تربيت على كلمة عيب انت بنت! لما أشوف اخوي يغلط وانا أغلط نفس غلطته

كنت انضرب وأخوي لا لما أقول لأمي طيب واخوي يسوي كذا قالت انت بنت

البنت غير!! البنت لو بس تضحك مع رجال بالتلفون نقطع راسها الولد لو يطلع في الشارع متعري ومعه بنت عادي!!

لما نتعشى مثلا وتبقى قطعة صغيرة اجي اخذها تقولي امي لا! البنت مافيه شي على كيفها اهم شي الرجال وتسأل اخواني تبونها خذوها

اقول يماه انا اخذتها قبل تقول انت بنت! لازم حقك يضيع لازم تتعلمين ان الرجال كل شي على كيفه وان البنت دايم مكسورة!!

مع العلم انها مدللتني وكنت لما ازعل تجي تراضيني واخواني ماقد شفتها تعتذر منهم لكن كانت دايم تثبت لي ان الرجل شي قوي جدا وان المرأة ماتسوى ولاشي


دايم امي الله يحفظها تقولي كل الرجال يحبون يخطفون البنات! لو أروح لبيت اخوالي تحذرني من عيالهم وقتها صغيرة مررة وياما بكيت وضربت عيال اخوالي بالجزم لأنهم لمسو شعري مثلا!!

موقف لما كنت اول سنوات الجامعة كنا طالعين أحد المنتزهات وأمشي انا وبنت خالي مر واحد ومد يده ولمس بنت خالي وصارت تبكي وترجف
والله مانسيت هالموقف حتى اتذكر يد ه جعلها الكسر
من بعد هالموقف لو ادخل محل ورجال بيطلع منه ارتجف والى يومكم هذا وانا أرجف لما يمر رجل من جنبي


*مواقفي أثناء الرؤية الشرعية سببت لي حقد على الرجال


*سماعي لمشاكل المتزوجات حسسني ان المرأة ضعيفة جدا والرجل يلعب وياخذراحته لأنه رجل..

*دايم اشك في الرجال وأحس كلهم خاينين!! وأحسهم شكاكين موت

حسيت بداخلي قهر من الرجال وشكيت بنواياهم خصوصا اني اكتشفت من احد اقربائي تصرف سيء جداا وأثر فيني كثير

بنت اخوي دايم تقولي عمتي انت معقدة!! كل مامرينا من مكان فيه رجال حتى مشيتك تتغير وتزعجينا ضيقي نقابك ليه لابسة خاتم لاتضحكين


الشيخ اللي يقرا علي.. مرة قالي اول كنت اقول شوبارد خجولة ومافيه احسن من الحياء للبنت لكني اكتشتفت انك خوافة لما يجي دورك وتدخلين علي اشوف ااكتافك منزلتها على تحت لما اقرب منك عشان انفث تبعدين على طول لما أسالك تسكتين لثواني ثم تردين حتى صوتك وطريقة كلامك تأكد انك مرتبكة وعندك خلل! قلت يمكن هذي طبيعتها لكن احد المرات سمعتك تتكلمين وتعجبت قلت هذي شوبارد ماغيرها الا تجي عندي! بعض الرجال لما يشوفون الزوجة تخاف بزيادة يشكون فيها انتبهي ياشوبارد وانا اخوك!



مشكلة وقعت فيها اضطريت اني اكلم صاحب المدارس اثناء المكالمة قال ماصدق ان انت شوبارد
اسمع واقرا بتقارير عنك ان شخصيتك قوية وقيادية في الفصل ومرة صارت مشكلة بينك وبين الإدارة وواجهتيها بكل حزم لكن ماصدق انها انت ليه مرتبكة حرف يروح وحرف يجي << يوم قالها وقسما بالله رحت فيها
على طول رديت استاذ اتمنى انك تاخذ موضوعي باهتمام وجزاك الله خير مع السلامة!
سألت زميلة لي لها قد كلمتي استاذ فلان قالت ايه قلت ارتبكتي يوم تكلمينه قالت ايه خفت اول مرة بحياتي اكلم رجال
قلت لها قالي كذا وكذا وكذا
قالت اقولك شوبارد ولاتزعلين! قلت قولي

قالت انت شكلك عندك عقدة من الرجال تخافين منهم ومنقهرة منهم بنفس الوقت!! والدليل.. تذكرين صار نقاش حاد مع المعلمات عن موضوع كل وحدة تذكر امنية صعب تحقيقها يوم جا دورك قلتي نفسي أعمل وأكون بمنصب عالي جدا
وكل اللي يشتغلون عندي رجال من جميع الاشكال والله لأذلهم والله لأنكد عيشتهم
قلت كنت أمزح قالت هذا تعبير عقلك الباطني!!



أدري في المقابل فيه رجال ينحطون عالجرح ويبرا لكن دايم اقول لاتتفائلين كثير ياشوبارد زواج زي الناس ماحصلتي عشان تاخذين مثل هالرجال اللي فعلا ينشرون

اصلا طبايع الرجل ماتبان الا بعد الزواج وفي البداية مالنا الاالظاهر




تصدقون دايم اقول..
انا اذا تزوجت يمكن اجلس 6 شهور والله لاعوض هالحرمان اللي عايشته احس اني ودي انتقم بجلس فتر ة بخلي هو اللي يتقرب مني هو اللي يتلهف علي ودي ودي احسسه اني مو بسهولة حصلني <<< مايدري انا بصعوبة حصلته!!

مع اني متلهفة حاليا لكن بنقلب اذا تزوجت..

__________________
اللهم لك الحمد والشكر
"ولئن شكرتم لأزيدنكم"

اسمعيني ياقلبي ياشوبارد

اولا بالنسبه لطريقه معامله والدتك ...يمكن فيها مبالغه شوي بالنسبه للأكل .. وموضوع الأكل فقط هو اللي صراحه بالغت فيه ... يعني والله تحز بالنفس تاخذ امي لقمه مني وتعطيها اد اخوانيوالله مانساها عمري كله .. يعني الرجل يجوع وانا لا ؟؟؟

بالنسبه للأِشياء الثانيه ياشوبارد انا ماالومها والله ... صدقيني اهلي شديدين علينا بشكل مااحد يصدقه .. حتى لو قلت لكم ماصدقتوني ... لكن والله اننا صرنا مشهورين بين الكل بالنتيجه اللي وصلتها الشده هذي .... وانا اذا قدر الله لي وتزوجت وجاني بنات راح اصير شديده مثل ماامي وابوي شديدين علي ...صدق اني اتضايق احيانا ويضيق صدري من الشده هذي .. لكني صرت مقتنعه فيها ...

لأني شفت بعيني اذا الأهل عطوا البنت الحريه من الصغر راح تتفرعن اذا كبرت .. وياما امهات واعرفهم شخصيا يسألون امي شلون قدرتوا تتحكمون ابناتكم ...

البنت غير .. فعلا البنت غير ... مع ان اهلي البنت مثلها مثل الولد ...لكن اجتماعيا وشرعيا وجسميا البنت غير ...ولما قالت لك الوالده ان الرجال يخطفون البنات معها حق ... الرجل مو يخطف البنت اذا شافها بالشارع ولاقدر الله يغتصبها ..وهي كلمتك كذا على حسب فهمك وانتي صغيره .. ماراح يفهم الصغير الا بأسلوب بسيط مثل كذا .... ماانسى طول عمري موقف مر علي وانا صغيره . كنت واقفه قدام باب بيتنا وفيه اهلي واخواني بالشارع .. مر هندي راكب سياره وشافني وطلع عروسه وبدا يأشر بها علي .. يقول تبينها تعالي خوذيها .اعترف ان امي باذك الوقت كانت صغيره وكانت مهمله شوي لكن الحمد لله ستر الله .. الأهل الواعين لازم يعملون كذا علشان يحافظون على البنت ....

وبالنسبه احساك انك تعقدتي من الرجال انتي تتوهمين ياشوبارد ....كيف تبغين تتكلمين مع الشيخ والا مع مدير المدرسه والا مع اي رجل غريب ثاني ؟؟؟ تكلمينه زي ماتكلمين حرمه ثانيه ..؟؟

هذا هو الوضع الطبيعي لنتيجه التربيه الحسنه ولله الحمد ....

بالنسبه عاد لمواقف الرؤيه الشرعيه اللي مرت عليك وعلي هذا شي ثاني ....حتى انا يتعبني الموضوع هذا . لكن الشيطان هو اللي يوسوس لنا ان الرجل هو السبب . يمكن هو السبب لكن الله عزوجل هو الي سببه لحكه مايعلمها الا هو ... ودايم اذا تراجع خاطب اقول بيني وبين نفسي مو هو اللي تراجع بكيفه ولا يقدر يتراجع بكيفه .. الله عزوجل صرفه عني علشان يبعث لي الأحسن منه عشر مرات ...حتى انا اقول لأمي تراي تعقدت ماابي اشوف احد مره ثانيه .. تقول انتي اللي عقدتي نفسك .. احمدي ربك واشكريه غيرك بنات يتمنون يخطبهم رجل واحد بس ويروح ....وبيني وبينك احسها صادقه .. تخيلي وصلت انا للعمره هذا ولا احد خطبني احس اني راح انهبل ....

وبالنسبه لفكره انك تنتقمين منه بعد الزواج هذي تصدقين فكرت فيها ... بس قلت يابنت الحين تتعذبين وتصبرين علشان تحصلينه وتفكرين تنتقمين ... اتعوذ من الشيطان واعي ربي يجي بأسرع وقت ...

هونيها وتهون ياشوبارد .... انا مدري ايش الي صار لي لكني الحمد لله يوم بعد يوم ارتاح اكثر .. صدق مافارقتني فكره الزواج ولاااااااا لحظه ... لكني متأكده بأذ ن الله ان الله عزوجل بيعوض صبري وصبرك كل خير ... بس المسأله تحتاج صبر ووقت ... واذا جاء وقته اللي كاتبه الله مااحد يقدر يرده ....

الله يفرجها علينا وعليك عاجلا غير اجل

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

هلا شوبارد

اكثر الرجال ماتحب المراه اللي عندها فكر متفتح بقوه

يعني مثل بعض كلامك اول السطور يعني لايطلع الكلام هذا الا بالمنتدى بس
لاتقولينه لقريب او صديق او بعيد لو كان يضحك معاك

الناس ماترحم وفيها حسد لقطع الارزاق
فانتبهي وخذيها نصيحه

شوبارد
ضحكتيني والله
اسفة ... احس الوقت ما هو وقت ضحك
بس مقدر اخبي شعوري
اكيد بيجي على بالك .... ليش ؟؟
لان يا حبيبتي
عادي كلنا عايشين في مجتمع ذكوري
وهذا هو حال المرأة دوم
وقصة امك تشابه قصة امي لحد ما
بس عشان ما اظلمها ، ترى ابوي يدلع البنات
وامي تحط هيبة للاولاد وتعادلنا

اما بالنسبة للعنوسة ودورها في تعقيدك من الرجال والرؤية الشرعية
ما اقدر اقول لك عادي لاني ما مريت في هالتجربة والحمدلله
بس احس شئ يجرح وممكن يعقد فعلا
بس بيني وبينك
اكيد شعورك هذي اصلا كان قبل اول رؤية شرعية صح ولا لأ
لان كل البنات نفس التفكير

الشغلة الثالثة :
ذكرتي انك معقدة من الرجال ويظهر عليك الارتباك
وانا اقولك والله اني نفس الشئ
لما اشوف اي رجال ما ادري شنو يصير لي
تخيلي شوبارد
انتو عندكم المرأة ما تختلط يعني طبيعي وضعك
لكن تخيلي وحدة مثلي في مجتمع جدا منفتح ( على الاخر )
ودرست في الجامعة اربع سنوات مع بنات واولاد
ولازم يكون بينا وبين الدكاترة شغل جامد
ومع ذلك اذا اشوفهم احس جسمي كله ينتفض ....
ولما توظفت
لازم عندنا الموجهين رجال ... يعني تخيلي اشرح ورجال قاعد يطالع فيني !!!!!
ولازم تعاملين لنفسك في الوزارة وكلها رجال
والله اللي يشوفني يقول مسكينة معقدة عمرها ما شافت رجال !!!!!
لدرجة صديقتي تقولي خجولة ... وانا اقول لك ما له علاقة في الخجل
اظنك فاهمة اش ابي اقول


على فكرة في نقطة ذكرتيها ضحكتني >>> مدري ليش حاسة انك معصبة الحين مني
اللي هي
انك ماخذة فكرة غلط عن الرجال
ودايما اذا مريتم بجنب احد تقولي ضيقي نقابك ....الخ
انا اسويها دايما مع خواتي
بس بطريقة ثانية وقبل كم يوم ... خواتي اشتكوا علي اني معقدة !!!!
انا دايما احاسبهم في كلامهم في المنتديات
اذا احد اتصل اشلون يتكلمون
اذا طلعوا بره .. اشلون حجابهم
بس احسه مو تعقيد الا زيادة حشمة ولله الحمد واكيد احنا مأجورين


ياررررب يا حي يا قيوم
ما تعدي هالسنة الا وانتي في بيت زوجك
على فكرة لما اقول لصديقتي هالكلام تقولي : حرام عليك ... سنة كثير
اقولها خلاص ان شاء الله ما تعدي هالسنة الا وانت حامل >>> الله يستر شنو هي اخرة الضحك

وطولت عليك .. سامحيني شوبارد
بس اكيد نفسيتك تعبانة بسبة الدوام ... الله يستر احنا دوامنا بعد اسبوعين
واعذريني عالكلام الملخبط والغير مرتب
بس انا في عجالة من امري
.
.
.
اسماء

والله انك احلـــــــى من العسل يا شوبارد . ...وكلامك بصراحه صحيح 100% تعرفي ليه لأن المثل يقول المرأة لا بد ان تكون قطه شرسه في مجال العمل وخارج البيت .....وقطه وديعه في حياتها الخاصه ...الخوف من الرجل والارتباك امر طبيعي جدا للفتاة اللي عمرها ما اختلطت برجال وبمن هب ودب وبصراحه ها الشي ما اعتبره عقدة بالعكس ميزة نادرة في بنات هالأيام .....والخجل امر محبب جدا جدا للرجال .......لدرجة في بعض بعذ البنات يمثلون الخجل قدام الرجال لأنها تعرف انه يزيدها انوثه ودلال .............لكن في حياتك الزوجيه المقبله ان شاء الله وقريبا جدا ..:14: :14: .....سيكون بإذن الله وازني بين الخجل والجرأة لأنه بينهما شعرة .....يعني لا خجل شديد يملل الرجل ولا جرأة شديده تشكك سي السيد في مرااااااته!!!!!!!!!!

اما من ناحيه الأهل بصراحه معك حق في هالنقطه عقدونا من الرجال وحسسونا ان هم الكل في الكل وان الولد سند لوالديه عند الكبر وانه يحمل اسم عائلته ووووووووو والكثير منهم ينسون بناتهم ووقفتهم معاهم ودايما يقولون البنت نربيها ونتعب فيها ويأتي غريب ويا خذها منا ........كأن الشاب لا تأخذه زوجته وابناءه عن اهله الا من رحم ربك .......مع اني اشوف البنات احن واطيب قلبا على اهلها ووالديها من الشباب ....وحنا البنات في دولتنا تقريبا نتصرف في امور البيت وشؤونها كأننا شباب ...والشباب خبر خير مع ربعهم في المقاهي وسفرات وسهرات للصبح ......والبنات يحليلهم اللي تشوفها بسيارتها ودي امها للمستشفي ولا السوق .......اللي في سوق السمك تفاصل الهندي بكيلو السمك ؟؟؟؟؟؟واللي في مغسله السيارات .......واللي في الوكالة تصلح سيارتها واللي تروح المخبز في الليل الساعه 10 مثلا تجيب الخبز ولا ما شي خبز في البيت اليوم .....وين الشباب وين الرجال اللي مع زوجته واللي مع ربعه ........ولا حد يدري شو صاير في الدنيا غير هالمسكينه اللي قاعده تشوف اموركم وآآآآآآآخرتها الولد احسن من البنت!!!!!!!!

تخيلوا والله وبعد اذن ربيعتي ........ان خدامتهم مرة نست ماي الحنفيه على الساخن وجت ربيعتي يحليلها تستعمله عشات تغسل ايدها الا والماي الحار دددش ينصب على ايدها ......تخيلوا امها شو قالت .......الحمدالله ما طلع واحد من اولادي اللي احترق!!!!!

امهاتنا معذورات لأنهم تربوا نفس التربيه اللي تربينا فيها ان الولد احسن من البنت واحس ان احنا لا صرنا امهات بنعاملهم نفس الشي لأن العقده مترسخه بداخلنا ..........ما ادري الله يعلم يمكن يكون العكس صحيح؟؟؟؟؟؟؟

حاسة بتأنيب ضمير شجعتك تكتبيلنا موضوع.. بس ما توقعت كذه

بس تعرفي.. أنا مثلك.. شايلتني حاطيني معقدة من الرجال..

بس كم علاج العقدة هو الإعتراف بها <<<< تمزح

شوبارد.. إذا رجعتي للماضي وخاصة اللحظات السيئة راح تتعبي وتستنفذي كثير من طاقاتك..

اللي انت حاسة فيه مجرد خجل.. مجرد عدم تعود على رجل غريب.. ودليل على عذرية أحاسيسك وقلبك.

الحياء أجمل صفة في المرأة.. بالعكس تقبلي هذه المشاعر ولازم تفرحي بها..

مرة رحت دكتور جلدية مع صحبتي.. عادي يقلها وريني يدك وريني رجلك توريه دون تردد.. مع أنها غير سيئة.. وقلت شكله الموضوع سهل.. أخذت أمي ورحت.. قعدت قلي وريني يدك.. أنا بلمت.. أول كلمة طلعت مني انكسف ! ضحك وخرج من الغرفه وغطوني بشرشف.. والله ضعت.. مدري ليه.. كل ما نكبر كذا يصير نتحفظ أكثر.. ولا تخاف على أنفسنا وعلى مشاعرنا لا نحس بشي ما حسيناه ؟ أعتقد ذلك.. صرت أخاف على نفسي وأطلع الرجال كلهم من عيوني عشان تعف نفسي منهم.. ولمن يجي وقتها يحلها الحلال.. بس هل هذي النظريه صحيحة ؟ ولا راح تأثر علينا سلباً ؟!


أما كلمة أنت بنت غير وهو ولد.. فأغلبنا تربى على هذه الكلمات,, يعني امي كمان لمن أعترض وأقول شمعنا فلان تقلي فلان ولد !! وفي السفرة أقسم لك بالله نفس الشي.. يعني لمن تبقى قطعة أخيرة تعطيها لأخوية.. وأم صديقتي كذا وأمك كذا.. وأنت بكرة باللاإرادي راح تصيري كذا إلا إذا تنبهتي على نفسك وغيرتي العادات اللي ترسخت في عقلك.. لكن الصراحة.. أحمد ربي على هذي التربية لو أهلي فالتيني وما حددوا صديقاتي كان ضعت من زمان.. لكن فيه رادع جوتي وهي البذرة الصالحة اللي زرعوها في نفسي وهي الخوف من عقاب الله عز وجل.

بكرة إن شاء الله تنخطبي.. وبالتدريج تتعودي على زوجك وتحرري ذاتك من أي قيود بالحلال صدقيني أنا هذا اللي أقوله لنفسي.. أعرف إني مقيدة نفسياً وأنكمش وأتوتر وأتصبب عرقاً.. بمجرد أتخيل بصحبة رجل.. وفهمت عقدتي وبمجرد أن أجد الزوج أكون مقتنعة فيه راح تتحرر قيودي وتصير عقدتي سوالف قديمة أضحك عليها يوم من الأيام.. تمتعي بحيائك و أثوثتك المصونة.. بالنسبة للإنتقام هذا شي طبيعي لأنك تشوفي العسل قدام وما تقدري تحلي بيه.. فأكيد تكرهي نفسك فيه حتى تعف منه!! هذا أسلوبي أنا اخترعته ليه تقلديني <<< تمزح


ها إيش رايك.. فيه عقدة ولا يتهيئلك ؟

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]

لولو لما أقارن نفسي مع غيري اللي يكلمون الشيخ القى وضعي يختلف هم يكلمونه بأدب برسمية انا اتكلم بخوف يبان على صوتي فهمتي علي؟؟ يسألني سؤال واسكت شوي وارد بصوت واطي ويقول ياربي بدا بلع الحروف
مع ان طريقتي وكلامي مع الغير تختلف مررررررة

__________________
اللهم لك الحمد والشكر
"ولئن شكرتم لأزيدنكم"

بصراحة اخوي مافهمت عليك بس انا فكري ماهو منغلق ابدااا

وشعوري هذا خارج عن ارداتي ونفسي يتغير

__________________
اللهم لك الحمد والشكر
"ولئن شكرتم لأزيدنكم"

اختي في الله ..اخواتي في الله.

اعتقد بأنكن تتحدثن في موضوع صحيح 100% بخصوص تواجدكن بمجتمع ذكوري
ولكن اود ان ننتقل الى (حل) لمشكلة اختنا شوبارد ..
لقد قرأت ردودكن واثلج صدري ماقلته الاخت لولو جزاها الله خير حيث قالت (هذا هو الوضع الطبيعي لنتيجه التربيه الحسنه ولله الحمد ....) .
ولكن من ناحية الاثر النفسي عليك فيبدوا ان هذا قد أثر كثيرا بك لأنك فتاة حساسةجدا وتتأثرين من محيطك بسرعة.
لست معك فيما ذكرتيه بإنتقامك من (الرجل) في صفة (زوجك) بالمستقبل لمجرد الإنتقام ...
وماذنبه هو اذا كان (رجل) ولايدري ماهي طبيعة مشكلتك مع الرجل؟؟ ..بل ربما كان لديه (أمل) في امرأة يحبها وتغتالين هذا الامل بذلك التصرف..
اختي في الله
الدنيا هي كما نراها نحن ..ولكن هذه الرؤية تختلف من شخص لأخر ..فأنت ترين الرجال خائنين وشكاكين ..الخ .
ولكن هل هذه هي الحقيقة ام انها (ردة فعل) او (انطباع) او (تعميم للصورة ) ؟؟

ينبغي ان تتجردي في البدء من اعباء هذا التعميم لتستطيعين بإذن الله معرفة هذا (الرجل) بشكل اكثر منطقية ..
وفقك الله

__________________
الفضاوة إما تصنع مبدع أو مريض