مرحبا اختي .. استغرب احيانا من بعض الردود او الافكار السلبية اللي ما تخلي للايجابيه مكان . فديتك راح ارد على نقاطك بمنظوري
-هو انسان ابد ابد ما يعصب إلا في الحالات القليله النادره وانا عكس هالصفه تماما يعني انا لما أعصب أو أزعل هو يكون هادئ ويبتسم ومريح أعصااابه للاخر وأنا ما أحب هالشئ منه لاني احس انه ما يفهم مشاعري اهم شئ راحه اعصابه وبس ... لا وبعد يقولي كلما عصبتي على أحد تعالي وطلعي عصيبتك في أنا ولا يهمك دلوعتي
حبيبتي هذا مو معناته انه ما يعصب ابدا انتي للحين ماعاشرتيه مجرد مسجات وهاتف ليس اكثر .. يعني اللي بينكم علاقة حب فأكيد راح يحاول يكون جوها لطيف في اغلب الاحيان وما اعتقد في هالفترة تحدث مشاكل تستدعي عصبيه اتحدث بالعقل وليس بالعاطفه .. انتي فديتك العاطفه ماليتك بهالفترة واهو يحاول مايظهر عصبيته لانه يحبك وما يشوف اشياء تستاهل عشان ما يخترب اللي بينكم ودامك انتي تعصبين شنو تبينه يسوي يصارخ اذا عاملك بنفس معاملتك راح تكبر الامور ويمكن توصل انكم تتفارقون لانه مافي رابط شرعي بينكم يخليكم تفكرون بالموضوع بجدية اكثر
2- يقدر يطنشني بشكل فضيع أحيانا ما يرد على مسجاتي لما ما تعجبه وما يجاوب على اتصالاتي لما ما يحب وبعدين يجيبلي اعذار وانا احس ان هذا ما دليل محبه ابدا
ليش تاخذنها وتعتبرينها تطنش فديتج .. يمكن يكون مشغول او مع ربعه .. او نايم او اي شي ثاني مو القصد حقران واهمال .. والمسجات اللي ما تعجبه مثلا يمكن في رايه انه يسكت احسن تجنبا للمشاكل .. وعادي مو كل مسج لازم يقابله رد .. وحبيبتي انتي بنفسج قلتيها احيانا مايرد وليس دائما .. يعني لاتعودين نفسك على نظام تبينه يمشي معاك على طول وفي اي وقت .. اوقات الظروف تحكم ان الاشياء تتغير ولو مؤقتا ..
3-لما تصير عنده مشكله ما يشركني فيها لحد ما يحلها ويقولي انا طبيعتي كتوم كذا وما أحب أشاركك حتى لا أشغلك بس أنا أخاف يظل يخبي عني أشياء حتى بعد ما نتزوج وما أقدر أخذ منه لا حق ولا باطل
معاه حق انه ما يقولك خصوصا انكم ما تزوجتوا ومو شرط ان الزوجه تعرف كل المشاكل اللي يمر فيها الزوج خصوصا اذا ماراح تضيف شي او ما بيدها الحل للمشكله .. وشي حلو منه انه مايبي يشغل بالك عليه .. والدور عليك انك من اول حياتك معاه مستقبلا تتعلمون على اسلوب النقاش في الامور اللي تستدعي النقاش .. وشيلي من بالك فديتك ان الزوج والزوجة لازم يعرفون عن بعض كلللل شي ومافي شي خاص يبقى .. "غلط"
4- اكتشفت انه يكذب علي احيانا مثلا مرات يقولي انا بسافر ويطلع مو مسافر بس علشان يشغلي بالي ويتغلى علي
وانا ما احب كذبه هذا
ليش تفكير الاغلب صار سلبي منو قال اهو يكذب بقصد يكذب هذي امور تغلي ويختبر محبتك ويحبك لما تخافين عليه وتحاتينه وجدا عادي يعني مو طبع ان يكذب عليك
5-أنا حساااااااسه كثير ودموعي لو أبسط شئ ينزلوا وهو تعب من كثر ما أنا أتحسس وأزعل وأبكي وصار ما يهتم لما أقول أنك بكيتني أو كلامك جرحني أبدا ........ وأنا أريده يهتم بمشاعري أكثر ويفهم حساسيتي لانه هو أحيانا يحب يغيضني من قصد ويقولي أنتن البنات مثل البيضه أي شئ يكسركن ويضحك بعد كذا ههههههههه ودائما يقولي حرااام عليك ارحمي أهلك تعبوا من كثر ما يشتروا لك مناديل كلينكس والله بتفقريهم .... يعني دموعي ما تهمه واي شئ يقلب منه مزاح وضحك
الشي اذا زاد حده ينقلب ضده لاتكونين البنت اللي مايقدر يكلمها اويتفاهم معاها بشي مجرد يقولك كلمة او تتغير نبرة صوته بسبب موقف تبتدين بجي وصياح حتى على الامور لصغيرة والتافهه .. لان الصج راح يتعود وبيحط في باله هذي اي شي يصيحها .. يعني ما بياخذ ان دموعك غاليه وانك اذا بجيتي معناته صج منجرحه لان اذا كنتي تبجين على اشياء من جد تجرح بيحس بغلطه ويتحسف انه صيحك ويقعد يواسيك وحتى يعتذر اذا الموضوع يبيله اعتذار اما اذا اي شي يصيحك يعني الموضوع عادي ايش الجديد
حبيبتي سوري ااذا ردودي فيها قسوة شوي بس هذا اللي اشوفه ولا تستعجلين موضوع الخطبة فديتك لانك ما عندك خلفية كافيه عن الامورالزوجيه والحياة الزوجية .. ابحثي بالنت عشان تكونين ملمة بكل الجوانب وخلي تفكيرك بالعقل اكثر من القلب لان الزوج والعشره مو بس كلمة ياحبيبتي ويا حياتي وعسل ورومنسية .. الزواج عالم اخر فيه كل شي حب زعل مشاكل همووم رومانسية كل شي يكون واضح بعد الزواج والعشره والشاطر اللي يعرف شلون يتكيف ويحل مشاكله بالعقل ويكون عنده الصبر والحكمة في اي تصرف يتصرفه .. والنظرة السلبية للامور راح تتعبك وايد .. لا تسيئين الظنون ولا تكونين عديمة التفكير .. الاتزان شي مهم ..
طولت عليك
تحياتي
22-01-2010, 09:04 AM
بس
ضوابط المشاركة
العرض العادي
