اقتباس:
المشاركة الأصلية كتبت بواسطة ابتهال الخير
حابه اقولك شي .. وجعتلي قلبي والله
الله يعينك
انا كنت اعاني من نفس المشكله
البروود وكانه معلقه ..
بس في موضوعك انت بقولك بصراحه \\ انفصل ,,,, ماهي نصفك الثااااني
انت منت ملزم تجامل ابدا
لك حقوق مثل ماهي لها حقوق وبنات خلق الله واجد ,,انا ما ابغى احرضك عليها لان الزمن دوار وبكره يجيني الدور
بس انا بقولك كذا من باب انك طووووولت على غير فايده ,,, ياخي نحنا ننتظر ونصبر عن الحرام عشان نذوق طعم الحلال وهم كذا يسووا ليه طيب ..؟؟ اكره شي البروود وعدم احترام الي قدامك
هذا الشي يطعن بصراحه
بس وانا اختك لا تترك هذا الدعاء (( اللهم اجرني في مصيبتي واخلف لي خيرا منها ))
بالله طمنا وان شاء الله الحال يتعدل وباذن الله ماننساك من الدعاء
|
أختي الكريمة ابتهال ...
سلامتك من الألم والوجع والله يفرجع علينا وعليكي يارب
صدقيني لا أرى في كلامك اي تحريض أو ما شابه ...
ولكنه شعورك الأخوي النبيل و مرورك بمثل ما امر به هو ما أحسسك بالألم ...
ودفعك للبوح بتلك التعبيرات الصادقة والمعبرة .
والله الود ودي أتصل على الأهل فقط من باب التقدير والسلام عليهم فقط لكي لا أحرج معهم بسبب الغياب
لأني ببساطة أتعامل مع شخصية كبيرة في السن ستفتح نفس الموال وأنا معد عندي استعداد
كل مره أعيد نفس الكلام والاسباب ...
لن يقف الأمر عند هذا الحد ، بل سأوضع امام الأمر والواقع و بلا مقدمات سيعطونها سماعة التلفون
عشان أكلمها وانا هذا الشي ما ابغاه لما في نفسي من زعل ، ومو معقول كذا ولا كأنه صاير
شي أتكلم معاها على طول وهي مو حاسه بشي ! بالله في هذا الموقف وش تبغيني أسوي ؟!
أقفل السماعه في وجهها ولا أدخل في جدال معها ولا مع الأهل واقول لأ ما ابغى أكلمها ؟ ولا ايش أسوي ؟
الوضع كل ماله يتعقد اكثر وفي هالحالة بيقولون انت اللي ما تبغاها ومالك شي عندنا ...
ولو صار الشي هذا معناته دخلنا مرحلة الصدامات اللي أنا أتجنبها من البداية ، لأنه وقتها خلاص
بينكشف كل الورق وباخذها بعناد بقول أنا جاي اليوم الفلاني آخذها وبدون حفل زواج ولا شي
وبتجي للبيت معي أنا وأمي وهذا اللي الوالدة ما تبغاه وبيصير الوضع متأزم وأنا أمي ما تتحمل وبتتعب
وبيت ثاني أكبر لسه ما اشتريت لأنه ماني قادر أتحرك في الوضع الراهن ... فضلاً عن عدم اكتمال مبلغ
شراء البيت الجديد والمرتبط ببيع بيتي الحالي و اللي كلي يوم استقبل ناس تجي تشوفه عشان
تشتريه ولكن لا نتفق والله يعجل بحل هذا الأمر عشان بعدها أعرف أتحرك صح و أعرف أتعامل مع
أي نتيجة نصل إليها معهم ...
المهم أن الكل راح يتعب أنا وهي ووالدتي و الفايدة في النهاية ولا شي ...
لا كذا انحلت ولا كذا انحلت !
أسأل الله أن يفرج همي وهمك ويكتب أساب ذلك من عنده جلت قدرته ...
مع جزيل امتناني لموقفك النبيل .
__________________
رَبِّ هَبْ لِي حُكْمًا وَأَلْحِقْنِي بِالصَّالِحِينَ(*)وَاجْعَلْ لِي لِسَانَ صِدْقٍ فِي الآَخِرِينَ(*)وَاجْعَلْنِي مِنْ وَرَثَةِ جَنَّةِ النَّعِيمِ(*)
11-07-2010, 02:28 AM
ضوابط المشاركة
العرض الشجري