السلام عليكم ورحمة الله وبركاته

ياجماعة الخير زميلي بالدوام صار له سنتين يلمح يخطبني وكل مره يقول قولي لاهلك فلان يسأل وين بيتنا او اهله يبون موعد يزوررونا بالبيت بس انا اقوله ماراح اقولهم تبي انت تكلمهم
لأن عارفه ماحيوافقون وسبق وقالو لي انزعي فلان من راسك والسبب القبايل اقوله خلنا بالدوام احسن وانسى الموضوع
اخر شي قال برسل لك رسالة اطلب موعد لاهلي يزوروكم ووصليه لاهلك وانا ماوافقت


شرايكم؟

__________________
أختكم id123 بحاجة ماسة لدعــــــــــــــــــــــــــــائكم
أحبتي لا تنسوني من دعائكم في ظهر الغيب

وعليكم السلام ورحمة الله وبركاته

اختي العزيزه

افضل شئ اقطعي علاقتك فيه بالدوام نهائيا لانه بينفتح عليك باب مفسده خصوصا انه اقتراحه بارسال رساله اقتراح

خاطئ وخوفك يجر اشياء ثانيه وراه

ويقدر هو بطريقته الخاصه انه يجيب رقم ابوك ويطلبك منه

__________________

يااختي والله خايفة
للعلم عنده ارقام بيتنا واهلي
ومشكوره اختي

__________________
أختكم id123 بحاجة ماسة لدعــــــــــــــــــــــــــــائكم
أحبتي لا تنسوني من دعائكم في ظهر الغيب

شفتي يا الغاليه هذا الي كنت خايفه منه دامنه

عنده الارقام ليه ما كلم اهلك وتقدم رسمي

نصيحه اقطعي علاقتك فيه بالعمل لا سلام ولا كلام

__________________

يااختي يمكن هو صادق وكان متخوف من ردت فعلهم وانهم يصدونه هو يبيها تجي منك
لانك لو وصلتي لهم بتكوني موافقه عليه وقابله به وساعتها ماعنده مانع يتقدم لهم رسمي يعني يبي وقفتك معاه لانه متخوف من اهلك لا يردونه
اولا اسئلي نفسك انتي تبينه?
ماعندك مانع يكون زوج لك هل ?
iهل هو رجل كفو ويستاهل انك توافقين عليه؟
انكان جوابك نعم فبلغي احد من اهلك وبلغيهم بانك ماعندك مانع مثلا الوالده او خالتك او اختك وهي تتولى الموضوع وترتب الامور
بعدين موضوع القبايل انتهى الان الستر للبنت مطلوب وان كان الرجل ذو دين ويتحمل المسؤليه فليه نعقد الموضوع

اما ان كنتي تشوفين انه مايصلح زوج لك وتختلف عاداتهم عن عاداتكم يعني مارح تتاقلمين في العيشه معاه وذلك بسبب اختلاف بعض عادات القبايل وليس ((نعره انك من قبيله وهو من قبيله واحدكم افضل من الاخر لان ذلك من الجاهليه))
فبلغيه بذلك وانك لاتريدينه زوج وقولي له لايضيع وقته في محاولاته لانك رافضته والله يوفقه مع الي تناسبه وانهي الحديث في الموضوع بعد ذلك اي تكون العلاقه علاقه عمل فقط
اتمنى ان الله يوفقك ويختار لك الي فيه الخير

لو كان رجل فعلا وصادق

كان اتصل واخذ موعد من اهلك وطلبك رسمي


لكن يضعك انتي بالمواجهه غلط


الرساله رح تعمل لك وجع راس ومشاكل لك انتي بغى عنها


الرجل الواثق من نفسه هو اللي يواجه وباسلوب لبق ومن اول حديث يملك قلب ابوكي


انما الرساله رح تعمل لك مشاكل ويمكن اهلك يوقفوكي عن العمل او تنتقلي لعمل جديد


وانتي رح تكوني الخسرانه


كوني واقفه وصامده وكلميه بكل ثقه بالنفس


اعطي له حدود يوقف عندها



والله يقدم اللي فيه الخير

__________________
http://live.gph.gov.sa/
اللهم اني استودعك اولادي

يا جماعة لو ما كان غرضه شريف ما كان طلب منها توصل الرسالة لأهلها
يمكن يكون متخوف من الرفض او ما عنده الجرأة الكافية او يعلم ان موضوع القبايل راح يوقف ضده ويبغى انها تمهدله الطريق
يا اختى صارحى والدتك او اي حد من اهلك تثقى فيه
الله يوفقك

__________________

يا مقلب القلوب ثبت قلبى على دينك

مثل ما حصل رقم تليفونك وارسلك الرسالة

يقدر يحصل رقم اهلك وأمه تكلم أمك

وبعدين سنتين يلمح ؟

شهالطوولة بال اللي عليه

لو هو مو واثق انه رح ينرفض ما قالك مهدي الطريق

واذا الموضوع فيه رفض قاطع بسبب القبايل من رايي لا تكلمين حد من اهلك لانهم رح يشكون انه في علاقة بينكم وانك تبينه ومتمسكه فيه

خلي والدته تكلم والدتك وتجي تزوركم

هذه الأصول

__________________

شكله هذا اللي بصير
دايم اقوله اللي بيخطب يجي من الباب مش الشباك!!
وماراح اغير رأيي
الله يجزاك خير اختي

__________________
أختكم id123 بحاجة ماسة لدعــــــــــــــــــــــــــــائكم
أحبتي لا تنسوني من دعائكم في ظهر الغيب

يااختي صادقة ماذبحنا غير هذي العادات على الانفتاح والتطور اللي وصلنا له بعدها مأثره في كبار العيلة الله يهديهم
اختي بالعكس الولد الف وحده تتمناه ومعروف بالدوام بأخلاقة وماانكر هذي المده اثرت فيني سنتين مو قليلة!! واكون كذابة لو قلت ماابيه بس خايفة ان هالشي يطلع مني احسها مو حلوه
الولد وقت قلت عن العادات والخرابيط عند اهلي وان راح تصير عقبات قال ايش كل هذا احنا ماعندنا هذا الشي كلنا مسلمين وربنا واحد

ومشكوره على مشاركتك ودعواتك

__________________
أختكم id123 بحاجة ماسة لدعــــــــــــــــــــــــــــائكم
أحبتي لا تنسوني من دعائكم في ظهر الغيب