماعية ( احتفظ فيها لنفسي ) يمكن تتلاشى مع الزمن سامحيني .

ادعيلي بالعكس لحين أحس الوصول لها صار سهل وانشاء الله راح أبشركم بس ادعيلي أقدر أواجه ردات الفعل اللي راح تصير اذا عرفوا أني عرفت .

حبيبتي ما الومك والله ..

اذا تقدرين تطلعين براحتك .. شوفي المحكمه اسألي عن ابوك ومن كانت طليقته
شوفي يمكن تقدرين بس اخاف يوصل الخبر لابوك ويعصب عليك..

او جربي اسألي السواق بس انتبهي احد يصيدكم
وانتبهي تعلمين انك عرفتي عن طريقه لان اكيد ابوك راح يفصله من شغله
يعني خليك بئر مايعلم احد .. والافضل ماتعلمين احد كيف عرفتي عنها لان ممكن ابوك يضرها
حاسه ان امك تراقبك من بعيد وماتقدر تكلمك .. بحكم مركز ابوك .. وتلقينها مهددها
واكيد كان يعاملها معاملة تشبه معاملته للزوجه الثانيه ..

انتي ابحثي بحذر بحيث ماحد يصيدك ..
ودام مركزكم الاجتماعي كبير .. اكيد رح تلقين كثير يساعدونك مقابل الفلوس
جربي تعطين اي شخص مبلغ بحيث يجيب لك معلومات عن امك ..
هذي تعلمتها من المسلسلات الكوريه خخخخخخ
بس فعلاً تنفع .. جربي وش وراك .. دام الدنيا مصالح ..
انتي تعطينهم مبلغ مقابل سعيهم ..

اختي الكريمة

اسف لو كان كلامي جارح بس لازم اقوله لسببين اولهم مصلحتج والثاني عشان اكون صادق معاج

اولاً امج ما انصحج تبحثين عن اسباب طلاقها لان العلامات غير مشجعه واتوقع السبب يخليج تتعبين اكثر ويمكن تعانين اكثر من المعاناه الي تحسين فيها الحين

واتوقع ان ابوج ماظلمها لان زوجج لمّح لج ووضح لج ان ابوج طلقها لاسباب مجبور عليها

لان صدقيني لو كان ظالمها على الاقل مع ايام يحن قلبه عليها ويحس بالذنب تجاهها

لكن كونها غلطت غلطه جايده هالشيء ماخلاه يروم يسامحها

وكذلك مافي حد قالج ترى ابوج غلطان بالطلاق او احد كلمج على جنب وحلفج انج ماتعلمين احد واعترف لج اسباب الطلاق

كل هذه العلامات لا تبشر بخير عن سبب طلاق امج وصراحة بدون زعل احسها سبب شرف او شيء

لا اتوقع في اسباب تخلي الموضوع غامض لهذه الدرجة او تخليج تكرهينها زيادة بناء على كلام ريلج غير مسألة الشرف

ثانياً انا احس انج تعانين من فرااغ قاتل عشان جذي الموضوع حيل متعبج

و الدكتور موجود عندج بالبيت وكذلك ادوات الدكتور موجوده وحتى سرير الفحص موجود

ياختي الكريمة
اول شيء شفتي اسلوبج بالمنتدى وشلون تطلبين من الاعضاء مساعدتج؟

حاولي تسوينه مع الله لو ليلة وحده فقط

هل المنتدى والاعضاء يفعلون أفضل من فعل الله سبحانه؟

الله سبحانه وتعالى احيانا يبتلي المسلم لكي يلجأ له في الليل

حاولي بس ليلة وشوفي شنو التغييرات الي راح تحصل على حياتج

هذا هو الدكتور لانه خالقج واعرف من جميع البشر فيج

وادوات الدكتور هو القرآن الكريم

الشيطان يمكن يحدثج الحين ويقولج هذا ماعنده سالفه

ولكني متيقن ومن واقع تجربه قيام الليل وقرأة القرآن غيرت مجرى حياتي

وقيام الليل ركعتين فقط ولا اطيل فيهم

وايضاً زوجج لازم يكون له دور بحياتج لان الغاء دور الزوج مستحيل يسد النقص الي راح تعانين منه

نصيحتي لج بختصار ادري طولتها

ابتعدي عن موضوع امج وسبب طلاقها ووين مكانها

راجعي حساباتج مع الله وحاولي ركعتين كل ليلة

حاولي تنشطين دور زوجج بحياتج وتحملينه مسؤليتج النفسية ويصير هو المعالج النفسي لج

كذلك ابحثي عن المشاريع الخيرية الي تشغل وقتج لان اكبر مشكلة عندج الفراغ

اعتذر بشدة ان اسأت في حق امج

اخيراً ان اصبت فمن الله وحده

وان اخطأت فمن نفسي والشيطان

واعتذر عن الاطالة واتمنى لك الحياة السعيدة

الله يعينك ويجمعك بالوالده على خير
تقربي إلى الله فهو أحن عليك من اي شخص في هالكون

[QUOTE=فاضي حدي;2619669]اختي الكريمة


كل هذه العلامات لا تبشر بخير عن سبب طلاق امج وصراحة بدون زعل احسها سبب شرف او شيء

لا اتوقع في اسباب تخلي الموضوع غامض لهذه الدرجة او تخليج تكرهينها زيادة بناء على كلام ريلج غير مسألة الشرف
اسفه اسفه اسفه اسفه مليون مره بس والله مب قادره أشكرك لانك صدمتني مب قادره أرد عليك للمرة الأخيرة اسفه.

اتمنى من الادارة تغلق الموضوع

لجين وش فيك ؟

عسى ماشر؟