مشكلـه مع زوجتي واهلها .. - منتدى عالم الأسرة والمجتمع

10-01-2011, 06:14 AM

#11

غــربة الــروح

عضو نشيط

تاريخ التسجيل: Oct 2010

المشاركات: 161

السلام عليكم ورحمة الله وبركاته ..
( يا كبرها عند الله !!!) تتفل بوجه امها ؟؟
بسألك سؤال وكون صريح مع نفسك أولاً ؟؟
تخيــــــــــل !!

لو زوجتك هي اللي تفلت بوجه امك حتى لو كان من سماعة الجوال ؟؟

وقتها وش بيكون شعورك وقولها بكل صدق ؟؟

ام زوجتك كبيرة عليك وما لها منك الا الاحترام وان سبتك وهاوشتك اعتبرها امك ـ اذا امك سوت نفس الشي بتتفل بوجهها مثلاً ؟؟
انت غلطان والغلط راكبك 80% وزوجتك 20%
تدري ليش ؟؟
ليه تسمع كلامها وتوصلها لبيت أهلها ـ ليه ما حليتم الموضوع ودي وبكل بساطه وتركت عنك ( العصبية والعناد ) اللي ماله داعي بدل ما يتشعب الموضوع ويدخل فيها ام وعم وخال ..
واهلك الله يهديهم مزينين في عينك الزواج بدل ما يصلحون يهدمون

يعني موضوعك توه ما خلص وعلى طول يزوجونك ؟؟ إستهدى بالله وفكر زين ترى انت وزوجتك الخسرانين محد بيخسر غيركم ،، دخلتم ناس بينكم مع ان الموضوع كان انحل بكل سهوله بينكم لكن انت متهور وزوجتك كذالك وخروجها من بيتها غلط لأنه بيزيد المشكله حتى لو أعصابها تعبانه أنت تهديها بدل ما ( يشوشونها اهلها ) ويحقدون عليك بسبب تصرفك معها

1- هل البنت فعلاً تكرهني أم لحظه غضب ؟ قبل لا تقولها كنا بقصة عشق مجنونه حب وحنان ؟
لا ما تكرهك تتغلى عليك لانك انت سبب الزعل وانت اعترفت غلطت عليها وسبيتها واكيد هالشي حز في نفسها وزعلت بسببه ـ فتره بسيطه وتحن لك بعدها .. كانت في بيتك وتعشقك مثل ما قلت اشلون الحب ينقلب كره في فترة بسيطه ؟؟

2- البنت طبعها ماتدق وترسل بعد الزعل ، بس متى ارسل او ترسل ؟
كم الفترة اللي افترقتم فيها ؟؟ إذا هي تعشقك مثل ماقلت ما تصبر عنك فترة طويلة كم يوم وترجع وانت لا تنساها من الرسايل اللي تطيب خاطرها .

3- جاوبوني وافيدوني انتم تعرفون كيد بعضكم علمــــووني ؟
الله يهديكم ويصلح ما بينكم واترك عنك التسرع وحل الأمور بينك وبينها اولاً ، ثم أرضي والدتها اللي هي بمقام والدتك والله لو ترضى الأم البنت ترضى ، وانا قلت لك لو أمك مكان امها وزوجتك اللي غلطت عليها كان بكل صراحه وبكل سهوله ( طلقتها ) !!! هد الأمور والله يصلح ما بينكم اتركهم فتره بسيطة تهدأ فيها النفوس وروح لهم حتى بدون موعد عشان ما يكونوا متجهزين لجيتك ومتفقين وش يردون عليك ،، الله يوفقكم .

__________________

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 03:39 AM.

روابط سريعه