انتم من سيحدد مصيري... * بنت النور * توافق ؟؟ ماتوافق ؟؟
السلام عليكم ورحمة الله وبركاته
كيف حالكم ؟؟
تذكرون موضوعي ومشكلتي ومأساتي ومعاناتي مع امي؟؟؟ الي مايذكره احسن إيلو
بس حبيت اشكر كلللللللل الي ردوا عليّ وواسوني وساعدوني في تخطي المشكله والحمدلله انا نفسيتي صارت احسن بواااااااااااااااااااااجد عن قبل... عموما ادري الحين ان البعض مو عارف شالسالفه ويقول اش تخربط هذه
بس انا اثق فيكم اشد الثقه وحابه اخذ رايكم ومشورتكم في موضوعي الآن لأن اكيد رأيكم يهمني وأكيد أكيد راح آخذ فيه فكلي ثقه بسداد ارائكم وحكمتكم
موضوعي بإختصار وعذراً إذا كانت الحكايه بتكرر بس بقول عساس تساعدوني وتخيلوا نفسكم في موقفي
ان انا كنت احب شاب واكلمه وهذا الولد كان يغار من صاحب اخوي لانه كثير التردد على البيت ولان كان يرد على مواضيعي انا بالذات في احد المنتديات الي كنت انا وصاحب اخوي مسجلين فيها بطريقه ملفته وانا كنت اشاركه ايضا.. فكان الحبيب السابق يغار منه و" مايحبه " وانا لين حبيته يبين لي غيرته عليّ اقوم واتكلم عن صاحب اخوي قدامه وهو طبعا يعرف ان حركاتي وكلامي كله هرج وجنون وعارف اني اقول هالكلام حق يظهر لي غيرته ويحسسني فيها
عموما
صارت ظروف منعت زواجي من " من كان حبيبي " وعرفت ان هذا مو نصيبي ونفسيتي تعبت مرررررره ، وصرت اكره الزواج واكره الحب وماابي اعيدها واحب ثاني وارفض كل من يتقدم لي بدون سبب ،، وزاد الهم على قلبي لما سمعت بخطوبته - اقصد حبيبي السابق - ، بعد قصة حب طويله
بس ماحصل نصيب ، وانا وهو اردنا بس ربي ما اراد
آمنت بالي كتبه لي ربي وخلاص
عملت فورمات لنفسي وقلبي وشخصيتي وحاولت اغير من افكاري وابدأ صفحة جديدة مع عالمي
بعد المدة الي قضيتها في رفض تام للزواج وووو ،،، تقدم لي شاب الحين انا مرتاحه له كثير وحاسه انه يقارب شخصيتي وتفكيري لاني تقريبا اعرفه الا وهو " صاحب اخوي " الي كان يغار منه حبيبي السابق واعانده فيه
بكل صراحه
انا حسيت ان قلبي بدأ يحيى من جديد ، وحاسه اني قادره احب بعد قصتي مع انسان حبيته من كل قلبي بإخلاص ووفاء لكن للاسف نهاية قصتنا الفشل لانه مو نصيبي.....
انا كرهت الدنيا ، لكن كل شيء تغير بعد ما خطب بنت غيري وشاف حياته ...
من حقي اشوف حياتي لكن الشيء الي انا محتاره ومتردده فيه هو هل اوافق على صاحب اخوي او لا ؟؟
انا احس ان فيه شيء خفي يربطني فيه.. وهو انسان الكل يمدح فيه واهلي والكل موافق عليه وانا بعد مرتاحه له وصايرة افكر فيه واجد واشوفه في منامي بعد
بس الشيء الي يمنعني من قبوله هو ان حبيبي السابق كان يغار منه لاني لين بغيت اعانده اتكلم عن صاحب اخوي بما إنه مايحبه
فما أدري شنو بيكون موقفه لو عرف اني انا ارتبطت بالشخص هذا !!!!
واخاف يشك اني كنت اخونه وكان قلبي يحب صاحب اخوي لاني بالبدايه اتكلم عنه والحين اصدمه بإرتباطي فيه - مع اني والله كنت احب حبيبي وماكنت افكر في صاحب اخوي ابدا وكل كلامي عنه بس عساس يحسسني حبيبي بغيرته عليّ -
طبعا انتم بتقولون ان حبيبك السابق خطب وبيتزوج وبيشوف حياته وبينساك
وانا اقولكم ان هو لازالت له في قلبي معزه كبيييييييييييييييييرة واحترام اكبر. . وانا بعد موافقه اشوف حياتي ولكن خايفه من المفاجأة الي بيكون فيها لو عرف اني ارتبطت بصاحب اخوي هذا .. - وخايفه من تأنيب الضمير لي -
بعكس لو ارتبطت بشخص ثاني بيكون الوضع طبيعي وعادي
اعطوني رآيكم الله يخليكم تخيلوا نفسكم محلي شتسوون؟؟
وصدقوني اني انا اؤمن برايكم وكلي ثقه فيه خصوصا اني احب نصيحتكم وآخذ بها ، نفعتوني وساعدتوني وغيرتوني والحين ابغى رايكم ونصيحتكم في شيء جديد في حياتي لان اكيد رايكم بيكون افضل من رأيي يمكن لان بعضكم اكبر مني وتجاربه في الحياه اكثر مني وتفكيره افضل
وصدقوني برأيكم انتم باحدد مصيري
قلتون لي اقبلي راح اقبل
ارفضي راح ارفض
وانا بإنتظاركم بس لاتتأخرون عليّ لان الجماعه ينتظرون جوابي ، وانا انتظر جوابي منكم
تحياتي ومودتي لكم