السلام عليكم ورحمة الله وبركاته
صراحة مادري كيييف ابدأ مشكلتي ،،
ياناس طفلي عمره 3 سنوات اوكي
مشااااغب الله يصلحه يعني اذا جلست بشوف برنامج او ادخل النت اوجالسين نسولف ،،
لازم يحووووس الجلسة ويدخل عرض، اومثلا ابوه جالس يقرأ الجريدة ،، يجي ويحوس فوقها بدراجته ،،
ماينفع معاه ترغيب اوترهيب،، احيانا اقول يفهم واحيانا اقول لا،، يعني إذا جلست اعلمه ان هذا مايصلح
او الكلام هذا ما يصلح تقوله،،، يفهم ويرسخ في ذهنه واحيانا لما اغلط يصحح لي،،
وفي نفس الوقت إذا اشغلني او ابوه نهاه عن شيء ،، ما يطبق ولا كأننا نتكلم ،،
او مثلا اذا كنا طالعين للسوق يدخل يحوس في المحل او اذا كان مجمع ،، يبغى يمشي لوحده واحنا نخاف عليه,,
اذا شاف طفل صغير: لازم يعطيه
،،، ما يستحي من أحد،،
جربت العقاب ،، فأحيانا احرمه من شي محبب إليه ،، واحيانا اقفل عليه في غرفته،، ويبكي فترة
بعدين يجلس يلعب بألعابه،، وينسى العقاب ،،، واحيانا أذا كنت في السوق وكان المحل قريب من السيارة
خليته في السيارة كعقاب،، او اقول ترى ماتنزل من السيارة اذا اشغلتن،، ويقول خلاص بصير مؤدب،، ولما ينزل
تختفي الأداب،، وجربت اني مثلا اضع في فمه شي حار مثل( فلفل) حاجة بسيطة لكن مانفع ،، يعني أذا هددته
بأي شي من السابق ،، يقول لالاخلاص ،، بصير مؤدب و و و و و ... ولحظة بسيطة فقط ويرجع لمشاغباته،،،
اللي يقهر إني لما اعاقبه انا يجي لأبوه ويشكي حاله فأبوه يقول ليش انت ماتأدبت ومن ها الكلام ويقول له خلاص
رح لماما وبوس راسها وقل بصير مؤدب وتوبة ،،، فهو يجي ويطبق نفس الكلام ،،، ونصف ساعة تزيد او تنقص
ويرجع لسابق عهده،،، ونفس الموال مع ابوه،،، ودايما ادعي ربي يصلحه ويهديه...
صراااحة تعبت منه ابغاه يصير كله آآآآآآآآآآآآآدآآآآآآآآآآآب
ابغى حل تكفووووون الله يخليييكم...
تبغون الصراحة إذا كان نايم نفقده ونروح نبوسه ما نتحمل بعده ،،،الله يخليه لنا
مــــــــــن جـــــــــــــــــــــــــــــد ابـــــغــــــــــى حـــــــــــــــل.....
ودمـــــــــــــــــــــــــــــــــــــــتـــــــ ـــــــــــــــــــــــــــــــــــــــم
11-08-2006, 10:01 PM
ضوابط المشاركة
العرض العادي
