|
رحت مكه وليتني مارحت؟
السلام عليكم اليوم انا مقهورررره بموت من القهر والله ماحسيت برمضان ولا فرحت فيه من النكد......
ابغى افضفض.....علشان ارتاح ودعواتكم لي وهل انا غلطانه... انا وزوجي كنا متفقين نروح مكه نعتمر يوم الاربعاء المهم حصل سوء تفاهم وتنكسلت الروحه زوجي طيب طيب طيب بس عصبي.....صدق المثل يوم قال اتق شر الحليم اذا غضب.... المهم انا رحت عند اهلي الاربعاء واحنا متخاصمين وهو راح لاهله طبعا اهلي بديره واهله بديره...... ويوم الخميس بعد صلاة التراويح دق علي وقال انا جاي في الطريق جهزي اغراضك بنروح مكه........انا طرت من الفرح...... وجاء وكنا طول الطريق ضحك وسولف ونسينا مشكلتنا اللي امس.... المهم .........والله كانت رحلتنا حلووووووه وما حسينا با الطريق وكانت المسافه 1000 الف كيلو الى مكه....... مسافه مو سهله..... وصلنا الصباح ولله الحمد اعتمرنا...... يوم خلصنا عمره كنت تعبانه وحررررررررر وعطشششش شي مو طبيعي استنى يا خذ فندق او شقه نرتاح..... طلعنا من الحرم هو راح ياخذ ماء زمزم كان بيعبي مجموعه...... وانا قلت بشوي نفخ يعني كنت قرفانه ومعصبه قلت بعدين ماء زمزم لا حقين........خلينا نرتاح الحين..... هو انجن جنونه وعصببب وقال لا ماء زمزم ولا راح تجلسين في مكه ساعه.......وتصوروا رجعنا بنفس اليوم..... والله طول الطريق ولا كلمه وتعب ونوم...... خلوها على ربكم والله طول الطريق وانا ادعي عليه قاهرني حرمني من الجلسه في مكه وانا لي مده اترجاه نروح.... با الله عليكم مو قهرررررررر......اشوف اني ما غلطت......والحين لا يكلمني ولا اكلمه....... والله احس اني ميته قهررررررر ....... ويقول هذا جزاي اني موديك مكه وكنت ناوي اروح انا وصديقي بس قلت لا زوجتي اولى بس ما تستاهلين....... ياناس والله اشوف اني ما غلطت......واتمنى اروح لاهلي بس ولدي يدرس وهذي اول سنه له حرام يتبهذل بسبب تفاهات بيني وبين ابوه....... هذا الموجز...... ابي ارائكم الله لا يحرمني منكم ولوكانت جارحه انا راح اتقبل ويمكن الرجال يفيدوني بما انك رجل هل ها الموقف يزعل......حتى لو يزعل ما توصل انه يرجعني بنفس اليوم......... احس على صدري زي الحجر من القهر.......والله ما فرحت برمضان........ دعواتكم لي........ |
وسعي صدرك وانا اختك ..انتي اخذتي العمره وش رايك باللي وصل لين الحرم ولا اخذ عمره آآآآآآآآآآآآه بس
هالرجال كل ماقلتي انك فهمتيهم يثبتون لك العكس .. على العموم عمره مقبوله انشاء الله .. |
هلا حبيتي ...والله الموقف يقهر ومو سهل ابد......
وعلى قولتك كل ما قلنا فهمناهم يطلعون بشي جديد.....الله يسامحه.... والله يتقبل منا ومنك...... والحمد الله على كل حال والله يتقبل عمرتي يارب.... |
احترت ايش اقولك
شكله كان في نفسه شي من اول وماصدق قلتي هالكلمه وطلع اللي بداخله الله يعينكم |
أول شيء أختي عمره مقبوله إن شاء الله
ثاني شيء انا ما فهمت هو ليش زعل اللي عرفته ان المشكله هنا اقتباس:
|
عمره مقبولة إن شاء الله
|
يا اختي لا دققي في تصرفات الازواج ومزاجهم المتقلب ترى بيجيك ضغط :30:
المهم رحتي عمرة وان شاء الله مقبولة منك لا تدعي ع زوجك خيتو قولي الله يهديه اقتباس:
عديها بعد قلبي ولا تخلي شئ صغير يعكر عليك راحتك وبس يروق ابقي حاكيه وتشكريه انه اخدك عمرة وانه مفضل عليك وهيك حكي الله يهدي سركم وريح قلبكم رمضان كريم ام وليد |
اسف والله مت من الضحك *****اولا عمره مقبولة *والظاهر انك باقي ما عرفتي لزوجك زين بحكم الزواج القريب
واللي يظهر من كلامك انه يحبك بس شكله يعاني من ظغوط عائليه او متضايق من شي قبل او ان عنده مبدأ خاطئ في التعامل مع المرأه(يعني ممكن يكون بدوي) والبدوي لا تعلميه الطريق,,,,, وأنا أعرف واحد من الزملاء طيب جدا جدا ويموت في زوجته لكن اذا عصب الله يستر وعلى اتفه الامور أختي الكريمه((((((((تعاملي مع الناس بطبعهم وعادتهم وليس بعادتك وطبعك))وحاولي تبيني لزوجك انه ماصار شي ***واحذري ترى اذا كثرت مثل هالامور الصغيره سيكرهك زوجك حاولي تعرفي طبعه زين تحياتي دمت بخبر |
تعوذي من ابليس تراه هو اللي يكبر المشكلة براسك و كل ما هونتيها قام و كبرها لأن هدف ابليس الفرقة و الزعل بين الأزواج
صدقيني مافيه مشكلة عادي ، و هو واضح إنه كان متضايق من أول و زعلان مو علشان كلمتك ، دوري على سبب زعله و راضيه و أكيد مو كلامك له في مكة لا تدعين على زوجك ، الله يخليه لك و يصلح ما بينكم ، هذا جزاه الحين ؟ وداك مكة و اخذتي عمره برمضان اللي تعدل حجة مع الرسول عليه الصلاة و السلام والله حقه كبير عليك روحي راضيه و اشكريه على العمرة و ادعي له ، و اكتمي قهرك بقلبك لأنه ماله مبرر قوي و ممكن يكون شرارة لهواش الله يستر من تاليه تدرين .... علشان تطلعين من دائرة الغضب هذي ... حطي الأشياء الحلوة اللي صارت بجهة و الأشياء السلبية بجهة ... الإيجابية كثيرة ، 1. وداك مكة إنت بدل صديقه ، 2. طول الطريق سوالف حلوة ، 3. أخذتي عمره ، 4. وفى بوعده لك و لا كسر خاطرك بالروحه ، الحين الأشياء السلبية 1. نفختي عليه و لا قدرتي تعبه بالعمره و تعبه بالسواقه بالسفر و كأنك إنت بس اللي لك احساس و تتعبين و هو لا ، و هو المفروض إنه يتعب أكثر منك و مع ذلك كان بيعبي زمزم يمكن لأهله و عصبتي عليه اوزنيها بالعقل تلقين المشكلة مالها وجود إلا إنك نكدتي عليه و هو الآن ينتظر منك مقابل حلو مو نفاخ و عصبية الله يصلح حالكم و اعذريني إذا في كلامك شيء ضايقك |
السلام عليكم ورحمة الله وبركاته..... عمره مقبوله بإذن الله... خيتو مشكلتك بسيطه جدا كان حلها بيدك بس أنتي ما تنازلتي شويه :18: هو كان الظاهر متضايق من شئ وتعبان حاله حالك وأكثـــــــــــر لا تنسي أنه هو يسوق طول الطريق وانتي قلتيها بنفسك المسافه مو شويه!!!!!!!! و أنتي وقتها ما أحترمتي رغبته لما قرر يعبي زمزم وكلمتيه بنفخ وهو قرفان أكثر منك ولما عصب ما حاولتي تمتصي غضبه سكتي!:( كان المفروض إنك قلتي له معليش حبيبي أنا من التعب تكلمت بهالطريقه وتأسفتي وقتها لأنه بجد الرجال ما غلط ولو تفكري فيها هو الخسران التعب عليه ضعف وأنتي أكتفيتي بالسكوت والقهر والنوم! انا عارفه وقتها إنك ما قصدتي شئ بس كبريها بتكبر صغريها بتصغر :d ومالك حق تدعي على الرجال بس حنا كذا ع اقل القليل بننسى كل الأشياء الحلوه وبنتذكر بس الشين:25: ع العموم صار اللي صار حاولي تراضيه لأنك أسمحي لي أنتي اللي إستفزيتيه ماتزعلي حبيبتي هذا زوجك وباين إنو بيحبك فلا تكبري الموضوع وبادري بالصلحه (رمضان كريم) طمنينا عنك.. أختك دلوو24ووعه |
| الساعة الآن 11:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©