يأ أم نايف تعوذي من الشيطان وأنا أختك أنتي الحين جالسة تعاقبين زوجك وتحاسبيه ومنكدة عيشتك على شئ قد صار وأنتهى وراح والله لايعودها وأنتي قالبه الدنيا على راس زوجك وأم زوجك وأخته تلاقينهم الحين عايشين ومرتاحين ونسيوا السالفة وأنتي جالسة تاكلي في نفسك وفي زوجك وبصراحة زوجك ماقصر معاك أعتذر منك وراضاك بالرغم إني أشوف إن السالفة جت من عند أهل زوجك وحطوها على راس زوجك وشبت النار بينك وبين زوجك ويمكن إن زوجك قال إيه أعرف بالسالفه يمكن أستحى من أمه أو هو قال كلام وهما فسروه بطريقة أخرى وفهموا بطريقتهم إن زوجك بيشهد معاهم هاذي أحيان تصير إن أهل الزوج أو الزوجه يفهموا الكلام بطريقة خاطئه ويفسروه حسب مصالحهم إللي تأيد رأيهم ضد الخصم وأنا أنصحك بأنك تبتعدي عن أي كلام تسمعينه من أهله في سلفتك أو في مشاكلهم الخاصة لاتدخلي نفسك فيهم أبد لابزينة ولابشينة خليهم وإذا سمعتيهم يتناقشوا بمشاكلهم الخاصه أتركيهم وأشغلي نفسك بأي شئ علشان ماتصير أي سالفه ويحطوها براسك أنتبهي في المرات الجاية وحافظي على بيتك وعلى زوجك ترى أبو عيالك مايتعوض وشكله طيوب وإبن حلال ويحبك ومايرضى فيك إنتبهي عليه زين الرجل يصبر ويصبر ولاكن إذا أنفجر بركانه ماعاد يخمده شئ وأنتي مرتاحة ومبسوطة معاه ماشاء الله تبارك الله فلاتنغصي حياتكم بسبب مشاكل تافهه وقد أنتهت إنسيها وإللي ظلمك الله بياخذ حقك منه وربنا ماراح يضيع حقك منهم وعيشي حياتك وانبسطي وروحي مع زوجك مو يوم وطني إلا يوم خاص لكم وأفرحي وأسعدي نفسك وزوجك وأرمي بأي شئ ينغص حياتك وراء ظهرك وفكري في المستقبل وأتركي الماضي وفي أي لحظة تتذكري السالفة الماضية أستعيذي بالله من الشيطان الرجيم واستغفري الله وأشغلي نفسك بأي شئ حتى نفسيتك ترتاح الله يريح بالك وينزع مافي قلبك
من حزن وغل وقهر ويصرف عنك كل تفكير سيئ يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله