السلام عليكم
أنا تعبانة
تعباااااانه
تعباااانه
أرجوكم اخواني ساعدوني أنا بحد محتارة في سالفتي مع خطيبي وما عارفه أقرر في موضوع إرتباطي فيه أو لأ
أنا بنت عمري 21 سن وأدرس في الجامعه ... قبل سنتين تقريبا اكتشفت ان ابن خالي لي يكبرني بسنه يميل لي وارسلي لي رسائل على جوالي بعد ما خلص من الجامعه انه يحبني وعبر فيها عن كل مشاعره
انا في البدايه ما رديت عليه وما كنت حابة افتح هالباب بس بعدين مشاعري خانتني وحبيته كثيييييييييييييييييييير خصوصا اني كنت حاسه من قبل ما يصارحني انه يحبني من نظراته ومن خجلة لما يشوفني
المهم أهله وأهلي كلهم يعرفوا انه يريدني لاني أنا ما أخبي عن أمي شئ وخبرتها بالموضوع وخبرتني أخته أن أهله بعد يعرفوا بس ينتظروا لحد ما يكون نفسه شوي وبعدين يجوا يتقدموا لي لانه اشتغل بس من كم شهر
بعد 3 شهور علاقتنا بتكمل السنتين ولي بينا اتصالات ومسجات هاتف .... أنا أحبه كثيييييييييييييييييير وما كنت ألعب معاه بمشاعري بس من خلال تعاملي الطويل معه شخصيته صاارت واضحه تماما قدامي وانا خايفه ان يصير فيه تصادم بيني وبينه بسبب الاختلاف مثلا :
1-هو انسان ابد ابد ما يعصب إلا في الحالات القليله النادره وانا عكس هالصفه تماما يعني انا لما أعصب أو أزعل هو يكون هادئ ويبتسم ومريح أعصااابه للاخر وأنا ما أحب هالشئ منه لاني احس انه ما يفهم مشاعري اهم شئ راحه اعصابه وبس ... لا وبعد يقولي كلما عصبتي على أحد تعالي وطلعي عصيبتك في أنا ولا يهمك دلوعتي
2- يقدر يطنشني بشكل فضيع أحيانا ما يرد على مسجاتي لما ما تعجبه وما يجاوب على اتصالاتي لما ما يحب وبعدين يجيبلي اعذار وانا احس ان هذا ما دليل محبه ابدا
3-لما تصير عنده مشكله ما يشركني فيها لحد ما يحلها ويقولي انا طبيعتي كتوم كذا وما أحب أشاركك حتى لا أشغلك بس أنا أخاف يظل يخبي عني أشياء حتى بعد ما نتزوج وما أقدر أخذ منه لا حق ولا باطل
4- اكتشفت انه يكذب علي احيانا مثلا مرات يقولي انا بسافر ويطلع مو مسافر بس علشان يشغلي بالي ويتغلى علي
وانا ما احب كذبه هذا
5-أنا حساااااااسه كثير ودموعي لو أبسط شئ ينزلوا وهو تعب من كثر ما أنا أتحسس وأزعل وأبكي وصار ما يهتم لما أقول أنك بكيتني أو كلامك جرحني أبدا ........ وأنا أريده يهتم بمشاعري أكثر ويفهم حساسيتي لانه هو أحيانا يحب يغيضني من قصد ويقولي أنتن البنات مثل البيضه أي شئ يكسركن ويضحك بعد كذا ههههههههه ودائما يقولي حرااام عليك ارحمي أهلك تعبوا من كثر ما يشتروا لك مناديل كلينكس والله بتفقريهم .... يعني دموعي ما تهمه واي شئ يقلب منه مزاح وضحك

انا والله احبه وانا اعرف انه يحبني والدليل انا كنا كثير نتخاصم في البدايه بس تراجع علاقتنا اقوى من اول واني دائما أعصب عليه وهو يسامحني وما يحط أي شئ في باله ويقولي انا ما أرد عليك حتى ما أجرحك لان جرحك ما يهون علي وأشيااااااااااء كثيره
بس أنا أحس ان اني ما فاهمتنه أو بالأحرى ما فاهمه تفكير الرجال لان هذا أول انسان اتعامل معاه وما عندي أخوان شباب كلنا بنات .... اشوف ان احنا البنات كثير نهتم بالتفاصيل بس هالشئ مو مهم عند الشباب وبعد احس انه هو ما فاهمني أو بالأحرى ما فاهم طبيعه البنات الحساااااااسه أبدا
اناااااااا محتاره ما أعرف اذا الحب بس كافي لينجح العلاقه أو لأ وشو أعمل بالنقاط لي ذكرتهم ؟؟؟ أنا خايفه انهم يأثروا على علاقتي معاه وبعدين ما اتحمل هالتصادم وأطفش وأطلب الطلاق لاني أنا عرفه نفسي أني أتحسس بسرعه وابدا مو أتحمل

أرجووووووووووووووووووووووووووكم ساعدوني واااااالله محتااااااااره

سلام عليكم ....
شكرا لكل الأخوان والأخوات لي شاركوني الرأي والنصيحة
أما عند دينة وأخلاقة .... فهو معروف بأدبة وأخلاقه وصلاه الجماعه في المسجد أبدا مو يفوتها .... المحبوب من قبل والديه لإنه بار فيهم كثير والأقرب لهم .... بإختصار أخلاقه ما عليها تعليق وأنا مو خايفه من هالناحية بس النقاط لي ذكرتهم هم أكبر مخاوفي ..
أنا بحاول أناقشة في هالأمور وبأسمعه كيف بيتفاعل
ادعوووووالي

أختي العزيزة ماريا
شكرا على النصائح الغالية ........ ..... و إذا على دينة وأخلاقه فأنا ما عندي أدنى خوف من هالناحيه لإنه ما شاء الله علية محافظ وخلوق وما يفوت صلاه الجماعة في المسجد ... بار بوالدية وأمه وأبوه يحبوه كثير لانه الأقرب لهم والأوسع صدرا عليهم ...أصحابه يحبوه والأطفال يموتوا في طيبته لانه مرح وحنون كثير معاهم
وانا ماعندي تعليق على هالناحيه من شخصيته ... بس النقاط لي ذكرتهم مخوفتني ... مع أني أنا بعد عندي نقاط في شخصيتي مو مريحه كثير مثل حساسيتي المفرطه وبكائي الزائد وهو صابر ومتحمل