خطبة بالرسالة
 

السلام عليكم ورحمة الله وبركاته

ياجماعة الخير زميلي بالدوام صار له سنتين يلمح يخطبني وكل مره يقول قولي لاهلك فلان يسأل وين بيتنا او اهله يبون موعد يزوررونا بالبيت بس انا اقوله ماراح اقولهم تبي انت تكلمهم
لأن عارفه ماحيوافقون وسبق وقالو لي انزعي فلان من راسك والسبب القبايل اقوله خلنا بالدوام احسن وانسى الموضوع
اخر شي قال برسل لك رسالة اطلب موعد لاهلي يزوروكم ووصليه لاهلك وانا ماوافقت


شرايكم؟

يااختي والله خايفة
للعلم عنده ارقام بيتنا واهلي
ومشكوره اختي

شفتي يا الغاليه هذا الي كنت خايفه منه دامنه

عنده الارقام ليه ما كلم اهلك وتقدم رسمي

نصيحه اقطعي علاقتك فيه بالعمل لا سلام ولا كلام

يااختي يمكن هو صادق وكان متخوف من ردت فعلهم وانهم يصدونه هو يبيها تجي منك
لانك لو وصلتي لهم بتكوني موافقه عليه وقابله به وساعتها ماعنده مانع يتقدم لهم رسمي يعني يبي وقفتك معاه لانه متخوف من اهلك لا يردونه
اولا اسئلي نفسك انتي تبينه?
ماعندك مانع يكون زوج لك هل ?
iهل هو رجل كفو ويستاهل انك توافقين عليه؟
انكان جوابك نعم فبلغي احد من اهلك وبلغيهم بانك ماعندك مانع مثلا الوالده او خالتك او اختك وهي تتولى الموضوع وترتب الامور
بعدين موضوع القبايل انتهى الان الستر للبنت مطلوب وان كان الرجل ذو دين ويتحمل المسؤليه فليه نعقد الموضوع

اما ان كنتي تشوفين انه مايصلح زوج لك وتختلف عاداتهم عن عاداتكم يعني مارح تتاقلمين في العيشه معاه وذلك بسبب اختلاف بعض عادات القبايل وليس ((نعره انك من قبيله وهو من قبيله واحدكم افضل من الاخر لان ذلك من الجاهليه))
فبلغيه بذلك وانك لاتريدينه زوج وقولي له لايضيع وقته في محاولاته لانك رافضته والله يوفقه مع الي تناسبه وانهي الحديث في الموضوع بعد ذلك اي تكون العلاقه علاقه عمل فقط
اتمنى ان الله يوفقك ويختار لك الي فيه الخير

لو كان رجل فعلا وصادق

كان اتصل واخذ موعد من اهلك وطلبك رسمي


لكن يضعك انتي بالمواجهه غلط


الرساله رح تعمل لك وجع راس ومشاكل لك انتي بغى عنها


الرجل الواثق من نفسه هو اللي يواجه وباسلوب لبق ومن اول حديث يملك قلب ابوكي


انما الرساله رح تعمل لك مشاكل ويمكن اهلك يوقفوكي عن العمل او تنتقلي لعمل جديد


وانتي رح تكوني الخسرانه


كوني واقفه وصامده وكلميه بكل ثقه بالنفس


اعطي له حدود يوقف عندها



والله يقدم اللي فيه الخير

يا جماعة لو ما كان غرضه شريف ما كان طلب منها توصل الرسالة لأهلها
يمكن يكون متخوف من الرفض او ما عنده الجرأة الكافية او يعلم ان موضوع القبايل راح يوقف ضده ويبغى انها تمهدله الطريق
يا اختى صارحى والدتك او اي حد من اهلك تثقى فيه
الله يوفقك

شكله هذا اللي بصير
دايم اقوله اللي بيخطب يجي من الباب مش الشباك!!
وماراح اغير رأيي
الله يجزاك خير اختي

يااختي صادقة ماذبحنا غير هذي العادات على الانفتاح والتطور اللي وصلنا له بعدها مأثره في كبار العيلة الله يهديهم
اختي بالعكس الولد الف وحده تتمناه ومعروف بالدوام بأخلاقة وماانكر هذي المده اثرت فيني سنتين مو قليلة!! واكون كذابة لو قلت ماابيه بس خايفة ان هالشي يطلع مني احسها مو حلوه
الولد وقت قلت عن العادات والخرابيط عند اهلي وان راح تصير عقبات قال ايش كل هذا احنا ماعندنا هذا الشي كلنا مسلمين وربنا واحد

ومشكوره على مشاركتك ودعواتك