للأسف أنه أنا اللي إنقال عني شخص غامض ...

كان هذا في جلسة مصارحة ولحظة هدوء قبل ما أطلع من عندها

( صحيح كلن يناظر الناس بعين طبعه ) !

طبعاً صححت لها فكرتها ، وقلت لها أنا شخص هادي ولدت وكبرت وعشت لوحدي

ولا كان عندي حتى أخوان أحتك وأتفاعل معهم ، وهذا اللي انعكس على شخصيتي

وخلاني شخص هادي وكلامي قليل ، وليس غموض مثل ما تقولي بل إنه البعض فسر هذا

الهدوء واعتبره غرور فيني .



بصراحة معدني مرتاح ومتحمس للزواج منها ، وفعلاً أحس إني اخطأت الإختيار ، ولكن

أبيها منهم لأني وربي لو طلقت بدون ما أسترجع شي من اللي حطيته لها معناه

إني بقعد عزوبي إلين أقدر اكون نفسي من جديد وانا سني مو صغير ،

مجموع اللي دفعته 83000 ريال ! ولسه باقي ورانا شراء بيت ، بالله هذي بسيطه ؟!

الله يعجل لنا بالخراج منهم على خير يارب .

الوالدة صارت نفسيتها زفت بسبب وضعي ، وأنا صاير في حالة توتر وسرحان كثير

وابسط شي في هالموضوع ينرفزني ويعصبني ، ومالي متنفس إلا هنا معكم

علماً أني من يوم رجعت للرياض ما دقيت عليها ولا دقت علي

ما غير مكالمة الأهل لي يوم ما وصلت من السفر !



شكراً لك أختي الكريمة وآسف على الإطالة .

__________________