المشاركة الأصلية كتبت بواسطة de rom

تعوذي من ابليس تراه هو اللي يكبر المشكلة براسك و كل ما هونتيها قام و كبرها لأن هدف ابليس الفرقة و الزعل بين الأزواج

صدقيني مافيه مشكلة عادي ، و هو واضح إنه كان متضايق من أول و زعلان مو علشان كلمتك ، دوري على سبب زعله و راضيه و أكيد مو كلامك له في مكة


لا تدعين على زوجك ، الله يخليه لك و يصلح ما بينكم ، هذا جزاه الحين ؟ وداك مكة و اخذتي عمره برمضان اللي تعدل حجة مع الرسول عليه الصلاة و السلام

والله حقه كبير عليك روحي راضيه و اشكريه على العمرة و ادعي له ، و اكتمي قهرك بقلبك لأنه ماله مبرر قوي و ممكن يكون شرارة لهواش الله يستر من تاليه

تدرين .... علشان تطلعين من دائرة الغضب هذي ... حطي الأشياء الحلوة اللي صارت بجهة و الأشياء السلبية بجهة ... الإيجابية كثيرة ، 1. وداك مكة إنت بدل صديقه ، 2. طول الطريق سوالف حلوة ، 3. أخذتي عمره ، 4. وفى بوعده لك و لا كسر خاطرك بالروحه ، الحين الأشياء السلبية 1. نفختي عليه و لا قدرتي تعبه بالعمره و تعبه بالسواقه بالسفر و كأنك إنت بس اللي لك احساس و تتعبين و هو لا ، و هو المفروض إنه يتعب أكثر منك و مع ذلك كان بيعبي زمزم يمكن لأهله و عصبتي عليه

اوزنيها بالعقل تلقين المشكلة مالها وجود إلا إنك نكدتي عليه و هو الآن ينتظر منك مقابل حلو مو نفاخ و عصبية

الله يصلح حالكم و اعذريني إذا في كلامك شيء ضايقك