|
مشكلـه مع زوجتي واهلها ..
السلام عليكم ورحمة الله وبركاته ..
بدخل بالموضوع على طوووول وبختصر لكم القصه .. عشان ماعندي وقت ، عندي اختبار اليوم المغرب .؟ قبل كل شي ،، وصيتي لك ياعمتي تكفين لا تعلميها تجفى ،، توها عرفت معنى الهوى توها :d بسرد لكم قصتي .. وقصتي هدْي بوجهها للرجال والنساء :22: أنآ صارت لي مشكلـه مع زوجتي ،، وكنت فيها مره (( مع ـــصب :( )) وتكلمــت عليها كثيــر ودعيت عليـــها .. وطلعت برآ البيت ويوم رجعت لقيتها مرتبه عفشها تبي تســـافر ،، منا منا منا مافي فايده يابنت الحلال ادْكري الله .. مافي فايـده ..وسفرتها لاني مانيب احب وجع الرااااااااااس ،، صحيح اني لو تركتها بلحالها كان تراجعت ، لكن حزة بخاطري نفسية البنت مره تعبــت قعدت ست ايام ماكلمها :15: طبعاً أنـا من النوع الي مايحب وجع الراس .. وانا ماسك طريق الرياض ( سفر ) بوديها لأهلها .. مانسسسولف :d يلعن ام الطفش :25: ولين وصلت قرب البيت قلت لها انتِ طيبه ياعمري قالت ايه قلت تبين اهلك يدرون :29: بختبرها قالت لا قلت تمــام ماتشوفين شر ياعمري ريحي وخدْي راحتك عند اهلـك وبيننا الوو .. اليوم الي بعده ،، اكلمها ونسولف ودخلت امها الغرفه وخدْت الجوال وسبتني :23: << ماعنده وقت خير إن شاء الله وش تبين يلا زري امها ( طبعاً اخطيت بحركه ، تفلت بوجهها وقفلت ) لاني حقدت عليها وش الاسلوب المعفن هدْا .. اليوم الي بعده البنت (((( تقول اكرهك مابيك )))) :d تركتها بعد يوم قمت اراسلها واراسلها ولا احد حوووولي ،، دقيت على اخوها قلت وشفيها البنت ماترد قال لين شافت رسايلك تحس انها بترجع :23: < عاد انبسطت انا قمت اراسلها خخخخخ بعد ماتأزمت الأموووور وكبرت عندهم صار فيها العم والخال لان ابوها متوفي .. قلت الي تبونه وشـــــوو قال اصبر علينا بنحاول نرجع لك زوجتك وسكت انا :15: اخوها يقول انها تكرهني ،،، وعمها يقووول البنت تقول انك ماقصرت معها وانك طيب وكل شي يجيهااااا .. لكن مابي ارجع :24: وامها قبل فتره تدق على الوالده وتقول ابي والدكم يطلق بنتي < قبل لا تروح زوجتي لهم :( ... بس الوالده تقول ماحبيت اعلمك عشان ماخرب بيتك .. الحين العلم وخلاصة الموضوع .. ناس قالت اسحب عليها لين ترجع ..ـآ وأهلي يقولون بنزوجـك الثانيه لانهم اخطوا عليـــك ومن اول وهم يفتشون اسرار بيتك ..ـآ ماعاد ادري من اسمع له .. عمان البنت الي هم عماني والا خوالها والا اهلي ،، الاسئله للرجـال / 1- وش أســـووي ؟ 2- أزلبهم لين يجيبونها ؟ 3- اخدْ غيرها ؟ الاسئله للبنـات / 1- هل البنت فعلاً تكرهني أم لحظه غضب ؟ قبل لا تقولها كنا بقصة عشق مجنونه حب وحنان ؟ 2- البنت طبعها ماتدق وترسل بعد الزعل ، بس متى ارسل او ترسل ؟ 3- جاوبوني وافيدوني انتم تعرفون كيد بعضكم علمــــووني ؟ لاني مابي اتهووور .. سؤال خارج الموضوع ..ـآ 1- لو طلبوا الطلاق هل يحق لهم ياخدْون من البيت اغراضهم ؟ لاني مابطلق ؟ لانها ماكانت رغبة البنت ، رغبة الام الي تزن على بنتها دائماً ؟؟ على فكره ((( اخر يوم لقاء بيني وبينها في بيت اهلها ، احضان وبوسات حاره ))) يعني طبيعي الوضع ،، مارمي اللوم على الزوجه ولا ارمي اللوم علي بلحالي .. اللوم بيننــا منقسـم ، ويمكن علي أكثــر يميل ؟؟ مابي اظلم احد .. أتمنى تفيـــدوووني .. |
أخي ,, بما إن بداية المشكلة ,, حصلت منك ,, كما
ذكرت ,, في قصّتك ,, فأرى أنّك ,, تتحمل خطأك (أثناء غضبك) ,, وتبعاتها .. أخي ,, أرى أن تبادر الآن ,, بالإعتذار ,, من عمّتك هاتفيا ,, إن أمكن ,, ومن ثُم تحُدّد يوما ,, لزيارتهم ,, وتأخذ معك ,, هدية مناسبة (رضوة) لزوجتك ,, وهدية ترضية لعمّتك ,, وتقوم بإصلاح ,, ما اقترفته ,, من خطأ ,, في حق زوجتك ,, وعمّتك .. |
كل هالعصبيه وتفل بوجه حماتك وتريدهم يرون بسرعه
اول شي المفروض انو تاخذ احد من اهلك وتكونو كثر تترضى وترجعها امها لك وتتعهد انو توقف عصبيه وشتايم |
كــلامك صحيح .. أنا المخطي ، لكن لو نضع نسبة احتمال الخطأ
علي 60 % وعليهم 40 % لكن أنـا اعتدْرت لهـم ولكن لا جـدوى ، مازالوا يعـاندوني ، حتى تركتهم .. انا مستعد أرضي الطرفيـن ( وهدْا كله مقابل أن زوجتي ترجع يازيـن الستر والاستقرار ) .. لكن بعد ماعتدْرت وتدخلوا من طرفهم اشخاص كثر .. مالقيت منها غير أكرهه ، مع انها تمدحني بمسؤولية الزواج .. عطني حل أن وجـد ، لاني لو بروح مابلقى غيـر العنـاد الزايد منهم ..؟ ويمكن لو أزلبها بتحس بزوجـها وبعد فتره بروح اسوي طريقــتك بعد شهرين كدْا .. وبتكون هي النهايه أن لقييت قلب صافي حياه الله ، وان لقيت قلب حقود رميته .. انا على صح ياناس الآن او على خطأ ؟ انا راح اتحمل قساوة الردود ،، مايخالف مقابل الحلول .. شكراً لك عزيزي تعاندني على المرور فديتك |
انا ماتفلت من فراغ ههههه أنا تحملت تدخلاتها .. كانت تدق علي تقول وش يصير بينكم .. والله ما انلام .. لكن فعلاً انا مخطـــي ..
ابي الايام تمشــي ،، وابي النهايـه معهـم بترجع والا رحنا للوالد وسلمته نفسي زووجنـي بس ..ـآ استغفر الله واتوب اليه ،، ياشين التهور ياناس شكراً لك قرين على المرور |
اعانك الله والواجب عليك الحلم والصبروالتفكير بعقل فهذا من صفات الزوج والمرأة عجولة بطبعها وتفكيرها عاطفي
ولاتفكر بزوجة اخرى وانت بهذه الظروف فهذا ليس بحل انما الحل اتركها اسبوعين لتهدأ العاصفة وتشتاق اليك واذهب اليها مع هدية لها ولوالدتها وحاول بالحوار الهادئ الصلح واذهب يومين عمرة اصلحكم الله وجمعكم معا مرة اخرى |
البنت تحبك ، و أهلك لا تدخلهم في مشاكلك
و أهل زوجتك كمان لا تدخلهم في مشاكلك في الأيام الجاية اعتذر من حماتك ، و مرة أفتكر أمي أخدت السماعة من يدي و خاصمت زوجي لكن زوجي استغل الفرصة و قدر يكسب قلب أمي :D و زوجتك إذا أمها رضيت ، فهي بترضى كمان |
طيب حلوو الكــــلاام ..
انا راح اعتدْر للقــلق امها ، لكـن متى وكيف هل افاجئهم . ولا تقفوا بالردود والحلول جزاكم الله خير .. يمكن تطلع حلول احسسسن .. ومشكــورين على المرور يالغالين ،، واسف لقلة ردي عليكم ـ والله قاعد ادْاكر .. |
يعـــني البنت بتكون مع امها في الحاله هدْي صح ..
ولو راضيت الأم بترضى البنـت .. هدْا الي اخدْته من ردودكم .. صح كلامي .. مايخــالف نرضي الأم أجل ، والوعد البيـت ههههه |
جاوبو على الاسئله
اقتباس:
|
| الساعة الآن 04:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©