اقتباس:
المشاركة الأصلية كتبت بواسطة دانا محار
الحمدلله ان النهايه جات في صالحك وحقوقك رجعتلك او راح ترجعلك
عموما الله يسخرلك بنت الحلال يااارب ولجميع شباب المسلمين
نصيحتي في خطوتك المقبله ان تختار فتاه من بيئتك لئلا تجد متاعب في التفاهم بينكم
|
أختي دانا ...
الحمد لله على كل حال ، بالنسبة للمتاعب فللأسف كانت من بنت البيئة والبلد ،
وكلامك في النقطة هذي ماهو مقياس لأنه كل مجتمع فيه الطيب وفيه السيء .
أما الحقوق لسه طبعاً ما رجعت ...
وأمس اتصلت بالحرمة اللي دلتنا عليها وقلت لها روحي سلمي على أهل البنت وتحمدي لهم بالسلامة
وشوفي ايش اللي بيرجعونه لك ، وقلت لها عن الأشياء اللي أنا جبتها ، عشان نعرف وش ناوين يرجعون
ووش اللي مالهم نية يرجعونه ، ونعرف وش الناقص ، قالت بيفسرونها عدم ثقة ، قلت لو قالوا لك كذا قوليلهم
كنتوا واثقين في الرجال لما عطيتوه بنتكم وهالحين مو واثقين فيه عشان ورقة ؟! وأنا بدوري راح أجهز
الأشياء اللي جابوها وارسلها لهم في أقرب فرصة أو مع ورقة طلاق بنتهم ، قالت بنسق اول مع عمة
البنت وارتب معها ( لأنهم أصدقاء ) ... وانا بحاول اكسب الفرصة عشان لا أتصرف وأطلق بسرعه
وانا ما رجع لي حقي كامل وبعدين معد أقدر أحصل الباقي ، واللي مساعدني على كذا إن الشيخ
اللي بروح له طلع مسافر والمفروض يكون رجع ( صباح اليوم الجمعة ) ...
طبعاً أنا استغليت إنه لسه ما صار شي واتصلت على الأهل وتحمدت لهم بالسلامة وقمت بالواجب
وبكذا أكون بإذن الله مبيض وجهي ووجه أهلي قدام الناس وفي نفس الوقت طمنتهم نفسياً من ناحيتي .
شكراً لك أختي الكريمة
وأعتذر للإطالة .
__________________
رَبِّ هَبْ لِي حُكْمًا وَأَلْحِقْنِي بِالصَّالِحِينَ(*)وَاجْعَلْ لِي لِسَانَ صِدْقٍ فِي الآَخِرِينَ(*)وَاجْعَلْنِي مِنْ وَرَثَةِ جَنَّةِ النَّعِيمِ(*)
23-07-2010, 05:49 PM
ضوابط المشاركة
العرض الشجري